Luka 6:35 - Mandinka Bible

³⁵ “Bari ali si ali jawoolu kanu, ali ye kuu betoo ke ì ye. Ali moolu fuu, ali kana i yillaa feŋ na ì bulu. Wo to le ali la joo be wara la, aniŋ ali be ke la Alla Mansa Tallaa la dindiŋolu ti, kaatu ate beteyaata wasabaloolu fee le fanaa, aniŋ kuruŋolu.

Luka 6:35 Referans Kwoze

Yohana 13:35

Niŋ ali ye kanoo soto ñoo ye, moolu bee be a loŋ na le ko, alitolu mu n na saayiboolu le ti.”

Kuma Kotoomaalu 19:17

Moo-wo-moo beteyaata fuwaaroo fee, a ka Yaawe le julu duŋ, aduŋ a be a joo la a kebaaroo la le.

Jabuuroolu 145:9

Yaawe beteyaata moo bee le fee, a ka balafaa soto a la daafeŋolu bee le ye.

Kuma Kotoomaalu 22:9

Moo bulu feemaa be neemoo soto la le, bayiri a niŋ fuwaaroo le ka a la domoroo talaa.

2 Korintinkoolu 8:9

Ali ye m̀ Maarii Yeesu Kiristu* la hiinoo loŋ ne ko, a mu fankamaa le ti, bari hani wo, a naata ke fuwaaroo ti ali la kuwo kamma la fo ka bo niŋ a la fuwaareyaa la, alitolu si ke fankamaalu ti.

Jabuuroolu 112:5

Neemoo be moo ye le meŋ ka niiroo ke baake, a ka moolu donto, aduŋ a ka a la kuwolu bee taamandi niŋ tiliŋo la.

Yohana 15:8

Niŋ ali ka diŋ jamaa diŋ, m Faamaa la semboo niŋ waroo be yitandi la le ka bo niŋ wo la. Wo to ali ye a yitandi le ko, ali mu n na saayiboolu le ti.

Jabuuroolu 37:26

A ka sooroo ke kendeke le, aniŋ ka moolu donto, aduŋ a diŋolu ka ke neema moolu le ti.

Kiilaalu 14:17

Bari hani wo, a ka yita le ko ate be keriŋ ne, kaatu a ka tu kuu betoolu ke la ali ye le. A ka samaajiyo dii ali la, a ka ke ali ka katiroo ke a waatoo la, a ka ali daañini, aniŋ ka ali sondomoolu fandi niŋ seewoo la.”

Luka 1:32

A be ke la moo baa le ti, aduŋ a be kumandi la Alla Mansa Tallaa Dinkewo le la. M̀ Maarii Alla be a bonsuŋ Dawuda la mansasiiraŋo dii la a la le.

Maaka 5:7

A wuurita santo ko, “I be muŋ ne ke la nte la, Yeesu, Mansa Tallaa Dinkewo? Ŋa i daani Alla too la, kana n toora.”

Jabuuroolu 58:11

Moolu si a fo ko, “Jooroo be moo tilindiŋolu ye le. Tooñaa, Alla be jee le, meŋ ka duniyaa kiitindi.”

Matiyu 5:9

“Barakoo be kayira sabatindilaalu ye, kaatu ì be kumandi la Alla la dindiŋolu le la.

Luka 6:36

Ali si balafaa soto ko ali Faamaa ye balafaa soto ñaameŋ.

2 Timoti 3:2

Moolu be ì faŋolu doroŋ ne kanu la, ì be ke la kodilandiyolu le ti, faŋ wara moolu, kibirilaalu, tooñeeri kumafolaalu, wuluulaa soosoolaalu, wasabaloolu aniŋ seneyaabaloolu.