Luka 21:6 - Mandinka Bible

⁶ “Luŋolu be naa la le, ñiŋ feŋolu ali ka mennu je, ì bee be tiñaa la le. Hani bere kiliŋ te tu la laariŋ ñoo kaŋ, meŋ te boyi la duuma.”

Luka 21:6 Referans Kwoze

Maaka 13:2

Bituŋ Yeesu ye a jaabi ko, “Ì ye ñiŋ buŋ baalu je le? Hani bere kiliŋ te tu la laariŋ ñoo kaŋ, meŋ te boyi la duuma.”

Matiyu 24:2

Bituŋ a ko ì ye ko, “Fo ali ye ñiŋ buŋolu bee je le baŋ? Tooñaa, m be a fo la ali ye, ali ye ñiŋ buŋolu meŋ je teŋ, hani bere kiliŋ te tu la laariŋ ñoo kaŋ jaŋ, meŋ te boyi la duuma.”

Niikuyaa Suukuwolu 5:18

A juubee, Siyoni Konkoo kenseŋo le tuta looriŋ, kunkuwuloolu be yaayi la a kaŋ.

Jakariya 14:2

Kaatu m be bankoolu bee kumbeŋ na ñoo kaŋ ne ka Yerusalaamu kele. Ì si saatewo ñiŋ taa, ì ye a bunkono feŋolu ñapinkaŋ, ì ye ali la musoolu boyinkaŋ. Saatewo talantewo be taa la mutoo kono le, bari moo toomaalu, wolu be tu la saatewo ñiŋ kono le.

Jakariya 11:1

Ite Libanooni bankoo, i la bundaalu yele, fo dimbaa si i la sedari* yiroolu jani.

Niikuyaa Suukuwolu 4:1

Alikoo, ñiŋ sanoo le keta nee fiŋo ti teŋ, saniforoo le yelemata teŋ! Bere jankuriŋolu be janjandiŋ duuma mbeedi kuŋolu to taariŋ.

Yeremiya 26:18

“Mika Moresetinkoo ye kiilaariyaa kumoolu fo le, Yahuuda mansakewo Hesekiya la mansayaa waatoo la. A ye ñiŋ ne fo Yahuuda moolu bee ye ko, ‘Yaawe Alihawaa Maariyo* ye ñiŋ ne fo ko: Siyoni* be ke la senebankoo le ti, Yerusalaamu ye ke tumbuŋ tuŋo ti, aduŋ Alla Batudulaa Buŋo be looriŋ konkoo kaŋ daameŋ, jee be ke la sutoo le ti.’

Yeremiya 26:9

Muŋ ne ye a tinna i ka kiilaariyaa kumoo fo Yaawe tooyaa la? I ka a fo ñiŋ Batudulaa Buŋo be ke la le ko Silo, aduŋ ñiŋ saatewo be tumbuŋ na le, moo te tara la siiriŋ jee.” Bituŋ moolu bee ye n kuru Yaawe Batudulaa Buŋo to.

Yeremiya 26:6

Niŋ ali maŋ i lamoyi n na, m be n na ñiŋ Batudulaa Buŋo buruka la le ko ŋa n na batudulaa ke ñaameŋ, meŋ tarata nuŋ Silo saatewo to. Wo to le m be ñiŋ saatewo ke la danka feŋo ti duniyaa banku koteŋolu bee ye.”

Mika 3:12

Ali la kuwo kamma la, Yerusalaamu be ke la tumbuŋo le ti, Siyoni ye ke senebankoo ti, aduŋ Alla Batudulaa Buŋo* be looriŋ konkoo kaŋ daameŋ, jee be ke la sutoo le ti.

Luka 21:7

Wo to le ì ye Yeesu ñininkaa ko, “Karammoo, ñiŋ kuwolu be ke la waati jumaa le la? Muŋ ne be ke la taamanseeroo ti, janniŋ a be sii la?”