Luka 18:43 - Mandinka Bible

⁴³ Wo loo niŋ baroo teema a ñaa yeleta, aduŋ a ye Yeesu nooma siloo kaŋ. A be Alla jayi kaŋ. Biriŋ moolu bee ye a je, ì ye jayiroo dii Alla la.

Luka 18:43 Referans Kwoze

Jabuuroolu 146:8

Yaawe le ka finkintewolu ñaalu yelendi. Ate le ka moolu wulindi mennu jiranta. Ate le ka moo tilindiŋolu kanu.

Kalatiyankoolu 1:24

Bituŋ ì ye Alla jayi n na kuwo kamma la.

Kiilaalu 26:18

I si ì ñaalu yelendi fo ì si bo diboo kono ka naa maloo kono, ka bo Seetaanoo* la maraloo kono ka naa Alla kaŋ. Wo to le ì be junube yamfoo soto la, aniŋ niyo moolu kono, mennu naata seneyaa kaatu ì laata nte la.’

Kiilaalu 11:18

Kabiriŋ ì ye ñiŋ kumoolu moyi, ì bee ye i deyi. Bituŋ ì ye Alla jayi ko, “Tooñaa, Alla ye tuuboo niŋ badaa-badaa baluwo dii moolu fanaa la le, mennu maŋ ke Yahuudoolu ti.”

Kiilaalu 4:21

Kansulumoolu ye ì silandi, bituŋ ì naata ì bula ka taa. Ì maŋ sila soto ka kuluuroo laa ì kaŋ, kaatu moolu bee be Alla jayi kaŋ ñiŋ kuwo kamma la, meŋ keta.

Luka 13:17

Biriŋ Yeesu ye ñiŋ fo, a jawoolu maluta, bari moo doolu bee seewoota ñiŋ kaawakuwolu la, Yeesu ye mennu ke.

Luka 5:26

Moolu bee jaakalita baake. Ì ye Alla jayi silaŋo kono, ì ko, “Ŋà kaawakuu baa le je bii.”

Luka 4:39

Yeesu jimita a kunto. A ye balakandoo jalayi, aduŋ a bota a bala. Wo loo niŋ baroo teema musoo wulita, a naata ì jiyandi.

Matiyu 21:14

Finkintewolu niŋ namatoolu naata a kaŋ Alla Batudulaa to jee, aduŋ a ye ì kendeyandi le.

Matiyu 11:5

Finkintewolu ñaalu yeleta, namatoolu taamata, balajawutoolu kendeyaata, tulu sukiriŋolu ye moyiroo ke, furewolu wulita, aniŋ kibaari betoo kawandita fuwaaroolu ye.

Matiyu 9:8

Kabiriŋ moolu ye ñiŋ je, ì faata niŋ Alla ñaasilaŋo la, aduŋ ì naata ka Alla jayi, meŋ ye ñiŋ ñoŋ semboo dii hadamadiŋolu la.

Yesaya 43:21

m faŋo ŋa n na moolu mennu daa, fo ì si n jayi ka a janjandi taariŋ.

Yesaya 42:16

M be tara la finkintewolu le ñaato siloo kaŋ, ì maŋ dali daameŋ na, m be ì kanta la jee le. M be diboo yelemandi la ì ñaatiliŋo la maloo le ti, ŋa sila tembebaloolu tembendi ì ye. M be n na laahidoolu timmandi la le, n te ì baayi la muumeeke.

Yesaya 35:5

Wo to le finkintewolu ñaalu be yele la, tulu sukiriŋolu ye moyiroo ke.

Jabuuroolu 107:15

Ì ñanta Yaawe tentu la a la kanu bambaloo kaŋ ne, a ye kaawakuu baalu mennu ke hadamadiŋolu ye.

Jabuuroolu 107:8

Ì ñanta Yaawe tentu la a la kanu bambaloo kaŋ ne, a ye kaawakuu baalu mennu ke hadamadiŋolu ye.

Jabuuroolu 30:2

Yaawe n na Alla, n kumboota i ye le ka m maakoyi, aduŋ i ye n kendeyandi le.

1 Pita 2:9

Bari alitolu mu moo tombondiŋolu le ti, aniŋ Mansa la moolu, piriisiyaa be mennu bulu. Ali mu nasiyoŋ jankuriŋo le ti, Alla fansuŋ moolu. Ali mu ñinnu bee le ti, fo ali si a la kebaaroolu la waroo bankee, meŋ ye ali kumandi ka bo diboo kono, ka naa a la mala kaawakuuyaariŋo kono.

Luka 19:37

Biriŋ a be jii kaŋ Olifu Konko jindaa la ka sutiyaa Yerusalaamu la, a noomalankoolu bee ye a dati ka seewoo, aniŋ ka Alla jayi baake kaawakuwolu kamma la, ì ye mennu je.

Luka 9:43

Moolu bee le jaakalita Alla la waroo la. Biriŋ moolu bee be jaakaliriŋ kuwolu la, Yeesu ye mennu ke, a ko a la saayiboolu ye ko,