Luka 23:43 - Mandinka Bible

⁴³ Wo to le Yeesu ko a ye ko, “Tooñaa, m be a fo la i ye, bii luŋo la, i niŋ m be tara la Arijana kono le.”

Luka 23:43 Referans Kwoze

Lankenemoo 2:7

“Meŋ ye tuloo soto ka moyiroo ke, a si a moyi, Nooroo be meŋ fo kaŋ Yeesu la kafoolu ye. Meŋ keta noorilaa ti, m be siloo dii la wo la le ka domoroo ke ka bo yiroo to, meŋ ka baluwo dii. Wo yiroo be Alla la naakoo le kono.

Jabuuroolu 50:15

Ali n kumandi, niŋ mantooroo naata ali kaŋ, m be ali tankandi la le, aduŋ ali be n horoma la le.”

Luka 19:10

Moo Dinkewo* naata le ka moo filiriŋolu ñini, aniŋ ka ì kiisa.”

Jabuuroolu 32:5

Bituŋ ŋa n na boyidaa fo i ye, aduŋ m maŋ n na kuu jawoo nukuŋ i ma. N kumata le ko, “M be n na junuboolu fo la Yaawe ye le.” Bituŋ i yamfata n na junuboo dunoo la. S

Yohana 14:3

Aduŋ niŋ n taata, ŋa dulaa parendi ali ye, m be naa la le kotenke. Bituŋ m be ali taa la fo ali si tara m fee, m be daameŋ.

Hiburunkoolu 7:25

Wo le ye a tinna a ka moolu kiisa noo, mennu ka sutiyaa Alla la ka bo niŋ ate la, baawo a be baluuriŋ ne fo abadaa ka duwaa ì ye.

Yohana 17:24

M Faamaa, n lafita le, i ye moolu mennu dii n na, ì si tara m fee, m be tara la daameŋ to. N lafita le, ì si n na semboo niŋ waroo je, i ye meŋ dii n na, kaatu i ye n kanu le janniŋ duniyaa daa waatoo.

Filipinkoolu 1:23

Kuu fula le be n hakiloo kono, ì ye n dewuŋ baake: Kara doo la, n hameta le ka ñiŋ duniyaa bula fo n si tara Kiristu fee, meŋ beteyaata baake nte ye.

2 Korintinkoolu 5:8

Ǹ ka tu bambandiŋ ǹ na jikoo kono le, aduŋ m̀ be hameriŋ ne ka tara suwo kono Maariyo fee, diina ka tara ñiŋ baloo kono.

Mika 7:18

Alla koteŋ ne be keriŋ baŋ ko ite? Ite le ka junuboolu kafari i la moolu ye, mennu tuta baluuriŋ, ite le ka yamfa ì la sookiri kuwolu la. I la kamfaa buka tu fo abadaa, i ka lafi le ka tara hiinanteeyaariŋ doroŋ.

Yesaya 65:24

Janniŋ ì ka kumandiroo ke, m be n danku la le. Niŋ ì be diyaamu kaŋ n ye ì la suula kuwolu la, m be ì la duwaa jaabi la le.

Yesaya 53:11

A la mantooroo jeriŋ koolaa, a be tara la mala baa le kono, a ye wasa. N na dookuulaa tilindiŋo, ka bo niŋ a la londoo la, moo jamaa si ke moo tilindiŋo ti, kaatu a be ì la junuboo bee dunoo taa la le.

Luka 23:42

Bituŋ a ko Yeesu ye ko, “Yeesu, kana ñina n na, niŋ i dunta i la mansabaayaa kono.”