Matiyu 7:13 - Mandinka Bible

¹³ “Duŋ niŋ bundaa deteriŋo la! Kaatu bundaa doo fanuta le, aduŋ a siloo sooneeyaata le, meŋ ka taa kasaaroo kono, aduŋ mennu ka duŋ a la, ì siyaata le.

Matiyu 7:13 Referans Kwoze

Kuma Kotoomaalu 16:25

Sila le ka tara jee meŋ tilinta moo fee, bari labaŋo la, a ka a samba saayaa le kaŋ.

Yohana 14:6

Yeesu ko a ye ko, “Nte le mu siloo ti, tooñaa aniŋ baluwo. Moo-wo-moo te naa noo la m Faamaa yaa, fo niŋ a naata ka bo niŋ nte la.

Yohana 10:9

Nte le mu bundaa ti. Niŋ moo meŋ dunta niŋ nte la, a be kiisa la le. Aduŋ a be duŋ niŋ finti la, a ye ñaama keroo soto.

Yesaya 55:7

Moo jawoo ye a la jawuyaa siloo bula, moo kuruŋo ye a la kuruŋyaa miiroo tu jee. Ì ye muruŋ Yaawe kaŋ, a be balafaa soto la ì ye le. Ì ye naa ǹ na Alla kaŋ, kaatu a be yamfa la ì ye le burayi.

Kuma Kotoomaalu 9:6

Ali sooneeyaa baa tu jee, fo ali si baluu. Ali bula fahaamuroo la siloo nooma.

Kalatiyankoolu 5:24

Moolu mennu mu Kiristu Yeesu taalu ti, wolu ye ì balajaatoo la lafoo niŋ hame kuu jawoolu pempeŋ yiribantambiloo bala le.

Matiyu 3:2

“Ali tuubi, ali ye ali koo dii ali la junuboolu la, kaatu Arijana mansabaayaa sutiyaata naŋ ne.”

Matiyu 3:8

Ali daajikoo yitandi, meŋ mu tuubi tooñaa ti.

2 Korintinkoolu 6:17

“Wo kamma la, Maariyo ko: ‘Ali taa, ali bo ì kono, ali jamfa jee la. Feŋolu mennu maŋ janku, ali kana ì maa. Wo to le m be ali jiyaa la,

Matiyu 23:13

“Kooroo be alitolu Luwaa karammoolu niŋ Farisewolu ye, alitolu bunaafayoolu! Ali ye siloo soroŋ moolu ma ka taa Arijana mansabaayaa kono. Ali faŋolu te duŋ na, aduŋ ali te moolu bula la, mennu lafita ka duŋ.

Lankenemoo 20:15

Moo-wo-moo too maŋ safee baluwo kitaaboo kono, wo ka fayi wo dimbaa daloo le kono.

Filipinkoolu 3:19

Wo moolu labaŋo mu kasaaroo le ti, kaatu ì konobatoo le mu ì la alla ti. Ì ka kibiri kuwolu le la, ì ñanta malu la mennu la. Ì hakiloolu ka tu ñiŋ duniyaa kuwolu doroŋ ne kaŋ.

2 Korintinkoolu 4:4

Ñiŋ duniyaa maralilaa ye itolu lannabaloolu sondomeñaalu suki le fo ì kana maloo je noo, meŋ naata ka bo niŋ kibaari betoo la Kiristu* la kallankeeyaa* to, ate meŋ mu Alla muluŋo ti.

Kiilaalu 3:19

Wo kamma la, ali tuubi, ali ye muru Alla kaŋ, fo ali la junuboolu si tuutuu,

Lankenemoo 20:3

a ye a fayi dinka dambaloo kono, fo sanji wuli kiliŋ, a ye a bitindaŋo soroŋ, aduŋ a ye a noto, fo a kana siloo soto ka nasiyoŋolu neenee kotenke. A te bo la jee to, fo niŋ wo sanji wuli kiliŋo tambita. Wo koolaa, a ñanta bula la le fo waatindiŋ.

