Luka 18:14 - Mandinka Bible

¹⁴ Ŋa a fo ali ye, ñiŋ duwaañoo le tilindiŋo taata a la suwo kono, diina wo Farisewo ti. Kaatu moo-wo-moo meŋ ye a faŋ sikandi, a be jindi la le. Aduŋ moo-wo-moo meŋ ye a fammajii, a be sikandi la le.”

Luka 18:14 Referans Kwoze

Luka 14:11

Kaatu moo-wo-moo meŋ ye a faŋ sikandi, wo be jindi la le. Aduŋ moo-wo-moo meŋ ye a fammajii, wo be sikandi la le.”

Luka 16:15

Wo to le Yeesu ko ì ye ko, “Alitolu le mu wo moolu ti, mennu ka ì faŋolu tilindi moolu ñaa la, bari Alla ye ali sondomoolu kono loŋ ne. Kaatu feŋo meŋ kummaayaata moolu fee, a mu feŋ jawoo le ti, Alla ye meŋ koŋ.

Yankuba 4:10

Ali ali fammajii Maariyo ñaatiliŋo la, aduŋ a be ali sikandi la le.

Matiyu 23:12

Moo-wo-moo meŋ ye a faŋ sikandi, wo maarii be jindi la le. Aduŋ moo-wo-moo meŋ ye a fammajii, wo maarii be sikandi la le.

Kuma Kotoomaalu 29:23

Moo la faŋ waroo le ka a jindi, bari moo meŋ ye a fammajii, a ka buuñaa soto le.

Yankuba 4:6

Bari Alla ye hiinoo meŋ dii, wo ka tu kafu la le doroŋ. Wo kamma la, a be safeeriŋ ne ko: “Alla ka balaŋ faŋ wara moolu ma le, bari a ka hiina moolu la le, mennu ye i fammajii.”

Luka 1:52

A ye sembetii baalu jindi ka bo ì la mansasiiraŋolu kaŋ, bari a ye moolu sikandi, mennu ye ì fammajii.

Jabuuroolu 138:6

Yaawe warata ñaa-wo-ñaa, a ka fammajiilaalu hati le, bari a ka faŋ waralaalu kekuwolu loŋ ne ka bo jamfa jaŋo to.

Matiyu 5:3

“Barakoo be moolu ye, mennu maŋ wasa Nooroo la, ì ye meŋ soto, kaatu ì taa le mu Arijana mansabaayaa ti.

Yesaya 57:15

Mansa meŋ be santo-santo, a be kallankeeyaariŋ* ne, a be baluuriŋ fo abadaa, aduŋ a too kuliyaata, a ye ñiŋ ne fo ko: “M be sabatiriŋ dulaa sikandiriŋo le to aniŋ dulaa senuŋo. Bari fanaa m be sabatiriŋ moo jikilateyiriŋolu aniŋ fammajiilaalu le fee, fo n si fammajiilaalu niyo kutayandi, aniŋ ka jikilateyiriŋolu sondomoo bambandi.

Kuma Kotoomaalu 3:34

Ñaawalilaalu, a ka jutunnayaa samba wolu le kaŋ, bari mennu ye i fammajii, a ka hiina wolu ma le.

Yuuba 25:4

Hadamadiŋo si tiliŋ noo Alla ñaa koto ñaadii le? Musoo ye moo meŋ wuluu, wo maarii si seneyaa noo ñaadii?

Kalatiyankoolu 2:16

Bari hani wo, ŋà a loŋ ne ko, ka Musa la Luwaa* la yaamaroolu muta, wo te moo-wo-moo tilindi noo la Alla ñaatiliŋo la, bari wo tiliŋo ka naa ka bo niŋ lannoo le la Yeesu Kiristu kono. Wo kamma la, m̀ fanaa naata laa Kiristu Yeesu la, fo ǹ si tilindi noo Alla ñaatiliŋo la ka bo niŋ lannoo la Kiristu kono. N na tiliŋo maŋ bo niŋ Luwaa la yaamaroolu la, kaatu ì mutoo te hani moo kiliŋ ne tilindi noo la Alla ñaatiliŋo la.

