Matiyu 7:23 - Mandinka Bible

²³ Bari m be a koyindi la ì la le ko, ‘Nte nene maŋ ali loŋ. Ali bo m bala, alitolu kuu jawu kelaalu.’

Matiyu 7:23 Referans Kwoze

Matiyu 25:41

“Bituŋ a si naa a fo a maraalankoolu fanaa ye ko, ‘Ali bo nte bala, alitolu mennu dankata. Ali duŋ badaa-badaa dimbaa kono, meŋ parendita Ibiliisa niŋ a la dookuulaalu ye.

Jabuuroolu 6:8

Ali bo m bala, alitolu mennu bee ka kuu jawoo ke, kaatu Yaawe ye n kumboo kaŋo moyi le.

Luka 13:27

Bari a be a fo la ali ye le ko, ‘Nte maŋ ali loŋ, sako ali bota daameŋ! Ali bo m bala, alitolu kuu kuruŋ kelaalu bee.’

Luka 13:25

“Niŋ buntiyo wulita, a ye bundaa soroŋ, ali be a dati la ka loo banta ka bundaa konkoŋ, aniŋ ka a fo ko, ‘M̀ Maarii, bundaa yele ǹ ye!’ A be ali jaabi la le ko, ‘Nte maŋ ali loŋ, sako ali bota daameŋ!’

Matiyu 25:12

Bari a ye ì jaabi, ‘Tooñaa, m be a fo la ali ye, nte nene maŋ alitolu loŋ.’

Yohana 10:14

Nte le mu kantarilaa betoo ti. Ŋa n na saajiyolu loŋ ne, aduŋ n na saajiyolu ye n loŋ ne,

Lankenemoo 22:15

Bari wuloolu niŋ batuutaatiyolu le be a banta la, ì niŋ laañooyaa tulunnaalu, moofaalaalu, jalambatulaalu, aniŋ moolu mennu ye faniyaa foo kanu, aduŋ ì ka loo wo kaŋ.

2 Timoti 2:19

Bari Alla la fondamaŋ bambandiŋo te maamaŋ noo la, a be notoriŋ ñiŋ kumoolu le la: “Maariyo ye moolu loŋ ne, mennu mu a taa ti.” Aduŋ “moo-wo-moo meŋ ka Maariyo too kumandi, wo ñanta a koo dii la tilimbaliyaa la le.”

Jabuuroolu 5:5

Faŋ wara moo te loo noo la i ñaa koto, i ye moolu bee le koŋ, mennu ka kuu jenkeriŋo ke.

Jabuuroolu 119:115

Alitolu kuu jawu kelaalu, ali bo m bala, fo n si n na Alla la yaamaroolu muta noo.