Kiilaalu 7:42 - Mandinka Bible

⁴² Wo kamma la Alla ye a koo dii ì la, a ye ì bula ka saŋo santo malafeŋolu batu, ko a be safeeriŋ annabiyomoolu la kitaaboo kono ñaameŋ: ‘Alitolu Banisirayilankoolu, ali ye sanji taŋ naanoo meŋ ke keñewuloo kono, fo ali ye beeyaŋ sadaa* waraŋ siimaŋ sadaa naati nte le ye baŋ?

Kiilaalu 7:42 Referans Kwoze

Esekiyeli 20:39

Maarii Yaawe ye ñiŋ ne fo ko: “Wo to saayiŋ, alitolu Banisirayilankoolu, niŋ a diyaata ali ye, ali si taa ka ali la jalaŋolu batu, bari ñaato siniŋ, ali be i lamoyi la n na le, ali ye soŋ n na yaamaroolu la. Kaatu nte jankuta le. Ali te horomantaŋyaa tiliŋ na n too la kotenke niŋ ali la wo jalaŋolu la, ali ka mennu batu, aniŋ ali ka ali la sadaalu bo mennu ye.”

Yeremiya 19:13

Buŋolu mennu be Yerusalaamu kono, ka taa Yahuuda mansoolu la buŋolu, be ke la dulaa kosoriŋo le ti ko Tofeti. Ì ka cuuraayoo siisindi sadaa ti wo buŋ santo teruriŋolu* to, saŋo santo malafeŋolu ye, aduŋ ì ka miŋ feŋ sadaalu boŋ jalaŋolu ye.”

5 Musa 4:19

Aduŋ niŋ ali ye tiloo niŋ karoo aniŋ looloolu je ali kunto santo, ali kana marisa ka sujudi ì ye waraŋ ka ì batu. Yaawe ali la Alla ye wolu ke jee duniyaa moo bee le ye.

Yesaya 63:10

Hani wo ì balanta le, a la Noora Kuliŋo naata sunu ì la kuwo la. Wo to le Alla fanaa yelemata, a naata ke ì jawoo ti, a faŋo ye ì kele.

Kiilaalu 7:36

Musa le ye i bondi Misira. A ye kaawakuwolu niŋ taamanseeroolu ke Misira bankoo kaŋ, Kulunjumbe Baa to, aniŋ keñewuloo kono fo sanji taŋ naani.

Hoseya 4:17

Efurayimu* ye a faŋ dii jalaŋolu le la, ali a bula a faŋ ma.

Esekiyeli 8:16

Bituŋ a naata n samba Yaawe Batudulaa Buŋo konoto luwo to. Ŋa kee muwaŋ niŋ luulu le tara dundaŋ daa niŋ sadaajanidulaa teema. Ì ñaa be tilindiŋ tiliboo la, ì koo be diiriŋ Yaawe Batudulaa Buŋo la. Ì be sujudi kaŋ tiloo le ye, ka a batu.

Yesaya 66:4

Wo to saayiŋ, m be kuu dimindiŋ baa le laa la ì kaŋ, aduŋ ì silata meŋ na, m be ì jarabi la wo le la. Kaatu kabiriŋ ŋa kumandiroo ke, moo maŋ n danku, biriŋ n diyaamuta, moo maŋ i lamoyi n na. Bari ì ye kuu jawoo ke n ñaa koto le, ì ye kuu ke meŋ maŋ diyaa n ye.”

Yosuwa 24:20

Niŋ ali ye ali koo dii a la, ali ye alla koteŋolu batu, a fanaa be maasiiba kuwo le samba la naŋ ali kaŋ, ka ali bee kasaara, a tarata kuu betoo ke kaŋ ali ye ñaa-wo-ñaa.”

Esekiyeli 20:25

Ŋa saratoolu niŋ yaamaroolu mennu dii ì la, ì maŋ nafaa soto ì ye, kaatu ì keta ì ye yankankatoo le ti diina ka baluu noo ì la.

Jabuuroolu 95:10

N tarata ñewundiŋ ì la le fo sanji taŋ naani, aduŋ n kumata ko, ‘Ñiŋ moolu sondomoo le ye ì filindi, ì jututa n na kuwolu la.’

2 Mansoolu 21:3

A faamaa Hesekiya ye batudulaa tintiŋolu* mennu boyi, ate muruta le a ye wolu loo kotenke. A ye sadaabodulaalu* loo Baali* jalaŋo ye le, aduŋ a ye Asera* jalaŋ dokoo fanaa loo le ka ì batu, komeŋ Banisirayila mansa Ahabu ye a ke ñaameŋ. A ka sujudi saŋo santo malafeŋolu bee ye ka ì batu.

2 Mansoolu 17:16

Ì ye ì koo dii Yaawe, ì la Alla la yaamaroolu bee la le, aduŋ ì ye ninsiriŋ jalaŋ tunkandiŋ fula dadaa ì faŋolu ye. Ì ye Asera jalaŋ dokoo loo, ì sujudita saŋo santo malafeŋolu bee ye, aduŋ ì ye Baali* jalaŋo batu.

5 Musa 17:3

A sujudita alla koteŋolu ye, tiloo, karoo waraŋ looloolu ka ì batu, Yaawe ye m̀ bali meŋ na.

Yesaya 43:23

Ali maŋ saajiyo naati n ye ka a ke jani sadaa* ti, waraŋ ka m buuñaa ali la beeyaŋ sadaa koteŋolu la. M maŋ siimaŋ sadaa dunoo laa ali kaŋ, waraŋ ka ali batandi cuuraayi siisindi la.

Hiburunkoolu 3:9

Ali mumuñolu ye n na muñoo daŋo kotobo jee le to, hani ì ye n na baara kuu baalu je

Yeremiya 8:2

Ì be kuloolu janjaŋ na tiloo la le, kari maloo, aniŋ looloolu bee ye. Ì ye wolu le kanu, ka dookuwo ke ì ye, ka bula ì nooma, ka ì la kuwo ñini, aniŋ ka ì batu. Ì te kafu la ñoo ma, sako ka baadee. Ì jambandimaa be tu la laariŋ bankoo to wo le ñaama.

Yohana 6:45

A safeeta le nuŋ annabiyomoolu la kitaaboolu kono ko: ‘Alla be ì bee karandi la le.’ Moo meŋ ka i lamoyi m Faamaa la, a ka karaŋ a bulu, wo maarii le ka naa nte kaŋ.

Kiilaalu 13:40

Wo to ali ali hakiloo tu fo feŋ kana ke ali la, annabiyomoolu ye meŋ fo ko: