Luka 15:17 - Mandinka Bible

¹⁷ Kabiriŋ a ye i miira a kekuwo la, a ko, ‘M faamaa ye dookuulaa jamaa le soto, aduŋ ì bee ka domoroo ke le fo too ka tu, bari nte fele, m be faa la konkoo la jaŋ.

Luka 15:17 Referans Kwoze

Esekiyeli 18:28

Bayiri a ye a loŋ ne a ye kuu jawoolu mennu bee ke, a ye a koo dii ì la, tooñaa a be baluu la le, a te faa la.

Efesusinkoolu 5:14

aduŋ feŋ-wo-feŋ meŋ jeta maloo kono, wo fanaa keta maloo le ti. Wo kamma la, a fota le ko: “Ite siinoolaa, kuniŋ i ye wuli saayaa kono, aduŋ Kiristu be a la maloo mala la i kaŋ ne.”

Yeremiya 31:19

Biriŋ n jenketa, n tuubiseyita n na jenkoo la le, aniŋ biriŋ ŋa m faŋ kalamuta, niikuyaa ye a tinna le fo n ka n sisoo lipa. M maluta, m bulata dooyaaroo kono. Kaatu n na fondinkeeyaa malu kuwolu le tarata laariŋ n kaŋ.’ ”

Kiilaalu 2:37

Kabiriŋ moolu ye ñiŋ moyi, ì niyo toorata baake. Bituŋ ì ko Pita niŋ kiilaa* doolu ye ko, “M̀ baadiŋolu, ǹ ñanta muŋ ne ke la saayiŋ?”

Luka 16:23

Fankamaa naata tara yankankatoo kono laakira. A ye santo juubee, a ye Iburayima hayinaŋ, Lasarus be a fee.

Luka 8:35

Wo to le moolu naata ka a juubee, meŋ keta. Kabiriŋ ì naata Yeesu kaŋ, ì ye kewo ñiŋ tara siiriŋ Yeesu siŋolu daala, seetaani jawoolu bota meŋ bala. Saayiŋ duŋ feŋolu be a la, aduŋ a sondomoo seyita a ñaama. Bituŋ ì silata.

Niikuyaa Suukuwolu 1:7

Hee Yerusalaamu, i hakiloo muruta i la sotofeŋ kummaalu kaŋ ne, i la ñiŋ mantooroo niŋ yaayi waatoo la, feŋolu mennu bee keta i taa ti kunuŋ tiloolu la. Kabiriŋ i la moolu dunta i konnantewolu buloo kono, i maŋ hani maakoyirilaa soto, i konnantewolu ye ì ñaawali le, ì jeleta i la boyoo la.

Kawandilaa 9:3

Kuu dimindiŋ doo fele kuwolu kono meŋ ka ke ñiŋ duniyaa tiloo koto, wo le mu ñiŋ ti ko, moo bee mu labaŋñaa kiliŋo le ti. Hadamadiŋolu bee sondomoo ka tara faariŋ kuu kuruŋo le la. Ñaamaatiyaa le ka tara ì sondomoo kono ì la baluwo waatoo la. Wo koolaa ì ye naa faa.

Jabuuroolu 73:20

ì ye ke komeŋ niŋ moo siiboota, a la siiboo ka yeemaŋ ñaameŋ. Wo ñaa kiliŋo ñaama, ite Maariyo, i be jutu la ì la le komeŋ niiniyo.

Jabuuroolu 119:59

Kabiriŋ ŋa m miira m baluuñaa la, n yelemata le ka bula i la karandiroolu nooma.

Hoseya 2:7

A si a tuluŋñoolu bayindi, bari a te ì soto noo la, a si ì ñini, bari a te ì je noo la. Bituŋ a si a fo ko, ‘M be taa le, ŋa muru n kee foloo kaŋ, n wo waatimaa le fisiyaata n saayimmaa ti.’

Luka 15:16

A hameta ka a konoo fandi seewoolu la domoroo la, bari moo maŋ a dii a la.

Kiilaalu 12:11

Wo to le Pita ye a kalamuta, meŋ be keriŋ. A ko, “Tooñaa, saayiŋ ŋa a loŋ ne ko, Maariyo ye a la malaayikoo le kii naŋ ka n kanandi Herodi bulu, aniŋ kuwolu, Yahuudoolu be i yillaariŋ meŋ na.”