Luka 24:21 - Mandinka Bible

²¹ Ǹ tarata jikiriŋ ne nuŋ ko, ate le mu moo ti, meŋ be Banisirayila kiisa la. Ñiŋ kuwo bee to, bii le mu tili sabanjaŋo ti, biriŋ ñiŋ keta.

Luka 24:21 Referans Kwoze

Luka 1:68

“Tenturoo niŋ jayiroo be Maariyo ye, Banisirayila la Alla, kaatu a naata le ka a la moolu kiisa.

Luka 2:38

Wo waati kiliŋo le la, a fanaa futata jee. A ye Alla tentu, aduŋ a ye deenaanoo la kuwo fo moolu bee ye, mennu be Yerusalaamu la kiisoo batu kaŋ nuŋ.

Yesaya 59:20

Yaawe ko: “Kumakaalaa be naa Siyoni* le, ka naa Yaakuba koomalankoolu kaŋ, mennu tuubita ì la junuboolu la.”

Lankenemoo 5:9

Bituŋ ì ye suukuu kutoo laa ko: “Ite le jarita ka kitaabu moromororiŋo taa, aniŋ ka a notoolu teyi. Kaatu ite le kanateyita, i ye moolu kumakaa Alla ye. Ite le yeloo keta kumakaaraŋo ti moolu bee ye, ka bo siyolu bee kono, kaŋolu, bankoolu, aniŋ nasiyoŋolu bee.

Kiilaalu 1:6

Kabiriŋ ì benta ñoo kaŋ, ì ye Yeesu ñininkaa ko, “M̀ Maarii, fo ñiŋ ne mu waatoo ti baŋ, i be mansayaa murundi la Banisirayilankoolu ma?”

Jabuuroolu 130:8

Ate le be Banisirayila kiisandi la ka bo ì la junuboolu bee kono.

Kiilaalu 7:28

Fo i lafita m faa la le, ko i ye Misirankoo ke ñaameŋ kunuŋ?’