Lankenemoo 7:7 - Mandinka Bible

⁷ ka bo Simeyoni lasiloo to, wuli taŋ niŋ fula, ka bo Lewi lasiloo to, wuli taŋ niŋ fula, ka bo Isakari lasiloo to, wuli taŋ niŋ fula,

Lankenemoo 7:7 Referans Kwoze

1 Musa 35:23

Leya dinkewolu, wolu le mu Rubeni ti, Yaakuba dinkee foloo, Simeyoni, Lewi, Yahuuda, Isakari, aniŋ Sebuluni.

4 Musa 26:14

Ñinnu le mu kaabiiloolu ti ka bo Simeyoni lasiloo kono. Ì taata kaañaŋ kee wuli muwaŋ niŋ fula, aniŋ keme fula le fee.

Kiitindirilaalu 1:3

Bituŋ Yahuuda lasiloo moolu ko ì baadiŋ Simeyoni lasiloo moolu ye ko, “Ali niŋ ŋà taa ñoo la bankoo kaŋ, meŋ diita ǹ na. Ali bee ye kafu m̀ ma, ŋà Kanaaninkoolu kele. Wo koolaa, ntolu fanaa niŋ ali si taa bankoo kaŋ, meŋ diita ali la.” Bituŋ Simeyoni lasiloo moolu bulata ì nooma.

4 Musa 25:14

Banisirayilankoo meŋ niŋ Midiyani musoo faata ñoo la, a too mu Simuri le ti, Salu dinkewo. Salu mu dimbaayaa ñaatonkoo le ti Simeyoni lasiloo kono.

4 Musa 1:22

Ka bo Simeyoni koomalankoolu kono, kewolu bee le yaateeta, ì toolu safeeta kiliŋ-kiliŋ, ko ì la kaabiiloolu niŋ ì la dimbaayaalu safeeñaa be laariŋ ñaameŋ, moo-wo-moo niŋ a si keloo noo, a siyo be ka bo sanji muwaŋ ka taa wo ye santo la.

2 Musa 6:16

Ñinnu le mu Lewi dinkewolu toolu ti, komeŋ a be laariŋ ì la taarikoo kono ñaameŋ: Kerisoni, Kohati aniŋ Merari. Lewi ye sanji keme niŋ sanji taŋ saba niŋ woorowula le baluu.

1 Musa 49:5

Simeyoni niŋ Lewi, ali baadimmaa fuloo! Ali la hawusaroolu* le mu fitinoo kelejooraŋolu ti.

1 Musa 30:18

Leya kumata ko, “Alla ye n joo le, kaatu ŋa n na joŋ sunkutoo le dii n keemaa la.” Bituŋ a naata a toolaa Isakari la.

1 Musa 29:34

A harijeeta kotenke, a ye dinkewo wuluu. A kumata ko, “Saayiŋ n keemaa la kuwolu be sutiyaa la nte le la, kaatu ŋa dinkee saba le wuluu a la.” Wo kamma la, ì ye wo dinkewo ñiŋ toolaa Lewi la.

Yosuwa 19:17

Alikuuri naaninjaŋo keta Isakari lasiloo moolu le teema, ka bo kaabiila ka taa kaabiila.

Yosuwa 19:1

Alikuuri* fulanjaŋo keta Simeyoni lasiloo moolu le teema, ka bo kaabiila ka taa kaabiila. Itolu la keetaafeŋo taata bula Yahuuda bankoo le kono.

1 Musa 49:11

Ite Yahuuda, i be i la falimusoo siti la wayini* yiroo le bala, a diŋo ye tara sitiriŋ wayini yiribuloo bala. I be i la duŋ feŋo kuu la wayinoo le la, i ye i la waramboo kuu wayinoo la.

Lankenemoo 7:6

ka bo Aseri lasiloo to, wuli taŋ niŋ fula, ka bo Nafutali lasiloo to, wuli taŋ niŋ fula, ka bo Manase lasiloo to, wuli taŋ niŋ fula,

Lankenemoo 7:8

ka bo Sebuluni lasiloo to, wuli taŋ niŋ fula, ka bo Yusufa lasiloo to, wuli taŋ niŋ fula, aniŋ ka bo Benjamini lasiloo to, wuli taŋ niŋ fula.