Kolosankoolu 2:14 - Mandinka Bible

¹⁴ Alla ye ǹ na julu kotoolu safeeroo tuutuu le, mennu tarata ǹ kaŋ, ì niŋ luwaa meŋ ye ǹ tuumi. A ye wo juloo kayitoo landi kara la le, a ye a pempeŋ Kiristu la yiribantambiloo kaŋ.

Kolosankoolu 2:14 Referans Kwoze

Yesaya 44:22

Ŋa ali la kuu jawoolu bondi le komeŋ minaayoo, ali la junuboolu komeŋ soomandaa tuutuwo. Ali muruŋ n kaŋ, kaatu ŋa ali kumakaa le.”

Yesaya 43:25

Nte, nte faŋo le ye ali la junuboolu tuutuu n na kuwo kamma la, aduŋ n hakiloo maŋ bula ali la junuboo la kotenke.

Hiburunkoolu 8:13

Kabiriŋ Alla diyaamuta kambeŋ kutoo la kuwo to nuŋ, a ye kambeŋ foloo ke kotoomaa le ti. Aduŋ meŋ be kotoo kaŋ, aniŋ a semboo be bo kaŋ, wo be yeemaŋ kaŋ ne.

Hiburunkoolu 7:18

Wo to, yaamari kotoo ñanta landi la kara la le, kaatu a maŋ semboo waraŋ nafaa soto.

Kolosankoolu 2:20

Baawo alitolu niŋ Kiristu faata ñoo la le fo ali niŋ ñiŋ alihawaa semboolu si kuntu, wo to, muŋ ne ye a tinna ali ka baluu hani ka bii ko moolu, mennu mu ñiŋ duniyaa taalu ti? Muŋ ne ye a tinna ali ka soŋ ñiŋ duniyaa la yaamaroolu ma, mennu be ko,

1 Pita 2:24

Kiristu faŋo le ye ǹ na junuboolu dunoo taa, ka bo niŋ a baloo la, a ye ì samba yiribantambiloo kaŋ, fo ǹ si faa junuboo la karoo la, aduŋ ǹ si baluu tiliŋo ye. Ka bo niŋ a la baramoolu le la, ali kendeyaata.

Kiilaalu 3:19

Wo kamma la, ali tuubi, ali ye muru Alla kaŋ, fo ali la junuboolu si tuutuu,

Yesaya 57:14

Yaawe ko: “Ali siloo dadaa, ali siloo dadaa! Ali siloo parendi, ali feŋ ñankariŋolu bondi n na moolu ye jee.”

Jabuuroolu 51:1

Hee Alla, balafaa n ye, ka bo niŋ i la kanu bambaloo la. I la balafaa warata le, wo kamma la n na junuboolu tuutuu.

4 Musa 5:23

Piriisoo ñanta ñiŋ dankari kumoolu safee la walaa le bala, a ye a kuu jii kunaŋo kono.

2 Tesalonikankoolu 2:7

Tooñaa, luwaantaŋyaa semboo be dookuwo ke kaŋ kulloo kono le fokabaŋ, bari meŋ ye a muta kooma hani saayiŋ, wo ñanta bondi la le foloo.

Jabuuroolu 51:9

Kana n juubee n na kuu jawoolu kaŋ. N na junuboolu bee tuutuu.

Esita 3:12

Bituŋ kari foloo tili taŋ niŋ sabanjaŋ luŋo la, ì ye mansa la safeerilaalu kumandi. Bituŋ a ye kankulaaroo dii ì la ka a yelemandi kaŋolu bee to, aniŋ ì la safeeriñaalu mennu bee be bankoo kaŋ. Ì ye ì kii maralilaalu, kumandaŋolu aniŋ siyolu bee la kuntiyolu kaŋ. A safeeta Mansa Ahasuweru le too la, aduŋ a tamputa a la mansakonnaa le la.

Nehemiya 4:5

Kana ì sutura ì la boyoo kaŋ waraŋ ka ì la junuboolu tuutuu ka bo i ñaa koto, kaatu ì ye tata dookuulaalu neŋ baake le.”

Luka 1:6

Ì bee tilinta Alla ñaa koto le, ì ye Maariyo la luwaalu niŋ yaamaroolu bee le muta a ñaama.

Esita 8:8

Saayiŋ ali kankulaari kayitoo doo safee ka bo mansa too la Yahuudoolu la kuwo to, ali lafita meŋ ye ke. Ali ye a tampu niŋ mansa la konnaa la, kaatu kankulaaroo meŋ safeeta mansa too la, aduŋ a la konnaa tamputa a bala, wo buka faliŋ noo.”