Roomankoolu 4:5

Moo meŋ maŋ jiki a la kebaara betoolu la, bari a laata Alla la, meŋ ka kuu kuruŋ kelaa tilindi, Alla ye wo maarii la lannoo muta a ye tiliŋo le ti.

Roomankoolu 3:20

Kaatu ka Luwaa la yaamaroolu muta, wo te moo-wo-moo tilindi noo la Alla ñaatiliŋo la. Luwaa ka a yitandi le, junuboo mu meŋ ti.

Luka 10:29

Bari a lafita a faŋo la tiliŋo le yitandi la Yeesu la, a ko a ye ko, “Jumaa le mu n siiñoo ti?”

Kuma Kotoomaalu 18:12

Janniŋ moo ka duŋ kasaaroo kono, a ka a faŋo wara le, janniŋ moo ka buuñaa soto, fo a ye a fammajii foloo.

Kuma Kotoomaalu 15:33

Yaawe ñaasilaŋo ka moo karandi ñaameŋo le la, janniŋ moo ka buuñaa soto, fo a ye a fammajii foloo.

Yuuba 22:29

Ate Alla le ka faŋ wara moolu la kuwo jindi, a ye fammajiilaalu maakoyi.

1 Samuweli 1:18

Hanna ko, “Allamaa nte i la dookuulaa la kuwo ye i kontaani.” Bituŋ a taata a la siloo la, a ye domoroo ke, aduŋ niikuyaa maŋ finti a ñaadaa to kotenke.

2 Musa 18:11

Saayiŋ ŋa a loŋ ne ko, Yaawe le semboo warata alloolu bee ti, kaatu a ye ñiŋ ke moolu le la, mennu ye ì faŋ wara Banisirayilankoolu ti, ka ì mantoora.”

Roomankoolu 8:33

Jumaa le si Alla la tomboŋ moolu tuumi noo? Alla le faŋo ka moolu tilindi.

Roomankoolu 5:1

Baawo ǹ naata tiliŋ ka bo niŋ lannoo le la, kayiroo naata ǹ niŋ Alla teema ka bo niŋ m̀ Maarii Yeesu Kiristu* le la.

Daniyeli 4:37

Saayiŋ, nte Nebukanesa ye Arijana Mansoo tentu, ŋa a jayi, aduŋ ŋa a horoma le. A ka kuwo bee taamandi tiliŋo niŋ tooñaa le la, aduŋ niŋ moo-wo-moo ye a faŋ sikandi, a be a maarii jindi la le.

Yesaya 53:11

A la mantooroo jeriŋ koolaa, a be tara la mala baa le kono, a ye wasa. N na dookuulaa tilindiŋo, ka bo niŋ a la londoo la, moo jamaa si ke moo tilindiŋo ti, kaatu a be ì la junuboo bee dunoo taa la le.

Yesaya 45:25

Nte Yaawe le be a saabu la, Banisirayilankoolu ye ke moo tilindiŋolu ti, aduŋ ì be n jayi la le.”

Yuuba 9:20

Hani niŋ a ye a tara m be tooñaa le kaŋ, m fokumoo le be m boyindi la. Hani niŋ m maŋ sootaari soto, ate le be n na boyoo yitandi la.

Habakuki 2:4

Kibaaroo fele: Faŋ wara moo maŋ tiliŋ, a be kasaara la le. Bari moo tilindiŋo be baluu la ka bo niŋ a la lannoo le la.

Kawandilaa 9:7

Wo to i la domoroo domo niiseewoo kono, i ye i la wayinoo* miŋ sondome tenkuŋo kono. Alla lañinita i ye ñiŋ ne la.

Jabuuroolu 143:2

Kana i la dookuulaa kiitindi, kaatu moo te keriŋ meŋ tilinta ite ñaa koto.

Yesaya 66:2

A ko: “M faŋo buloo le ye ñiŋ feŋolu bee daa, ì naata soto. “Ŋa ñiŋ maarii le sikandi santo, moo meŋ ye a fammajii, a tuubita a la junuboolu la, aniŋ n na kumoolu ka silaŋo dundi meŋ na.

Kuma Kotoomaalu 25:7

Ñiŋ ne be fisiyaa la, niŋ a ko i ye ko, “Naa jaŋ,” janniŋ a ka i malundi moo kummaalu ñaatiliŋo la. I ye kuwo meŋ je i ñaa la,