Malaki 1:11 - Mandinka Bible

¹¹ Nte too be warariŋ bankoolu kaŋ ne, ka bo tilibo ka taa tilijii, aduŋ daa-wo-daa seerandi feŋolu le ka siisindi n tooyaa la jee, aniŋ sadaa kendoolu, kaatu n too warata bankoolu kaŋ ne.” Yaawe Alihawaa Maariyo le ye a fo.

Malaki 1:11 Referans Kwoze

Yesaya 54:5

Kaatu nte i Daamansoo ka munta le ko i keemaa. Yaawe Alihawaa Maariyo* le mu n too ti, nte Banisirayila la Senuŋ Baa le mu i kumakaalaa ti, ì ka a fo n ye le ko, duniyaa bee la Alla.”

Yesaya 45:6

i si a je tiloo ka wuli daameŋ, aniŋ a ka boyi daameŋ, moolu si a loŋ ko, doo te jee nte koolaa. Nte le mu Yaawe ti, doo te jee.

Lankenemoo 5:8

Kabiriŋ Saajiiriŋo ye a taa, wo daafeŋ baluuriŋ naanoo niŋ wo alifaa muwaŋ niŋ naanoo sujudita a ñaatiliŋo la, ì meŋ-wo-meŋ niŋ kontiŋo aniŋ sani booloolu, mennu be faariŋ cuuraayoo la. Wo cuuraayoo mu Alla la moo senuŋolu la duwaa le ti.

Matiyu 28:19

Wo kamma la ali taa duniyaa bankoolu bee kaŋ ka ì ke n na saayiboolu ti. Ali si ì batisee* m Faamaa too la, Dinkewo aniŋ Noora Kuliŋo too la.

Jakariya 8:7

Yaawe Alihawaa Maariyo ye ñiŋ ne fo ko: M be n na moolu kiisa la naŋ ne ka bo bankoo kaŋ, meŋ be tilibo karoo la, aniŋ bankoo meŋ be tilijii karoo la.

Jabuuroolu 50:1

Sembetii Baa, Yaawe* Alla diyaamuta le, a ye duniyaa moolu bee kumandi ka bo tilibo ka taa tilijii.

Lankenemoo 11:15

Bituŋ malaayika woorowulanjaŋo ye a la footaŋo fee, aduŋ kumakaŋ baalu be Arijana kono, ì be a fo la ko, “Duniyaa mansayaa bee naata ke m̀ Maariyo niŋ a la Alimasiihu* la mansayaa le ti, aduŋ a si maraloo ke fo abadaa!”

Jabuuroolu 141:2

N na duwaa muta, a ye ke i fee ko cuuraayi siisii diimaa, aniŋ ŋa m buloo meŋ wulindi ka duwaa, i ye a muta n ye wulaara sadaa ti.

Jabuuroolu 67:2

fo duniyaa moolu bee si i la lafoo loŋ, aduŋ bankoolu bee si i la kiisandiri semboo loŋ.

Lankenemoo 15:4

Maariyo, jumaa le te sila la ite la, jumaa le te i too horoma la? Ite le dammaa seneyaata. Nasiyoŋolu bee be naa ite batu la le, kaatu i la baara kuu tilindiŋolu lankenemata le.”

1 Timoti 2:8

Wo to, niŋ Kiristu la kafoo moolu benta daa-wo-daa, n lafita le, kewolu si ì bulu senuŋolu wulindi santo ka duwaa, kamfaabaliyaa niŋ soosooribaliyaa kono.

Filipinkoolu 4:18

Ŋa a seedeyaa ko, ŋa feŋo bee soto le, ŋa jamaa baa le soto. Ali la ñiŋ soorifeŋolu, Epaforoditus ye mennu samba naŋ, ì tambita n na suuloolu la le, aduŋ n wasata le. Ì keta ko sadaa* seera feŋ diimaa meŋ ka Alla seewondi.

Roomankoolu 15:16

a ye n tomboŋ Kiristu Yeesu la dookuulaa le ti moolu ye, mennu maŋ ke Yahuudoolu ti. N na ñiŋ piriisiyaa* dookuwo mu ka Alla la kibaari betoo kawandi ì ye, ka ì naati Alla ye ko sadaa*, meŋ ka a seewondi, aniŋ Noora Kuliŋo ye meŋ seneyandi.

