Malaki 3:3 - Mandinka Bible

³ A be sii la le ko kodiforo tunkannaa, a ye Lewi koomalankoolu seneyandi, a ye ì tenteŋ ko sanoo niŋ kodiforoo ka ke ñaameŋ. Wo le to ì be naa ke noo la piriisoolu* ti, ka sadaalu* bo Yaawe ye tiliŋo kono.

Malaki 3:3 Referans Kwoze

Yesaya 1:25

Yerusalaamu, m bulu be laa la i kaŋ ne. M be i seneyandi la le ko dimbaa ka kodiforoo seneyandi ñaameŋ, i si a je i la kuu kuruŋolu bee ye bo.

Kuma Kotoomaalu 17:3

Komeŋ dimbaa ka sanoo niŋ kodiforoo foroyandi ñaameŋ, Yaawe* ka moo sondomoo la kuwo kotobo wo le ñaama.

Hiburunkoolu 12:10

Wolu ka ǹ kuluu le, fo waatindiŋ, ko a beteyaata ì fee ñaameŋ. Bari Alla ka ǹ kuluu m̀ faŋolu la nafaa le kamma, fo ǹ si ǹ niyo soto a la seneyaa kono.

Daniyeli 12:10

Moo jamaa be janku la le, ì ye seneyaa Alla la karoo la. Bari moo jawoolu be jawuyaakuu la le, aduŋ ì te ñiŋ kuwolu fahaamu la. Bari moolu mennu ñaamenta, wolu be fahaamuroo ke la le.

Jakariya 13:9

Talaadaa sabanjaŋo, m be wolu seneyandi la dimbaa le la, ko ì ka kodiforoo seneyandi ñaameŋ. M be ì kotobo la le, ko ì ka sanoo kotobo ñaameŋ. Ì be n too kumandi la le, aduŋ m be n danku la ì ma le. N si a fo ko, ‘Ì mu n na moolu le ti.’ Ì fanaa si a fo ko, ‘Yaawe le mu ǹ na Alla ti.’ ”

Titus 2:14

meŋ ye a faŋo dii ka ǹ kumakaa ka bo ǹ na junuboolu bee kono, fo a si ǹ seneyandi a faŋo ye ka ke moolu ti, mennu ka hame kuu bete kewo la.

Filipinkoolu 2:17

Ali la lannoo keta le ko jani sadaa*, ŋa meŋ dii Alla la. Hani niŋ a ye a tara, nte yeloo le be boŋ na wo kaŋ miŋ feŋ sadaa ti, wo be ke la nte ye jusulaa le ti, aniŋ seewoo n niŋ ali bee ye.

Jabuuroolu 66:10

Hee Alla, i ye ntolu kotobo le, i ye ǹ ke le komeŋ kodiforoo ka yelundi ñaameŋ, ka a seneyandi.

Lankenemoo 3:18

Wo kamma la, ŋa i yaamari ka sanoo saŋ nte bulu, meŋ kuloorita dimbaa la, fo i si ke fankamaa ti. Waramba koyoo saŋ nte bulu ka i faŋ sutura, fo moolu kana i ŋayiboo je, meŋ mu malu kuwo ti. Booroo saŋ ì ñaalu ye, i ye a moosi ì bala, fo i si jeroo ke noo.

1 Pita 2:9

Bari alitolu mu moo tombondiŋolu le ti, aniŋ Mansa la moolu, piriisiyaa be mennu bulu. Ali mu nasiyoŋ jankuriŋo le ti, Alla fansuŋ moolu. Ali mu ñinnu bee le ti, fo ali si a la kebaaroolu la waroo bankee, meŋ ye ali kumandi ka bo diboo kono, ka naa a la mala kaawakuuyaariŋo kono.

1 Pita 1:7

Ka bo niŋ wo kotoboroo le la, ali la lannoo la foroyaa be je la ko, a nafaa warata ka tambi sanoo la, meŋ na foroyaa fanaa ka loŋ niŋ dimbaa la. Wo to le, ali la kuwo be ke la tenturoo, jayiroo, aniŋ horomoo sababoo ti, Yeesu Kiristu be muru la naŋ waatoo meŋ na.

Roomankoolu 12:1

Wo to baadiŋolu*, Alla la balafaa kamma la, ŋa ali yaamari, fo ali si ali baloolu dii Alla la ko sadaa* baluuriŋolu, mennu seneyaata, aniŋ mennu ka Alla seewondi. Ñiŋ ne mu baturi tooñaa ti.

Luka 3:16

Bari Yaayaa ye ì bee jaabi ko, “N ka ali batisee niŋ jiyo le la, bari meŋ ka naa, wo le la kuwo warata ka tambi nte la. M maŋ jari hani ka a la samatoolu firiŋ. Ate be ali batisee la niŋ Noora Kuliŋo le la, aniŋ dimbaa.

Kuma Kotoomaalu 25:4

Newo meŋ niŋ kodoo ñaamita bondi, kodiforo numoo si kodiforo piiroo soto.

Jabuuroolu 4:5

Ali sadaalu* bo, ko a ñanta ñaameŋ, aduŋ ali si dankeneyaa Yaawe la.

Lankenemoo 1:6

A ye ǹ ke mansariŋolu le ti, a Faamaa la piriisiyaa* be mennu bulu. Semboo niŋ waroo aniŋ maraloo bee be ate le ye, fo abadaa. Amiin.

1 Pita 2:5

Ali ali faŋolu dii ka ke bere baluuriŋolu ti, fo ali si ke buŋ looraŋolu ti Alla la buŋo ye, meŋ loota a la Nooroo la siloo la. Alitolu si ke piriisi* senuŋolu ti, ali ye sadaalu* bo Nooroo la siloo la, ka bo niŋ Yeesu Kiristu* la, aduŋ Alla be soŋ na wo sadaalu ma le.

2 Timoti 4:6

Nte la waatoo ka naa baŋ ne, n yeloo be boŋ na le ko miŋ feŋ sadaa*, ka ñiŋ duniyaa bula.

Roomankoolu 15:16

a ye n tomboŋ Kiristu Yeesu la dookuulaa le ti moolu ye, mennu maŋ ke Yahuudoolu ti. N na ñiŋ piriisiyaa* dookuwo mu ka Alla la kibaari betoo kawandi ì ye, ka ì naati Alla ye ko sadaa*, meŋ ka a seewondi, aniŋ Noora Kuliŋo ye meŋ seneyandi.

Hoseya 14:2

Ali muru Yaawe kaŋ, niŋ ñiŋ kumoo la ko, “Yamfa ǹ na junuboolu bee la, i ye i la hiinoo yitandi ǹ na, fo ǹ si ǹ na jayiroo samba i ye naŋ ko beeyaŋ sadaa*.

Yesaya 48:10

Ŋa ali seneyandi le, m maŋ a ke ko ì ka kodiforoo seneyandi ñaameŋ, bari ŋa ali kotobo le ka bo niŋ niitooroo la.

Jabuuroolu 116:17

M be tenturulaŋ sadaa bo la i ye le, aduŋ m be duwaa la ite Yaawe too le la.

Jabuuroolu 50:23

Moo meŋ ka tenturoo dii n na sadaa ti, wo maarii ka nte le horoma a ñaama. Moo-wo-moo ka taama sila kendoo la, wo kono nte Alla be a kiisa la le.”

Filipinkoolu 4:18

Ŋa a seedeyaa ko, ŋa feŋo bee soto le, ŋa jamaa baa le soto. Ali la ñiŋ soorifeŋolu, Epaforoditus ye mennu samba naŋ, ì tambita n na suuloolu la le, aduŋ n wasata le. Ì keta ko sadaa* seera feŋ diimaa meŋ ka Alla seewondi.

Yesaya 61:6

Alitolu be kumandi la Yaawe la piriisoolu* le la, ì ye ali toolaa Alla la dookuulaalu la. Ali be baluu la niŋ bankoolu la naafuloolu le la, aduŋ ali be tintiŋ na ì la sotofeŋ ñiimaalu le la.

Lankenemoo 5:10

I ye wolu ke mansariŋolu le ti, piriisiyaa* be mennu bulu, ka ǹ na Alla batu. Ì be maraloo ke la duniyaa kono le.”

Jabuuroolu 50:14

Ali tenturoo le dii nte Alla la ko sadaa, aduŋ ali ali la laahidoolu timmandi nte Mansa Tallaa ye.

Jabuuroolu 51:19

Niŋ wo keta, i be seewoo la sadaa sootaaribaloolu la le, mennu mu jani sadaalu ti, aduŋ m̀ be ninsituuraalu le bo la sadaa ti, i la sadaajanidulaa* kaŋ.

Yeremiya 9:7

Yaawe Alihawaa Maariyo* ye ñiŋ ne fo ko: “A juubee, m be ì jarabi la le ka ì kotobo, wo koolaa m be muŋ ne ke la, n na moolu kekuwo kamma la?

Esekiyeli 20:38

M be moolu bondi la ali kono le mennu muritita m ma, aniŋ junubekelaalu. M be ì bondi la naŋ bantala bankoolu kaŋ ne, ì be mutoo kono daamennu to. Bari ì te duŋ na Banisirayila bankoo kaŋ. Niŋ wo keta ali be a loŋ na ko, nte le mu Yaawe ti.”

Daniyeli 11:35

Moo ñaamendiŋo doolu be faa la le ñiŋ kamma la moolu ñinnu si seneyaa, ì ye janku. Ñiŋ kuwo be tara la ke la le fo labandulaa ye sii, Alla ye waatoo meŋ londi.

Malaki 4:1

“Luŋo be naa kaŋ ne meŋ be wulee la ko fuuri dimbaa. Luŋo meŋ, faŋ wara moolu niŋ kuu kuruŋ kelaalu be jani la ko ñaama jaaroo. Niŋ ñiŋ luŋo naata, ì bee le be jani la, ì ye baŋ fereŋ. Nte Yaawe Alihawaa Maariyo* le ye a fo.

4 Musa 8:6

Lewi lasiloo moolu taa Banisirayilankoolu kono, i ye ì seneyandi.

Jabuuroolu 4:6

Jamaa le ka ñininkaaroo ke ko, “Muna, m̀ be kuu betoo domandiŋ je noo la le baŋ?” Yaawe, i ñaa diyaa m̀ fee, i ye neema m̀ ma.