Matiyu 5:4 - Mandinka Bible

⁴ “Barakoo be moolu ye, mennu ka woosii, kaatu ì be sabarindi la le.

Matiyu 5:4 Referans Kwoze

Lankenemoo 21:4

A be ì ñaajiyolu bee fita la ì ñaalu to le. Saayaa te soto la kotenke, woosiyo, kumboo waraŋ dimiŋo te soto la jee, kaatu kuu kotoolu tambita le.

Yesaya 57:18

Ŋa itolu taaraŋ siloo loŋ ne, bari m be ì jaara la le. M be ì kanda la le, ŋa sabari jusoo dii ì la, fo ì sunuriŋolu si a dati ka jayiri suukuwo laa n ye.”

Luka 6:21

Barakoo be alitolu ye, mennu be konkoriŋ saayiŋ, kaatu ali be wasa la le. Barakoo be alitolu ye, mennu be kumboo la saayiŋ, kaatu ali be jele la le.

Yankuba 1:12

Barakoo be moo le ye, meŋ ka wakiili kotoboroo la, kaatu wo koolaa a maarii be baluwo kañeerinaafoo soto la le, Alla ye meŋ laahidi moolu ye, mennu ye a kanu.

Yesaya 25:8

A be saayaa buruka la le fo abadaa, a ye ñaajiyo fita moolu bee ñaa to, a ye a la moolu la malu kuwo bondi ñiŋ duniyaa kono. Yaawe le ye a fo.

Yesaya 66:10

“Ali niŋ Yerusalaamu ye maadiyaa, ali ye seewoo a la kuwo la, alitolu mennu bee ye a kanu. Yerusalaamu la kuwo ye alitolu mennu sunu, ali niŋ a ñanta deŋ na le ka seewoo.

Esekiyeli 9:4

a ko a ye ko, “Duŋ Yerusalaamu kono, i ye taamanseeroo ke moolu foŋolu to, mennu niyo be toorariŋ, aniŋ ì be sunuriŋ wo kuu haraamuriŋ kewolu la mennu be saatewo kono.”

Yesaya 35:10

Yaawe ye moolu mennu kumakaa le be muruŋ na Siyoni*, ì niŋ suukuwo le be duŋ na jee, seewoo bambaloo ye tara ì fee. Niikuyaa niŋ niifitiyo be taa le, kontaanoo niŋ seewoo ye ì futufaa.

Yesaya 30:19

Hee Siyoninkoolu*, alitolu mennu be sabatiriŋ Yerusalaamu, ali te kumboo la kotenke. Niŋ ali kumboota maakoyiroo la, a be hiinoo yitandi la ali la a ñaama le. Niŋ a ye a moyi doroŋ, a be ali jaabi la le.

Luka 16:25

Bari Iburayima ko a ye le ko, ‘N diŋo, i hakiloo bulandi ko, i la baluwo tumoo la, i ye feŋ betoolu bee soto le, aduŋ Lasarus ye feŋ jawoolu le soto. Bari saayiŋ, a sabarindita jaŋ ne, ite be tooroo kono.

Esekiyeli 7:16

Niŋ moo-wo-moo kanata ka baluu, a be tara la konkoolu le kaŋ. Moo-wo-moo be tara la woosii la a la junuboolu le la, ko wulumbaŋ kono puraa.

Luka 6:25

Kooroo be alitolu ye, mennu be wasariŋ saayiŋ, kaatu ali be konko la le. Kooroo be alitolu ye, mennu be jele kaŋ saayiŋ, kaatu ali be woosii la le, ali ye kumboo.

Yesaya 12:1

Wo luŋo la, i be a fo la le ko: “Hee Yaawe*, m be i jayi la le! I kamfaabaata n kamma ñaa-wo-ñaa, i la kamfaa banta le, i ye n ñaajiyo fita.

Luka 7:50

Bituŋ Yeesu ko musoo ye ko, “I la lannoo le ye i kiisa. Taa kayira kono!”

Luka 7:38

A loota Yeesu siŋolu daala. A kumboota, a ye Yeesu siŋolu sinandi niŋ a ñaajiyo la. Bituŋ a ye Yeesu siŋolu fita niŋ a kuntiñoo la. A ye ì sumbu, aniŋ a ye karabaanijiyo maa ì la.

Jakariya 12:10

M be n na balafaa nooroo jindi la naŋ Dawuda koomalankoolu niŋ Yerusalaamunkoolu kaŋ ne, aniŋ hamoo ka duwaa. I si a je, ì ye meŋ baloo soo, niŋ ì ñaa loota a kaŋ, ì si a la kuwo woosii, ko moo ka a dinkee kiliŋo woosii ñaameŋ. Ì be a saŋakumboo la le kendeke, ko meŋ diŋ foloo faata.

Yesaya 66:2

A ko: “M faŋo buloo le ye ñiŋ feŋolu bee daa, ì naata soto. “Ŋa ñiŋ maarii le sikandi santo, moo meŋ ye a fammajii, a tuubita a la junuboolu la, aniŋ n na kumoolu ka silaŋo dundi meŋ na.