Matiyu 2:11 - Mandinka Bible

¹¹ Ì dunta buŋo kono, ì ye deenaanoo niŋ a baamaa Mariyaama je. Bituŋ ì sujudita ka a batu. Wo to le ì naata ì la kufoolu yele ka soorifeŋolu dii a la, mennu mu sanoo ti, cuuraayi munkoo aniŋ miiri* munkoo.

Matiyu 2:11 Referans Kwoze

Yesaya 60:6

Ñonkome koorewolu be i la bankoo bee beŋ na le, Midiyani niŋ Efa ñonkomoolu, ì niŋ ì la marisandiisoolu. Sebankoolu be naa le, ì niŋ sanoo niŋ cuuraayoo, aduŋ ì be tara la nte Yaawe too kankulaa la le, ka a jayi.

Jabuuroolu 72:10

Tarisi mansoolu, aniŋ baajooyoolu la mansoolu si naamoo joo a yaa. Seba niŋ Seeba bankoolu la mansoolu si soorifeŋolu dii a la.

Luka 2:16

Kantarilaalu tariyaatoo taata. Ì ye Mariyaama niŋ Yusufa tara jee, ì niŋ deenaanoo meŋ be laariŋ bomboloo kono.

Matiyu 2:2

Ì ko, “Yahuudoolu la mansakewo meŋ wuluuta, a be mintoo le? Ŋà a la looloo je tiliboo la le, aduŋ ǹ naata le ka a batu.”

Jabuuroolu 95:6

Ali naa ŋà Yaawe batu, ŋà jimi duuma ka sujudi a ye, ǹ Daamansoo.

Jabuuroolu 72:15

Allamaa mansa mee la, Allamaa sanoo ye bo a ye naŋ Seba. Allamaa duwaa ye tu ke la a ye. Allamaa moolu ye tu a tentu la.

1 Mansoolu 10:2

A wulita ka naa Yerusalaamu a niŋ kafu baa aniŋ ñonkomoolu mennu ye seerandi feŋolu duni, sani jamaa baa, aniŋ bere ñiimaalu. A naata Sulemani yaa, aduŋ a niŋ a diyaamuta kuwolu bee la mennu tarata a hakiloo kono.

4 Musa 7:14

A ye sani boolindiŋo fanaa samba naŋ ne meŋ na kuliyaa mu karaamu keme niŋ muwaŋ ti, meŋ be faariŋ cuuraayoo la.

Lankenemoo 19:10

Wo to le n sujudita malaayikoo siŋolu to ka a batu, bari a ko n ye ko, “Wuli, kana wo ke! Nte mu i dookuuñoo le ti, aniŋ i baadiŋolu* dookuuñoo mennu ka Yeesu Kiristu* la kuwo seedeyaa. Alla batu! Mennu ka Yeesu la kuwo seedeyaa, ì ka kiilaariyaa kumoo fo ka bo niŋ Alla la Nooroo le la.”

Matiyu 14:33

Bituŋ mennu be kuluŋo kono sujudita a ye ka a batu. Ì ko, “Tooñaa, ite le mu Alla Dinkewo* ti!”

Lankenemoo 5:8

Kabiriŋ Saajiiriŋo ye a taa, wo daafeŋ baluuriŋ naanoo niŋ wo alifaa muwaŋ niŋ naanoo sujudita a ñaatiliŋo la, ì meŋ-wo-meŋ niŋ kontiŋo aniŋ sani booloolu, mennu be faariŋ cuuraayoo la. Wo cuuraayoo mu Alla la moo senuŋolu la duwaa le ti.

Luka 2:38

Wo waati kiliŋo le la, a fanaa futata jee. A ye Alla tentu, aduŋ a ye deenaanoo la kuwo fo moolu bee ye, mennu be Yerusalaamu la kiisoo batu kaŋ nuŋ.

1 Samuweli 10:27

Bari moo kenseŋo doolu ko, “Ñiŋ be ntolu tankandi la ñaadii le?” Ì jututa a la, aduŋ ì maŋ soorifeŋ samba a ye naŋ. Bari Sawulu tuta deyiriŋ ne.

4 Musa 7:86

Sani boolindiŋ taŋ niŋ fuloo, cuuraayoo be faariŋ mennu kono, kiliŋ-kiliŋ naa la kuliyaa taata kaañaŋ karaamu keme niŋ muwaŋ ne fee. Ì peesata niŋ Batudulaa Senuŋo peesariñaa le la. Ñiŋ sani boolindiŋolu bee la kuliyaa taata kaañaŋ kilo kiliŋ ne fee aniŋ karaamu keme naani karaamu taŋ naani.

3 Musa 6:15

Piriisoo si bulufaa bii siimaŋ sadaa fariñoo to, meŋ niŋ tuloo ñaamita, a ye cuuraayoo kafu a ma, a ye a jani sadaajanidulaa kaŋ, ka ke yitandirilaŋo ti ko, sadaa ñiŋ muumewo diita nte Yaawe le la, meŋ seeroo ka n seewondi.

2 Musa 30:34

Yaawe ko Musa ye ko: I si doo taa ñiŋ seerandi feŋolu bee to, ì bee ye kaañaŋ: sitakiti, onika, kalibanumu, aniŋ cuuraayoo,

1 Musa 43:11

Bituŋ ì faamaa Isirayila ko ì ye ko, “Niŋ feere te jee, wo to ali si buuñaa feŋolu ke ali la bootoolu kono ka bo ǹ na banku feŋ betoolu kono, komeŋ liyo, pisitasiyo yiridiŋolu, alimondi* yiridiŋolu aniŋ seerandi feŋo siifaa saba. Ali ye ì dii kewo ñiŋ na.

Malaki 1:11

Nte too be warariŋ bankoolu kaŋ ne, ka bo tilibo ka taa tilijii, aduŋ daa-wo-daa seerandi feŋolu le ka siisindi n tooyaa la jee, aniŋ sadaa kendoolu, kaatu n too warata bankoolu kaŋ ne.” Yaawe Alihawaa Maariyo le ye a fo.

Jabuuroolu 45:8

I la dendika baalu bee seerandita niŋ seerandi feŋolu le la. Kontiŋ kosilaalu ka i seewondi mansabuŋolu le kono, mennu kono ñarandita niŋ samañiŋolu la.

Jabuuroolu 2:12

Ali sujudi Alla la mansariŋo ma, niŋ wo nte, ali si kasaara ali la siloo kaŋ, kaatu a la kamfaa ka wuli le kataba kiliŋ. Seewoo be moolu le ye mennu ka tankoo ñini a bulu.

1 Mansoolu 10:10

Bituŋ Seba musumansoo ye sanoo dii Mansa Sulemani la meŋ siyaata kilo wuli naani ti, ka taa seerandi feŋolu jamaa baa, aniŋ bere ñiimaalu. Seerandi feŋo jamaa nene maŋ samba naŋ jee wo ñaama kotenke komeŋ Seba musumansoo ye meŋ dii Mansa Sulemani la.

2 Musa 30:23

I si seerandi feŋ diimaalu taa mennu be ko: miiri* tulu betoo kilo wooro, sinnamoni munku diimaa kilo saba, ñaama seeralaa kilo saba,

Suukuwo 3:6

Muŋ ne ka naa teŋ, ka bo naŋ keñewuloo* kono, ko siisii samasimmaa? A ka seera ko miiri* aniŋ cuuraayoo, ko juloolu la seerandi feŋ munkumaalu.

Matiyu 1:18

Yeesu Kiristu wuluuñaa keta teŋ ne: A baamaa Mariyaama be looriŋ Yusufa le ye ka a futuu. Janniŋ ì be kafu la, a naata je ko, konoo le be a la ka bo niŋ Noora Kuliŋo la.

Matiyu 2:10

Biriŋ ì ye looloo je, ì jusulaata ka seewoo baake.

Matiyu 12:46

Kabiriŋ Yeesu be diyaamu kaŋ moolu ye, a baamaa niŋ a doomaalu be looriŋ banta. Ì lafita ka diyaamu a ye.

Yohana 19:39

Nikodemus fanaa naata le, meŋ nene taata nuŋ Yeesu kaŋ suutoo la. A ye munku seeralaa kilo taŋ saba ñoŋ samba, meŋ ñaamita miiri* munkoo niŋ alowe la.