1 Yohana 5:19

Ŋà a loŋ ne ko, m̀ bota Alla le yaa, aduŋ ñiŋ duniyaa be Seetaani le la maraloo koto.

Matiyu 25:46

Bituŋ wolu si naa taa badaa-badaa yankankatoo kono, bari moo tilindiŋolu si naa taa badaa-badaa baluwo kono.”

Matiyu 25:41

“Bituŋ a si naa a fo a maraalankoolu fanaa ye ko, ‘Ali bo nte bala, alitolu mennu dankata. Ali duŋ badaa-badaa dimbaa kono, meŋ parendita Ibiliisa niŋ a la dookuulaalu ye.

1 Musa 6:12

Alla ye a je le, duniyaa moolu be jenkeriŋ ñaameŋ. Moo bee le tarata taama kaŋ a fansuŋ sila jenkeriŋo kaŋ.

Lankenemoo 13:8

Moolu mennu bee be baluuriŋ duniyaa kono, ì be a batu la le fo moolu doroŋ, mennu toolu safeeta baluwo kitaaboo kono biriŋ duniyaa fondamaŋo be laa la. Wo le mu Saajiiriŋo la kitaaboo ti, meŋ kanateyita.

Roomankoolu 9:22

Wo ñaa kiliŋo la, Alla ye kaŋo soto moolu kaŋ ne. A lafita a la kamfaa yitandi la fo a la semboo si loŋ, bari wo ñaa-wo-ñaa, a naata muña niŋ muña baa la wo moolu ye, mennu ye a kamfandi. Wolu mu keraŋolu le ti a la kamfaa ye, mennu ñanta kasaara la.

Luka 14:33

“Wo to alitolu kono, niŋ meŋ maŋ a koo dii feŋo bee la, a ye meŋ soto, wo maarii te ke noo la n noomalankoo ti.

Yesaya 1:9

Niŋ Yaawe Alihawaa Maariyo* maŋ doolu tu ǹ ye jee nuŋ, ì ye baluu, m̀ be ke la le ko Sodomu niŋ Komora saatewolu.

Lankenemoo 12:9

Bituŋ ninkinanka baa fayita naŋ duuma. Ate le mu wo saa kotoo ti, ì ka meŋ kumandi Ibiliisa niŋ Seetaanoo* la, duniyaa moolu bee neeneelaa. A fayita naŋ duuma duniyaa kono, a niŋ a la malaayikoolu.

1 Musa 6:5

Yaawe naata a je ko, hadamadiŋolu la tilimbaliyaa semboo warata duniyaa kono le, aduŋ ì sondomoolu la miira kuwolu ka tara looriŋ kuu jawu kewo doroŋ ne kaŋ waati-wo-waati.

Luka 9:33

Kabiriŋ ñiŋ kee fuloo be Yeesu bula kaŋ ka taa, Pita diyaamuta a ye ko, “N karammoo, a beteyaata ntolu fee le ka tara jaŋ. M̀ batu, ŋà jembereŋ saba loo. Kiliŋo ye ke ite taa ti, kiliŋo ye ke Musa taa ti, aniŋ kiliŋo ye ke Eliya taa ti.” Bari Pita maŋ a loŋ, a be meŋ fo kaŋ.

Kuma Kotoomaalu 7:27

A la buŋo mu saayaa dinkiraa le ti, aduŋ a ka ì samba kaburoo le kono.

Yesaya 35:8

Sila fanuŋ baa le be tara la jee. A be kumandi la sila jankuriŋo le la. Seneyaabaloolu te taa niŋ ñiŋ siloo la, a be ke la Alla la moolu le taa ti, hani toolewolu te fili la a siloo kaŋ.

Matiyu 7:14

Bari bundaa meŋ deteta, aduŋ a siloo maŋ sooneeyaa, wo ka taa baluwo le kono, aduŋ dantaŋ doroŋ ne ka a je.