Matiyu 17:17 - Mandinka Bible

¹⁷ Bituŋ Yeesu ye jaabiroo ke ko, “Alitolu jamaani lannabaloo, jamaani jenkeriŋo! Nte ñanta tara la ali fee fo waati jumaa le la? Nte ñanta muña la ali ye fo waati jumaa le la? A samba n ye naŋ jaŋ.”

Matiyu 17:17 Referans Kwoze

4 Musa 14:11

Yaawe ko Musa ye ko, “Ñiŋ moolu be i foño la jutu la n na waati jumaa le la? Ì be i dahaa la lannabaliyaa la n na kuwo to waati jumaa le, n na taamanseeroolu fintindoo ì ye bee koolaa?

Matiyu 6:30

Niŋ Alla ka kunkukono ñaamoolu feetoofata teŋ, mennu be baluuriŋ bii, saama ì ye fayi ka ì jani, fo a te alitolu feetoofata la ka tambi wolu la baŋ? Alitolu moo lanna dooyaariŋolu!

Kiilaalu 13:18

A muñata ì la daajikoo la keñewuloo* kono fo sanji taŋ naani.

Maaka 16:14

Wo koolaa Yeesu fintita a la saayibe taŋ niŋ kiliŋo kaŋ, waatoo meŋ na ì be domoroo la taabuloo to. A ye ì jalayi ì la lannabaliyaa niŋ ì la sondome jaa la, kaatu ì maŋ laa moolu la, mennu ye a je, biriŋ a wulita saayaa kono.

Maaka 9:19

Bituŋ Yeesu ye ì jaabi ko, “Alitolu jamaani lannabaloo! Nte ñanta tara la ali fee fo waati jumaa le la? Nte ñanta muña la ali ye fo waati jumaa le la? A samba n ye naŋ.”

Matiyu 13:58

Ì la lannabaliyaa kamma la, a maŋ kaawakuu jamaa ke jee.

Matiyu 8:26

Wo to le a ko ì ye ko, “Ali ka muŋ ne sila? Alitolu moo lanna dooyaariŋolu!” Bituŋ a wulita, a ye foñoo niŋ baa baliŋolu jalayi. Wo to le ì tenkunta tek.

Kuma Kotoomaalu 1:22

“Janniŋ waati jumaa le, alitolu moo sooneeyaariŋ baalu be lafi la sooneeyaa la? Janniŋ waati jumaa le, alitolu ñaawalilaalu be tu la ali la ñaawaliroo la, aniŋ alitolu toolewolu be londoo koŋ na?

4 Musa 14:27

“Ñiŋ moo jawoolu be i dahaa la woosii la n too la waati jumaa le la? Ŋa ñiŋ Banisirayilanka woosiilaalu la woosiikaŋo moyi le.

2 Musa 10:3

Wo to le Musa niŋ Haaruna taata Firawoona yaa, ì ko a ye ko, “Yaawe Hiburunkoolu* la Alla ye ñiŋ ne fo ko: I be i fammajii la n ye waati jumaa le? N na moolu bula ì ye taa, fo ì si m batu.

Yohana 20:27

Bituŋ a ko Tomas ye ko, “M buloolu juubee, i bulukondiŋo ke jaŋ. I buloo tiliŋ, i ye a ke n karoo to. Kana lannabaliyaa, bari laa.”

Luka 24:25

Wo to le Yeesu ko ì ye ko, “Alitolu fahaamubaloolu! Ali naafata ka laa kumoolu la, annabiyomoolu ye mennu fo.

Luka 9:41

Bituŋ Yeesu ye jaabiroo ke ko, “Alitolu jamaani lannabaloo, jamaani jenkeriŋo! Nte ñanta tara la ali fee fo waati jumaa le la, aniŋ ka muña ali ye? I diŋo samba naŋ jaŋ.”

Matiyu 16:8

Bari Yeesu ye ì la kumoolu loŋ ne, a ko ì ye ko, “Alitolu moo lanna dooyaariŋolu! Muŋ ne ye a tinna ali ka a kacaa ñoo ye ko mbuuroo maŋ soto?

Yeremiya 4:14

Muna Yerusalaamu, i sondomoo seneyandi kuu jawoo to, fo i si kiisa. Janniŋ muŋ tuma le kuu kuruŋo be tu la sosoriŋ i kono?

2 Musa 16:28

Bituŋ Yaawe ko Musa ye ko, “Ali be balaŋ na, ka n na yaamaroolu muta fo waati jumaa le?

Kuma Kotoomaalu 6:9

Ite katakolentewo, i be tu la laariŋ jee fo waati jumaa le? Muŋ tuma le i be wuli la siinoo la?

Jabuuroolu 95:10

N tarata ñewundiŋ ì la le fo sanji taŋ naani, aduŋ n kumata ko, ‘Ñiŋ moolu sondomoo le ye ì filindi, ì jututa n na kuwolu la.’

5 Musa 32:5

Bari alitolu ye junube kuwolu le ke, ali maŋ ke Yaawe la moolu ti kotenke, ali la kuruŋyaa kamma la, alitolu foroyaabaloolu, jamaani jenkeriŋo.

Yesaya 19:14

Yaawe ye Misirankoolu jakasindi le, a ye a ke, ì tafal-tafalita ì kekuwolu to, ko siiratoolu ka timili-tamali ì la foonoolu kono ñaameŋ.

Matiyu 17:16

Ŋa a samba i la saayiboolu kaŋ ne, bari ì maŋ a kendeyandi noo.”

Matiyu 17:18

Wo to le Yeesu ye seetaani jawoo jalayi, aduŋ a fintita kambaanendiŋo kono. Wo loo niŋ baroo teema a kendeyaata.

Kiilaalu 2:40

Pita ye seedeyaa ke niŋ kuma jamaa la, aduŋ a ye ì wakiilindi ko, “Ali ali faŋ tanka yankankatoo ma meŋ be laa la ñiŋ jamaani jenkeriŋo kaŋ.”

2 Korintinkoolu 11:1

M be ali daani kaŋ fo ali si muña domandiŋ n na tooleeyaa la. Dukaree, ali muña m fee!