Luka 1:39 - Mandinka Bible

³⁹ Tili dantaŋ koolaa Mariyaama wulita, a tariyaatoo taata saatee doo to, meŋ be Yudeya konkotundoo* kaŋ.

Luka 1:39 Referans Kwoze

Luka 1:65

Ì siiñoolu silata baake. Ñiŋ kibaaroo janjanta Yudeya konkotundoo bee kaŋ.

Yosuwa 10:40

Yosuwa ye bankoo ñiŋ bee le noo: Wo le mu konkotundoo* ti, Nekefu* tundoo, Sefela* tundoo tilijii karoo la, aniŋ konko jindaalu tilibo karoo la, aniŋ ì la mansoolu bee. A maŋ hani moo kiliŋ ne tu baluwo to jee. A ye niilamaa feŋolu bee le faa jee, ko Yaawe Banisirayila la Alla ye yaamaroo dii a la ñaameŋ.

Yosuwa 20:7

Bituŋ ì naata Kedesi tomboŋ Kalilee kono Nafutali konkotundoo* kaŋ, Sekemu Efurayimu konkotundoo kaŋ, aniŋ Kiriyati-Ariba meŋ mu Heburoni ti, Yahuuda konkotundoo kaŋ.

Luka 1:38

Wo to le Mariyaama ko, “Nte mu Maariyo la joŋo le ti. A si ke n na, ko i la kumoo ye a fo ñaameŋ.” Bituŋ malaayikoo taata.

Luka 1:40

A dunta Jakariya la buŋo kono, a ye Elisabet kontoŋ.