Kiilaalu 26:18 - Mandinka Bible

¹⁸ I si ì ñaalu yelendi fo ì si bo diboo kono ka naa maloo kono, ka bo Seetaanoo* la maraloo kono ka naa Alla kaŋ. Wo to le ì be junube yamfoo soto la, aniŋ niyo moolu kono, mennu naata seneyaa kaatu ì laata nte la.’

Kiilaalu 26:18 Referans Kwoze

1 Pita 2:9

Bari alitolu mu moo tombondiŋolu le ti, aniŋ Mansa la moolu, piriisiyaa be mennu bulu. Ali mu nasiyoŋ jankuriŋo le ti, Alla fansuŋ moolu. Ali mu ñinnu bee le ti, fo ali si a la kebaaroolu la waroo bankee, meŋ ye ali kumandi ka bo diboo kono, ka naa a la mala kaawakuuyaariŋo kono.

Efesusinkoolu 1:18

Allamaa ali sondomeñaalu ye maloo soto, fo ali si jikoo loŋ, a ye ali kumandi meŋ kaŋ, aniŋ ali si a la keetaafeŋ kallankeeyaariŋo la waroo loŋ, a ye meŋ soto moo senuŋolu ye.

Efesusinkoolu 5:8

Ali mu diboo le ti nuŋ, bari saayiŋ ali mu maloo le ti Maariyo kono. Wo kamma la, ali baluu ko moolu mennu mu maloo taa ti.

Kiilaalu 20:32

“Aduŋ saayiŋ ŋa ali karafa Alla le ma, a niŋ a la hiinoo kumoo. Wo kumoo ye semboo soto le ka ali bambandi, aniŋ ka keetaa dii ali la wo doolu bee kono, mennu seneyandita.

2 Korintinkoolu 4:6

Alla meŋ ko nuŋ ko, “Maloo ye mala diboo kono,” ate faŋo le ye a la maloo dii ǹ sondomoo kono fo ǹ si a la kallankeeyaa fahaamu. Ñiŋ mu Alla la kallankeeyaa le ti, meŋ ka mala Kiristu ñaadaa to.

Yesaya 42:7

I be ñaa finkiriŋolu yelendi la le, i ye mutamoolu bondi bunjawoo kono, ka moolu fintindi mennu be bunjawoo dulaa dibiriŋ baa kono.

Yohana 8:12

Yeesu diyaamuta moolu ye kotenke ko, “Nte le mu duniyaa la maloo ti. Moo meŋ ye nte nooma, wo maarii te taama la diboo kono, bari a be maloo le soto la meŋ ka baluwo dii.”

Luka 1:79

A be mala la moolu kaŋ ne, mennu be siiriŋ diboo niŋ saayaa niiniyo koto. A be ǹ siŋolu taamandi la kayira siloo le kaŋ.”

Efesusinkoolu 4:18

Ì sondomeñaalu be dibiriŋ ne, ì la lombaliyaa kamma la ì fatata baluwo la Alla ye meŋ dii, kaatu ì sondomoo jaata le.

Yesaya 35:5

Wo to le finkintewolu ñaalu be yele la, tulu sukiriŋolu ye moyiroo ke.

2 Korintinkoolu 6:14

Ali niŋ moo kana kuu kafu ñoo la, meŋ maŋ ke Yeesu noomalankoo ti. Tiliŋo ye muŋ haaji le soto tilimbaliyaa bala? Waraŋ maloo niŋ diboo, ì denta muŋ ne la?

2 Korintinkoolu 4:4

Ñiŋ duniyaa maralilaa ye itolu lannabaloolu sondomeñaalu suki le fo ì kana maloo je noo, meŋ naata ka bo niŋ kibaari betoo la Kiristu* la kallankeeyaa* to, ate meŋ mu Alla muluŋo ti.

1 Yohana 3:8

Moo meŋ ka junuboo ke, wo bota Ibiliisa le bala, kaatu Ibiliisa ye junuboo ke le kabiriŋ foloodulaa to. Alla Dinkewo* naata ñiŋ daliiloo le kamma, fo a si Ibiliisa la dookuwo tiñaa.

Kiilaalu 2:38

Bituŋ Pita ko ì ye ko, “Ali tuubi, ali ye ali koo dii ali la junuboolu la. Ali kiliŋ-kiliŋ naa si batisee* niŋ Yeesu Kiristu* too la, fo ali si junube yamfoo soto. Wo to le ali be Noora Kuliŋo la sooroo soto la.

1 Yohana 5:19

Ŋà a loŋ ne ko, m̀ bota Alla le yaa, aduŋ ñiŋ duniyaa be Seetaani le la maraloo koto.

1 Yohana 1:9

Niŋ ǹ ka tuubiseyi ǹ na junuboolu la, Alla foroyaata le, aduŋ a tilinta. A be yamfa la ǹ na junuboolu la le, aduŋ a be ǹ seneyandi la le ka bo ǹ na tilimbaliyaa bee kono.

Kiilaalu 20:21

Ŋa dandalaaroo ke koyirinke Yahuudoolu niŋ Jirisinkoolu la le ko, ì ye tuubi ka bula Alla nooma, aniŋ ì ye laa ǹ na Maarii Yeesu Kiristu* la.

Luka 24:47

Tuuboo ka ì koo dii ì la junuboolu la, a niŋ junube yamfoo le be kawandi la a too la nasiyoŋolu bee ye, aduŋ a be dati la Yerusalaamu le.

Lankenemoo 21:27

Bari feŋ ne te duŋ na a kono, meŋ maŋ seneyaa, sako moo si duŋ a kono, meŋ ye kuu jawoolu ke, Alla ye mennu koŋ, waraŋ meŋ ka baara faniyaa kuwolu la. Moolu doroŋ ne be duŋ na wo saatewo kono, mennu toolu safeeta Saajiiriŋo la baluwo kitaaboo kono.

1 Pita 2:25

Kaatu ali bee ye ali fansuŋ siloo taa le nuŋ ko saajii filiriŋolu, bari saayiŋ, ali muruta Kantarilaa kaŋ ne, ali niyolu tankandilaa.

Hiburunkoolu 11:6

Alla te kontaanindi noo la lannoo kooma, kaatu moo-wo-moo meŋ lafita ka sutiyaa Alla la, wo maarii ñanta laa la le ko, Alla be sotoriŋ ne, aduŋ a ka moolu joo le, mennu ka a ñini baturoo kono.

Kiilaalu 13:47

Maariyo ye ǹ yaamari le ko: ‘M be i ke la bantala bankoolu* fanaa ye maloo le ti, i ye n na kiisoo samba duniyaa tonkoŋ naanoo bee to.’ ”

Kiilaalu 15:9

A maŋ fataŋ-fansoo ke ntolu niŋ itolu teema, bari a ye ì sondomoolu seneyandi le ka bo niŋ lannoo la.

Kiilaalu 5:31

Alla le ye a wulindi santo ka a sindi a bulubaa karoo la ka a ke Maralilaa niŋ Kiisandirilaa ti, fo a si tuuboo niŋ junube yamfoo dii Banisirayilankoolu la.

Yohana 9:5

M be duniyaa kono waatoo meŋ na, nte le mu duniyaa la maloo ti.”

Yohana 3:19

Aduŋ ñiŋ ne mu kiitiyo ti ko, maloo naata duniyaa kono le, bari moolu ye diboo le kanu ka tambi maloo la, kaatu ì la kebaaroolu jawuyaata le.

Yesaya 29:18

Wo luŋo la tulu sukiriŋolu si moo moyi, a be kitaaboo karaŋ na, aduŋ finkintewolu be i je la le, ì te tara la fiŋo niŋ diboo kono.

1 Yohana 2:12

Dindiŋolu, m be ñiŋ safee kaŋ ali ye le, kaatu ali la junuboolu yamfata Yeesu too kamma la le.

1 Pita 1:4

Ǹ naata keetaa fanaa soto le, meŋ te kasaara la, sako ka kosondi, waraŋ ka yeemaŋ. A be maaboriŋ alitolu le ye Arijana kono.

Yohana 17:17

Ŋa ì daani, ì seneyandi ka bo niŋ tooñaa la. Ite la kumoo le mu tooñaa ti.

Luka 1:77

I be kiisoo siloo yitandi la a la moolu la le, kaatu ì la junuboolu be yamfa la le.

Yuuda 1:1

Nte Yuuda, meŋ mu Yeesu Kiristu* la dookuulaa ti, Yankuba dookewo, m be ali kontoŋ na, alitolu mennu bee kumandita ka sabati Alla, m̀ Faamaa la kanoo kono, meŋ ye ali kanda Yeesu Kiristu ye.

Yankuba 2:5

M baadiŋ kanuntewolu, ali i lamoyi! Fo Alla le maŋ moolu tomboŋ baŋ, mennu fuwaareyaata ñiŋ duniyaa kono, fo ì si fanka lannoo kono, aniŋ ì ye wo mansabaayaa keetaa, a ye meŋ laahidi moolu ye, mennu ye a kanu?

Hiburunkoolu 10:14

Ka bo niŋ wo sadaa kiliŋo le la, a ye badaa-badaa timmandiroo dii moolu la, mennu seneyandita.

Kalatiyankoolu 3:14

Ñiŋ keta le fo neemoo, Alla ye meŋ laahidi Iburayima ye, a si naa ka bo niŋ Kiristu Yeesu la, moolu ye mennu maŋ ke Yahuudoolu ti, aniŋ fo ǹ si Nooroo soto noo, a ye meŋ laahidi, ka bo niŋ lannoo la.

Luka 24:45

Bituŋ a ye ì sondomoolu yele ka Alla la kumoo fahaamu,

Yesaya 43:8

Tambi moolu ñaato, mennu ñaa be malariŋ, bari i finkita le, aniŋ mennu ye tuloo soto, bari ì buka moyiroo ke.

Yesaya 42:16

M be tara la finkintewolu le ñaato siloo kaŋ, ì maŋ dali daameŋ na, m be ì kanta la jee le. M be diboo yelemandi la ì ñaatiliŋo la maloo le ti, ŋa sila tembebaloolu tembendi ì ye. M be n na laahidoolu timmandi la le, n te ì baayi la muumeeke.

Yesaya 9:2

Moolu mennu taamata diboo kono, ì ye mala baa je le. Mennu tarata dibi fiŋ diboo kono, maloo malata ì kaŋ ne.

Jabuuroolu 119:18

N ñaalu yelendi, fo n si kaawakuu tooñaalu je i la karandiroo kono.

2 Timoti 2:26

aduŋ ì si kana noo Ibiliisa ma, meŋ ka ì tu mutoo kono a la kutindiŋo la fo ì si ate la lafoo ke.

Efesusinkoolu 2:8

Ali kiisata ka bo niŋ hiinoo le la, biriŋ ali ye lannoo soto. Ali la kata kuwolu maŋ a sii ali la, Alla la sooroo le mu.

Efesusinkoolu 1:11

Ka bo niŋ ate Kiristu le la, ǹ naata ǹ niyo fanaa soto keetaa to. Ñiŋ keta a faŋo la natoo le kaŋ, a ye meŋ feere biriŋ, meŋ ka kuwolu bee timmandi ko a la lafoo be ñaameŋ.

1 Korintinkoolu 1:30

Ali ye baluwo meŋ soto Kiristu Yeesu kono, a bee bota Alla le bulu. Alla ye ate le dii ǹ na fo a si ke ñaameŋo ti ǹ ye, tiliŋo, seneyaa, aniŋ kiisoo.

Luka 4:18

“Maariyo la Nooroo be n kaŋ ne, kaatu ate le ye n tomboŋ ka kibaari betoo kawandi fuwaaroolu ye. Ate le ye n kii ka firiŋo kankulaa mutamoolu ye, ka jeroo kankulaa finkintewolu ye, ka moolu bondi mantooroo kono,

Luka 2:32

Ate le mu maloo ti ka siloo yitandi bantala bankoolu* moolu la. Ate le ye buuñaa naati Banisirayilankoolu ye, i la moolu.”

Matiyu 4:16

Moolu mennu be siiriŋ diboo kono, ì naata mala baa je. Maloo malata moolu kaŋ ne, mennu be siiriŋ banku dibiriŋo kaŋ, saayaa niiniyo koto.”

Malaki 4:2

Bari alitolu mennu ye n too kuliyaa, wo luŋo la tiliŋo be bo la ali ye le ko tiloo, a maloo ye ali jaara. Ali si sawuŋ-sawuŋ kontaanoo kamma la ko niŋ i ye ninsiriŋo bula, a be taa daañinoo la.

Yesaya 49:6

Saayiŋ, Yaawe ko n ye le ko, “I mu n na dookuulaa le ti, i be kuu le ke la, meŋ tambita ka Yaakuba lasiloolu seyindi ì ñaama, ka Banisirayila moo toomaalu murundi naŋ. M be i ke la bantala bankoolu* fanaa ye maloo le ti, i ye n na kiisoo samba duniyaa tonkoŋ naanoo bee to.”

Jabuuroolu 146:8

Yaawe le ka finkintewolu ñaalu yelendi. Ate le ka moolu wulindi mennu jiranta. Ate le ka moo tilindiŋolu kanu.

Hiburunkoolu 10:10

Ka bo niŋ Alla la ñiŋ lafoo le la, ntolu naata seneyaa, kaatu Yeesu Kiristu ye a baloo dii sadaa ti moolu bee ye le, siiñaa kiliