Kiilaalu 5:3 - Mandinka Bible

³ Bari Pita ko a ye ko, “Ananiyas, muŋ ne ye a tinna i sonta Seetaanoo* ye i sondomoo mara ka faniyaa fo Noora Kuliŋo ñaatiliŋo la ka kodoo doo maabo, i ye meŋ soto wo kenoo kunna?

Kiilaalu 5:3 Referans Kwoze

Yeremiya 23:24

“Fo moo si a faŋ maabo noo kulloo kono dulaalu to, ñiŋ kamma la n kana a je?” Yaawe le ye a fo. “Fo m maŋ saŋo niŋ bankoo faa tep?” Yaawe le ye a fo.

Yesaya 29:15

Kooroo be moolu le ye mennu ye a kata baake, ka ì la yaamaroolu maabo Yaawe ma. Ì ka ì la kebaaroolu ke diboo kono, ì ka a fo ko, “Jumaa le ka ǹ je? Jumaa le be a loŋ na, ǹ ka meŋ ke?”

1 Pita 5:8

Ali tu ali ñaa la, ali ye koroosiroo ke. Ali jawoo Ibiliisa ka tu yaayi kaŋ ne ko jata konkoriŋo ka moo ñini, a be a daa faa la meŋ na.

Kiilaalu 5:9

Pita ko a ye ko, “Muŋ ne ye a tinna ali kambenta ka Maariyo la Nooroo kotobo? A fele, kewolu mennu ye i keemaa baadee, ì be bundaa to, aduŋ ì be i fanaa samba la le.”

Yohana 13:27

Kabiriŋ a ye mbuuru kuntoo taa, Seetaanoo* dunta a sondomoo kono. Bituŋ Yeesu ko a ye ko, “I be taa meŋ ke la, a ke katabake.”

Yohana 13:2

Bituŋ Yeesu niŋ a la saayiboolu be siimaŋo la. Ibiliisa ye Yeesu jamfaa kuwo ke Yudas, Simoni Isikariyoti dinkewo sondomoo kono le fokabaŋ.

Yankuba 4:7

Wo kamma la, ali soŋ Alla ma. Ali ye balaŋ Ibiliisa ma, aduŋ a be bori la ali ma le.

Kawandilaa 5:4

Niŋ i ye laahidoo taa Alla ye, kana tonkutonku a timmandoo la. Alla buka kontaani toolewo la kuu la. I laahidita meŋ na, a timmandi.

Yuuba 22:13

Fo wo le ye a tinna baŋ i kumata ko, “Alla ye muŋ ne loŋ? A si kiitindiroo noo ñaadii le minaayi dibiŋolu kono,

Kiilaalu 5:4

Fo wo sotofeŋo maŋ ke ite le taa ti, janniŋ i be a waafi la baŋ? Aduŋ hani i la a waafoo koolaa, fo a maŋ tara i la kaŋo le koto baŋ? A si ke noo ñaadii le, i ye ñiŋ kuu siifaa miira i sondomoo kono? I maŋ faniyaa fo moolu ye, bari Alla.”

Kiilaalu 5:2

bari a niŋ a la musoo kambenta ì ye kodoo doo maabo ì faŋ bulu. Bituŋ a ye kara doo naati ka a dii kiilaalu* la.

Luka 22:3

Wo to le Seetaanoo* dunta Yudas sondomoo kono. Ñiŋ Yudas, ì ka meŋ kumandi Isikariyoti la, a fanaa be saayibe taŋ niŋ fuloo le kono.

5 Musa 23:21

Niŋ ali ye laahidoo taa Yaawe ye ali la Alla, ali maŋ ñaŋ na wo laahidoo baayi la. Yaawe be ali muta la wo kaŋo kaŋ ne, a ye ke ali ye junuboo ti.

4 Musa 30:2

Niŋ kee meŋ ye laahidoo taa Yaawe ye, waraŋ a kalita, a ye tawoo taa ka fata feŋ ma, a maŋ ñaŋ na a fokumoo baayi la. A ñanta a ke la le ko a faŋo neŋo ye a fo ñaameŋ.

Matiyu 13:19

Niŋ moo meŋ ye mansabaayaa kumoo moyi, aduŋ a maŋ a fahaamu, Seetaanoo* si naa a buusi a la, meŋ fiita a sondomoo kono. Ñiŋ ne mu kesoo ti, meŋ jolonta moolu la tambidulaa to.

Hoseya 11:12

Yaawe ko: “Efurayimu niŋ faniyaa le ye m muru, Banisirayila moolu ye m muru nakaroo la. Yahuuda ka balaŋ m ma, a la Alla Senuŋo, meŋ foroyaata.

Kuma Kotoomaalu 20:25

Moo maŋ ñaŋ na ñaamootoo tawoo taa la Yaawe ye, a taariŋ koolaa, a ye naa nimisa.