Malaki 1:14 - Mandinka Bible

¹⁴ Dankoo be tapalee moo ye meŋ ye kotoŋ kendoo soto a la koorewo kono, a ye a laahidi ka a bo sadaa ti, bari a naata a baayi, a ye beeyaŋ sootaariliŋo bo sadaa ti nte Yaawe ye. Nte Yaawe mu Mansa Baa le ti, aduŋ n too ñaasilaŋo be warariŋ bankoolu kaŋ ne.” Yaawe Alihawaa Maariyo le ye a fo.

Malaki 1:14 Referans Kwoze

2 Korintinkoolu 8:12

Niŋ hamoo be jee ka diiroo ke, wo be muta la niŋ tenturoo la le, a te dendiŋ sotoo la, meŋ te ali bulu.

Malaki 1:8

Niŋ ali ye beeyaŋ finkiriŋo samba naŋ sadaa* ti, fo wo mu kuu kende le ti baŋ? Niŋ ali ye beeyaŋ lanjuurutoo, waraŋ beeyaŋ kuurantoo samba naŋ sadaa ti, fo wo mu kuu kende le ti baŋ? Ali ñiŋ ke ali la maralilaa la, ali ye a juubee fo a be kontaani la a la le baŋ? Fo a be ali la kuwo muta la feŋ ne ti baŋ?” Yaawe Alihawaa Maariyo le ye a fo.

Lankenemoo 21:8

Bari jooteentuŋolu, lannabaloolu, moo kosoriŋolu, moofaalaalu, laañooyaa tulunnaalu, batuutaatiyolu, jalambatulaalu aniŋ faniyaa folaalu, wolu bee be ì niyo soto la wo daloo kono le, meŋ ka jani dimbaa niŋ solifa munkoo* la. Wo le mu saayaa fulanjaŋo ti.”

Luka 12:46

Wo dookuulaa maariyo be naa la luŋo le la, a maŋ i yillaa a ma meŋ na, aniŋ waatoo le la, a maŋ i yillaa a ma meŋ na. Wo to le kuntiyo be a kuntuŋ-kuntuŋ na, a ye a niŋ tilimbaloolu ke dulaa kiliŋ.

Malaki 1:11

Nte too be warariŋ bankoolu kaŋ ne, ka bo tilibo ka taa tilijii, aduŋ daa-wo-daa seerandi feŋolu le ka siisindi n tooyaa la jee, aniŋ sadaa kendoolu, kaatu n too warata bankoolu kaŋ ne.” Yaawe Alihawaa Maariyo le ye a fo.

Jakariya 14:9

Bituŋ Yaawe si ke duniyaa bee Mansa ti. Wo luŋo la, Yaawe la kilimbaayaa le be loo la, aduŋ baturoo be ke la a too dammaa le la.

Yeremiya 10:10

Bari ite Yaawe le mu Alla tooñaa ti, ite le mu Alla baluuriŋo niŋ badaa-badaa Mansoo ti. I la kamfaa ka bankoo jarajarandi le, bankoolu buka i la jusukandoo dunoo taa noo.

Jabuuroolu 76:12

Ate le ka maralilaalu la faŋ waroo daŋ, a ka duniyaa mansoolu kijabo.

Jabuuroolu 47:2

Muna, Yaawe* Mansa Tallaa ñaasilaŋo warata le. Ate le mu duniyaa bee Mansa baa ti.

Lankenemoo 15:4

Maariyo, jumaa le te sila la ite la, jumaa le te i too horoma la? Ite le dammaa seneyaata. Nasiyoŋolu bee be naa ite batu la le, kaatu i la baara kuu tilindiŋolu lankenemata le.”

Hiburunkoolu 12:29

kaatu ǹ na Alla ka muluŋ ne ko dimbaa, meŋ ka kasaaraloo ke.

1 Timoti 6:15

Alla faŋo ye meŋ londi. Ate Alla kiliŋo le mu Sembetiyo ti, meŋ jarita jayiroo bee la, Mansoolu la Mansoo aniŋ Maariyolu Maarii.

Daniyeli 9:4

N duwaata le ka Yaawe daani, n na Alla, aduŋ ŋa a yitandi le ko, n niŋ n na moolu ye junuboo le ke. N kumata ko: M Maarii Alla, meŋ ñaasilaŋo warata, i ka kambeŋo niŋ kanu bambaloo muta moolu ye le, mennu ye i kanu, aduŋ ì ka i la yaamaroolu muta.

Daniyeli 4:37

Saayiŋ, nte Nebukanesa ye Arijana Mansoo tentu, ŋa a jayi, aduŋ ŋa a horoma le. A ka kuwo bee taamandi tiliŋo niŋ tooñaa le la, aduŋ niŋ moo-wo-moo ye a faŋ sikandi, a be a maarii jindi la le.

Yeremiya 48:10

“Dankoo be moo ye meŋ naafata nte Yaawe la dookuwo ke la! Wo maarii be danka la le, meŋ ye a la hawusaroo bali yeleboŋo la a ye!

Yesaya 57:15

Mansa meŋ be santo-santo, a be kallankeeyaariŋ* ne, a be baluuriŋ fo abadaa, aduŋ a too kuliyaata, a ye ñiŋ ne fo ko: “M be sabatiriŋ dulaa sikandiriŋo le to aniŋ dulaa senuŋo. Bari fanaa m be sabatiriŋ moo jikilateyiriŋolu aniŋ fammajiilaalu le fee, fo n si fammajiilaalu niyo kutayandi, aniŋ ka jikilateyiriŋolu sondomoo bambandi.

5 Musa 28:58

Ali si ali hakiloo tu ka ñiŋ luwaa kumakaŋolu bee muta, mennu be safeeriŋ ñiŋ kitaaboo kono, fo ali si Yaawe ali la Alla too senuŋo horoma, meŋ kallankeeyaata*.

1 Musa 27:12

A si ke noo, m faamaa ye m moomoo, a ye n suutee. Kuwo si naa muluŋ ko, n lafita a neenee la le. Aduŋ n si naa foo duwaa la, ŋa taa dankoo soto.”

Maaka 14:8

A si meŋ ke noo, a ye wo le ke. Ñiŋ karabaanijiyo mu tuloo le ti, a ye m baloo parendi meŋ na baadewo ye, janniŋ n na waatoo be sii la.

Matiyu 24:51

Wo to le a be ñiŋ dookuulaa kuntuŋ-kuntuŋ na, a ye a niŋ bunaafayoolu ke dulaa kiliŋ, kumboo niŋ nimisoo be daameŋ.”

Matiyu 5:35

waraŋ duniyaa la, kaatu wo mu Alla la siŋ looraŋo le ti. Ali kana i kali Yerusalaamu la, kaatu jee mu Mansa Baa le la saatewo ti,

Malaki 3:9

Ali be tara la dankoo le kono, alitolu bankoo moolu bee. Kaatu ali be n suuñaa kaŋ ne.

Jabuuroolu 95:3

Kaatu Yaawe warata le, aduŋ ate le mu Mansa baa ti, meŋ warata alloolu bee ti.

Jabuuroolu 68:35

Kooni Alla, i ñaasilaŋo warata i batudulaa kono le. Banisirayila la Alla le ka semboo niŋ fankoo dii a la moolu la. Tentoo be Alla ye.

Jabuuroolu 48:2

Siyoni* Konkoo niŋ a la ñiiñaa, aniŋ a la jaŋayaa, a mu duniyaa banku moolu bee ye seewoo le ti. Siyoni Konkoo, konko senuŋo, mu Mansa Baa la saatewo le ti.

2 Samuweli 24:24

Bari mansa ye Arawuna jaabi le ko, “Hanii, m be i saŋ na i bulu le. N te jani sadaa ke la Yaawe n na Alla ye, m maŋ feŋ joo a kunto.” Wo to le Dawuda ye toñonkari dulaa niŋ ninsi senelaalu saŋ kodiforo kilo talantewo la.

Yeremiya 46:18

Mansoo ye ñiŋ ne fo ko: “A be koyiriŋ ñaameŋ ko nte be baluuriŋ ne, nte meŋ too mu Yaawe Alihawaa Maariyo ti, Tabori Konkoo ye buŋ konkoolu kono ñaameŋ, aniŋ Karimeli Konkoo be jimbandiŋ Baa Baa* kunto ñaameŋ, meŋ be naa ali kele la, a be ke la ali ye wo le ñaama.

Yeremiya 48:15

“Mowabi bankoo niŋ a saatewolu be kasaara la le, a fondinkee kendoolu bee kanateyiriŋo ye i laa.” Mansoo le ye a fo, meŋ too mu Yaawe Alihawaa Maariyo ti.

Sefaniya 2:11

Yaawe be ì jaakalindi la le famfaŋ, a ye duniyaakono alloolu bee kasaara, ì ye mennu muta Alla ti. Bituŋ bankoolu moolu bee si naa sujudi ate doroŋ ye, moo-wo-moo a si a ke a faŋo la bankoo kaŋ.

Malaki 2:1

Yaawe* Alihawaa Maariyo* ye ñiŋ ne fo ko, “Alitolu piriisoolu*, ñiŋ dandalaaroo mu alitolu le taa ti.

Jabuuroolu 47:3

A ye banku koteŋolu duŋ m̀ bulu ka ì mara, a ye m̀ mansayandi moolu kunna.

Jabuuroolu 47:8

Alla be siiriŋ a la mansasiiraŋ senuŋo kaŋ ne, ate le ye duniyaa bankoolu bee mara.

Jabuuroolu 102:16

Kaatu Yaawe be Siyoni seyinkaŋ loo la le, a ye a faŋo la kallankeeyaa lankenemayandi.