Roomankoolu 12:1

Wo to baadiŋolu*, Alla la balafaa kamma la, ŋa ali yaamari, fo ali si ali baloolu dii Alla la ko sadaa* baluuriŋolu, mennu seneyaata, aniŋ mennu ka Alla seewondi. Ñiŋ ne mu baturi tooñaa ti.

Luka 1:10

Cuuraayoo be siisii kaŋ tumoo meŋ na, moolu bee be duwaa kaŋ banta,

Malaki 1:14

Dankoo be tapalee moo ye meŋ ye kotoŋ kendoo soto a la koorewo kono, a ye a laahidi ka a bo sadaa ti, bari a naata a baayi, a ye beeyaŋ sootaariliŋo bo sadaa ti nte Yaawe ye. Nte Yaawe mu Mansa Baa le ti, aduŋ n too ñaasilaŋo be warariŋ bankoolu kaŋ ne.” Yaawe Alihawaa Maariyo le ye a fo.

Sefaniya 3:9

“M be bankoolu moolu neŋo faliŋ na le, ì kali kuma betoo fo, fo ì bee si kali nte Yaawe too kumandi, ì ye m batu ŋaniya kiliŋ na.

Sefaniya 2:11

Yaawe be ì jaakalindi la le famfaŋ, a ye duniyaakono alloolu bee kasaara, ì ye mennu muta Alla ti. Bituŋ bankoolu moolu bee si naa sujudi ate doroŋ ye, moo-wo-moo a si a ke a faŋo la bankoo kaŋ.

Mika 5:4

A be ke la a la moolu ye le ko saajii kantalaa, Yaawe la mansabaayaa semboo kaŋ, Yaawe, a la Alla too la waroo kaŋ. Ì la baluwo be tara la tankoo le kono, aduŋ a too la waroo be taa le fo duniyaa daŋo to.

Amosi 9:12

fo ali si naa dulaa taa meŋ tuta Edomu bankoo kaŋ, aniŋ a dandanna bankoolu, ali la moolu nene ka maraloo ke mennu kaŋ n too la.” Yaawe ye meŋ fo, a be a ke la le.

Yesaya 59:19

Wo to tilijiilankoolu be sila la Yaawe la le, tilibolankoolu te haañi la a la sembe waroo la, kaatu a be naa la le ko waame baa, Yaawe la niijii kaŋo ka meŋ bayindi.

Jabuuroolu 113:3

Ka bo tilibo, ka taa tilijii, Yaawe too ñanta le ka jayi.

Matiyu 8:11

Aduŋ m be a fo la ali ye, moo jamaa be bo la naŋ tiliboo aniŋ tilijiyo la. Ì niŋ Iburayima, Isiyaaka aniŋ Yaakuba be sii la le ka domoroo ke Arijana mansabaayaa kono.

2 Tesalonikankoolu 1:12

Wo siloo la, m̀ Maarii Yeesu too si horoma ka bo niŋ ali la baluwo la, aniŋ alitolu fanaa si horoma ate kono ka bo niŋ ǹ na Alla la hiinoo la, aniŋ Maarii Yeesu Kiristu.

4 Musa 7:74

A ye sani boolindiŋo fanaa samba naŋ ne meŋ na kuliyaa mu karaamu keme niŋ muwaŋ ti, meŋ be faariŋ cuuraayoo la.

Jabuuroolu 45:17

M be a tinna le i too ye bo jamaani naalaalu bee kono, aduŋ moolu be i jayi la le fo abadaa.

Jabuuroolu 48:10

Kooni Alla, i too bota duniyaa daŋolu to ñaameŋ, jayiroo be i ye wo le ñaama. I ka tiliŋo doroŋ ne taamandi i bulubaa buloo la.

Jabuuroolu 111:9

A ye a la moolu kiisa le, aduŋ a ye yaamaroo dii le ko, a ye a la kambeŋo londi le fo abadaa. A too seneyaata le, aduŋ a kuliyaata.

Yesaya 12:4

Wo luŋo la, ali be a fo la le ko: “Ali tenturoo dii Yaawe la, ali ye a batu a too la. Ali a fo bankoolu bee ye, a ye kuwolu mennu ke, ali ye a kankulaa ko, a too kuliyaata le.

Yesaya 12:5

Ali suukuwo laa Yaawe ye, kaatu a ye kaawakuu baalu le ke. Ali si duniyaa moolu bee kalamutandi ñiŋ na.

Yesaya 66:18

“Ŋa ì kekuwolu niŋ ì la miiroolu loŋ ne. Saayiŋ waatoo siita le, ka moolu bendi ñoo kaŋ, ka bo kaŋolu to, mennu be bankoolu bee to, ka n na kallankeeyaa yitandi ì la.”

Yeremiya 10:6

Kooni Yaawe, doo koteŋ te jee meŋ be ko ite. Ite warata le, i too semboo warata.

Yeremiya 10:7

Jumaa le te sila la ite la, ite, bankoolu la Mansoo? Ñiŋ ne ñanta ite to. Bankoolu moo ñaamendiŋolu bee kono, ì la mansamarali bankoolu bee kono, kiliŋ te jee meŋ be ko ite.

Daniyeli 2:45

I ye a je le beroo kuntuta naŋ konkoo bala, moo bulu maŋ a maa, aduŋ a ye ñinnu bee teyi le ka ì janjaŋ: newo, jaawaloo, potoo, kodiforoo, aniŋ sanoo. Alla meŋ warata, wo le ye a yitandi ite Mansa la, meŋ be naa ke la ñaato. Siiboo ñiŋ mu tooñaa le ti, aduŋ a fasaroo mu lanna kuwo le ti.”

1 Taarika 16:25

Yaawe warata le, aduŋ a ñanta tentu la le famfaŋ, ate le ñaasilaŋo ñanta wara la alloolu bee ti.

Jabuuroolu 48:11

Siyoni moolu ye seewoo, Yahuuda saatewolu moolu ye seewoo, kaatu i la kiitiiteyoolu tilinta le.

Jabuuroolu 65:9

I ka kaayaa bankoo ye le ka samaajiyo jindi a kaŋ, i ka a yiriwandi kendeke le. Ite Alla la jiibuŋo be faariŋ ne tep. Ite le ka siimaŋolu falindi bankoo kaŋ, i ye a kuwo laa wo le ñaama.

Jabuuroolu 86:9

Maariyo, ite le ye duniyaa moolu bee daa. Ì be naa le, ì ye sujudi i ye, aduŋ ì be i too horoma la le,

Jabuuroolu 96:8

Ali Yaawe too la waroo niŋ a la semboo fo, ka horomoo dii a la. Ali ali la sadaalu* samba naŋ, ali naa a batudulaa luwo to.

Jabuuroolu 138:5

Ì be suukuwo laa la le ñiŋ kamma i ye kuwolu mennu ke, aniŋ i la horomoo la waroo kamma la.

Yesaya 19:21

Wo to Yaawe be Misirankoolu londi la a faŋo la le, wo luŋo la, ì ye soŋ a ma. Ì be baturoo ke la niŋ beeyaŋ sadaalu* le la, aniŋ siimaŋ sadaalu, ì ye tawoo taa a ye, ì ye a muta.

Yesaya 30:27

A juubee, Yaawe bota naŋ dulaa jaŋ ne, a la kamfaa niijii kaŋo ka munta le ko dimbaa niŋ siisii budubudoo, kamfaa kumoo le be faariŋ a daa kono, a neŋo ka mala ko dimbaa.

Yeremiya 4:2

Niŋ i ka kali tooñaa, tiliŋo, aniŋ foroyaa le kaŋ, ì ka kali meŋ na ko, ‘A be koyiriŋ ñaameŋ ko Yaawe be baluuriŋ ne,’ wo to bankoolu be neemoo duwaa la ì faŋolu ye nte too le la, n na kuwo ye ke ì ye ŋaañaaraŋo ti.”

Malaki 3:3

A be sii la le ko kodiforo tunkannaa, a ye Lewi koomalankoolu seneyandi, a ye ì tenteŋ ko sanoo niŋ kodiforoo ka ke ñaameŋ. Wo le to ì be naa ke noo la piriisoolu* ti, ka sadaalu* bo Yaawe ye tiliŋo kono.