Luka 1:72 - Mandinka Bible

⁷² A ye balafaa yitandi ǹ na, ko a ye a laahidi m̀ mumuñolu ye ñaameŋ. A hakiloo bulata a la Kambeŋ Senuŋo la le,

Luka 1:72 Referans Kwoze

Jabuuroolu 106:45

Ì la kuwo kamma la a ye i miira a la kambeŋo la le a niŋ ì teema, aduŋ a sabarita le, a la kanu bambaloo la waroo kamma la.

Mika 7:20

I be hiina la ǹ ye le, ka i la kanu bambandiŋo yitandi ǹ na, ko i kalita a la ñaameŋ m̀ mumuñolu ye, Iburayima niŋ Yaakuba, m̀ bonsuŋolu, biriŋ waati jaŋ koomanto.

3 Musa 26:42

Wo to le n hakiloo si muru n na kambeŋo kaŋ, meŋ be n niŋ Yaakuba teema, Isiyaaka, aniŋ Iburayima, aduŋ n hakiloo be muru la bankoo fanaa la kuwo kaŋ ne.

Roomankoolu 11:28

Baawo Yahuudoolu balanta kibaari betoo la le, ì naata ke Alla jawoolu ti alitolu la kuwo kamma la. Bari baawo Alla ye itolu le tomboŋ, itolu keta Alla kanuntewolu le ti ì mumuñolu la kuwo kamma la.

Esekiyeli 16:60

“Hani wo n hakiloo be bula la kambeŋo la le, n niŋ i ye meŋ siti, kabiriŋ i la fondinkeeyaa waatoo, aduŋ n niŋ i be kambeŋ bambandiŋo le siti la fo abadaa.

1 Musa 28:14

I koomalankoolu be siyaa la le, komeŋ bankumunkoo. Ì be janjaŋ na duniyaa tonkoŋ naanoo bee le to. M be neema la jamaanoolu bee ma duniyaa kono ka bo niŋ ite le la, aniŋ i koomalankoolu.

1 Musa 26:4

M be i koomoo siyandi la le komeŋ looloolu, aduŋ m be ñiŋ bankoolu bee dii la itolu le la. Aduŋ moolu mennu bee be tara la duniyaa kono, be neemoo soto la ka bo niŋ i koomoo le la.

Esekiyeli 16:8

“N naata tambi i maafaŋo la kotenke, a fele, ŋa a je ko, i siita futuwo ma le. Ŋa n na waramboo tuloo muuri i kaŋ ka i sutura. Ŋa m faŋo londi i ye, n niŋ i ye kambeŋo siti, i keta n taa ti.” Maarii Yaawe le ye a fo.

Jabuuroolu 111:5

A ka domoroo dii moolu la le, mennu ye a kuliyaa. A hakiloo ka tu a la kambeŋo kaŋ ne.

Jabuuroolu 98:3

A ye a la laahidoo muta Banisirayila moolu ye le, a la kanu bambaloo niŋ foroyaa tilindiŋo kaŋ. Duniyaa moolu bee ye ntolu la Alla la tankandirilaŋ semboo je le.

1 Musa 22:18

Duniyaa moo koteŋolu bee be neemoo soto la ka bo niŋ i koomoo le la, kaatu i ye n na yaamaroo muta le.’ ”

1 Musa 12:3

M be neema la moolu ma, mennu neemata i ma, aduŋ moo-wo-moo ye i danka, m fanaa be wo maarii danka la le, aduŋ ka bo niŋ ite la duniyaa jamaanoolu bee be neemoo soto la.”

Jabuuroolu 105:42

A maŋ ñina a la laahidi senuŋo la, a ye meŋ dii a la dookuulaa Iburayima la.

Roomankoolu 9:4

Wolu le mu Banisirayilankoolu ti, Alla ye mennu ke a diŋolu ti nuŋ. A la kallankeeyaa* keta itolu le la keetaa ti. Itolu le naata kambeŋo niŋ Luwaa soto, batuñaa kendoo aniŋ laahidoolu.

1 Taarika 16:16

A ye kambeŋo meŋ siti a niŋ Iburayima teema, a kalita wo laahidoo la Isiyaaka le ye.