Maaka 1:2 - Mandinka Bible

² A naata ke ko Alla la kumoo be safeeriŋ Annabilayi Yesaya la kitaaboo kono ñaameŋ: “M be n na kiilaa kii la i ñaato le, meŋ be i la siloo parendi la.

Maaka 1:2 Referans Kwoze

Malaki 3:1

Yaawe* Alihawaa Maariyo* ye ñiŋ ne fo ko, “M be n na kiilaa le kii la naŋ n ñaato ka siloo parendi. Ali be nte meŋ na kuwo ñini kaŋ, m be naa n na buŋo to le kataba kiliŋ. Aduŋ kiilaa meŋ niŋ kambeŋo kumoo be naa, ali be lafiriŋ meŋ na, be naa le.”

Luka 1:76

Aduŋ ite, n diŋo, i be kumandi la Alla Mansa Tallaa la annabiyomoo le la, kaatu i be taa la Maariyo ñaato le ka siloolu parendi a ye.

Matiyu 11:10

Ñiŋ ne la kuwo be safeeriŋ ko: ‘A fele, ŋa n na kiilaa kii ite ñaato le, meŋ be i la siloo parendi la i ye.’

Luka 1:70

ko a diyaamuta ka bo niŋ a la annabiyomu senuŋolu la, waati jaŋ koomanto ñaameŋ.

Matiyu 26:31

Wo to le Yeesu ko ì ye ko, “Ñiŋ suutoo la ali bee be nte bula la le, kaatu a be safeeriŋ ne ko: ‘M be saajii kantalaa busa la le, aduŋ saajii koorewo be janjaŋ na le.’

Jabuuroolu 40:7

Bituŋ n kumata ko, “M fele, n naata le, ka kuwo ke meŋ safeeta n ye Luwaa Kitaaboo* kono.

Luka 18:31

Yeesu ye a la saayibe taŋ niŋ fuloo samba kara la, a diyaamuta ì ye ko, “Ali i lamoyi. M̀ be taa kaŋ ne fo Yerusalaamu, aduŋ annabiyomoolu ye meŋ-wo-meŋ safee Moo Dinkewo la kuwo to, a be timma la le,

Matiyu 26:24

Moo Dinkewo be faa la le ko a la kuwo safeeta ñaameŋ, bari kooroo be wo moo le ye, meŋ ye a jamfaa! A be fisiyaa la wo fee le faŋ, niŋ a nene maŋ wuluu ñiŋ duniyaa kono.”

Matiyu 2:5

Bituŋ ì ko a ye ko, “Betilehemu le mu, Yudeya bankoo kaŋ, kaatu annabiyomoo ye a safee le ko: