Biblia Todo Logo
Bib sou entènèt

- Piblisite -




Lankenemoo 7:10 - Mandinka Bible

10 Ì be sari kaŋ santo ko: “Kiisoo bota naŋ ǹ na Alla le bulu, meŋ be siiriŋ mansasiiraŋo kaŋ, a niŋ Saajiiriŋo bulu.”

Gade chapit la Kopi




Lankenemoo 7:10
26 Referans Kwoze  

Ñiŋ kuwolu koolaa, ŋa maakaŋo moyi, meŋ ka munta ko kafu baa Arijana kono. Ì be sari kaŋ santo ko: “Haleluyaa! Kiisoo, kallankeeyaa* aniŋ semboo, bee mu ǹ na Alla le taa ti.


Tankoo ka bo Yaawe le bulu, Allamaa a la neemoo ye tara a la moolu fee. S


Ŋa kumakaŋ baa moyi Arijana kono, meŋ ko, “N na Alla la kiisoo, a la semboo niŋ mansabaayaa, aniŋ a la Alimasiihu* la kantiiyaa naata le, kaatu m̀ baadiŋolu* tuumilaa fayita duuma le. Ate le be ì tuumi kaŋ nuŋ, ǹ na Alla ñaatiliŋo la, suutoo niŋ tiloo la.


Ali a fo meŋ be ke la, ali ye a yitandi. Ali ye kuwo kacaa ñoo kaŋ. Jumaa le ye ñiŋ fo nuŋ kabiriŋ? Jumaa le ye a fo nuŋ koomanto? Fo nte Yaawe n te baŋ? Alla koteŋ te jee nte koolaa. Alla tilindiŋo niŋ kiisandirilaa doo te jee, nte dammaa le mu.


Dankoo te soto la jee kotenke, bari Alla niŋ Saajiiriŋo la mansasiiraŋo le be tara la saatewo ñiŋ kono, aduŋ Alla la dookuulaalu be a batu la le.


Ali kiisata ka bo niŋ hiinoo le la, biriŋ ali ye lannoo soto. Ali la kata kuwolu maŋ a sii ali la, Alla la sooroo le mu.


Wo saamoo Yaayaa ye Yeesu je naa la a kaŋ. Bituŋ a ko, “Alla la Saajiiriŋo fele, meŋ ka naa duniyaa la junuboo bondi!


“Nte, nte le mu Yaawe ti, aduŋ nte koolaa kiisandirilaa te jee.


Aduŋ ate meŋ be siiriŋ mansasiiraŋo kaŋ, a ko, “A fele, ŋa kuwolu bee kutayandi le.” Bituŋ a ko n ye ko, “Ñiŋ safee, kaatu ñiŋ kumoolu tooñaayaata le, ì jarita le ka laa ì la.”


Aduŋ hadamadiŋolu bee be Alla la kiisoo je la le.’ ”


Tooñaa-tooñaa, jalambatoo maakaŋo konkoolu kaŋ taariŋ, wo mu ǹ ye neeneeroo le ti. Tooñaa-tooñaa, Yaawe ǹ na Alla le mu Banisirayila la kiisoo ti.


Saajiiriŋo ñiŋ naata wo kaŋ, meŋ be siiriŋ mansasiiraŋo kaŋ, a ye kitaabu moromororiŋo taa a bulubaa buloo kono.


Mansasiiraŋo ñaatiliŋo la, kenoo meŋ be jee to, wo ka munta le ko baajiyo meŋ dadaata niŋ weeri faramansariŋo la. Daafeŋ baluuriŋ naani le ye mansasiiraŋo ñiŋ bula teema. A kara-wo-kara la, kiliŋ ne be jee. Ì naanoo bee baloolu be faariŋ ñaalu le la, ñaalu be ì bala ì kooma niŋ ì ñaato.


Alitolu Samariyankoolu ka baturoo ke le, bari ali maŋ a loŋ, ali ka meŋ batu. Ntolu Yahuudoolu ye a loŋ ne, ǹ ka meŋ batu, kaatu kiisoo naata ka bo niŋ Yahuudoolu le la.


Kabiriŋ Yeesu be tambi kaŋ, Yaayaa ye a je. A ko, “Alla la Saajiiriŋo fele!”


Yaawe ko: “Ite Dimmusuriŋ* Siyoni*, seewoo kendeke! Ite Dimmusuriŋ Yerusalaamu, wuuri kontaanoo ti. Ali la mansa fele, a be ali waliŋ kaŋ naŋ. A tilinta, kiisoo be a bulu, a niŋ fammajiyo be faloo koo to, falindiŋo le mu, falimusoo diŋo.


Bari m be sadaa* bo la i ye le, ŋa i jayiraŋ suukuwo laa, aduŋ ŋa n kali meŋ na, m be wo ke la le. Kiisoo bota naŋ Yaawe le yaa.”


Yaawe* ko: “Nte le mu Yaawe ti, ali la Alla, nte le ye ali bondi naŋ Misira. Ali maŋ Alla koteŋ loŋ nte koolaa, nte koolaa tankandirilaa koteŋ te jee.


Hee Alla Banisirayila Kiisandirilaa, tooñaa, ite mu Alla le ti, meŋ buka a faŋo yitandi.


Yaawe*, ite le too ñanta kuliyaa la, a maŋ ke ntolu ti, i la kanu bambaloo niŋ i la tiliŋo kamma la.


Moo tilindiŋolu la tankoo ka bo Yaawe le bulu. Ate le mu ì la semberaŋo ti, mantooroo waatoo la.


“Serubabeli, kuu koleŋolu mennu be warariŋ ko konko baa, be yeemaŋ na i ñaato le. I be Alla Batudulaa Buŋo* lookuu la le. Niŋ i be a bere labaŋo laa la, moolu niŋ seewoo le be wuuri la ñiŋ ti ko: Allamaa a neema la, Allamaa a neema la!”


Swiv nou:

Piblisite


Piblisite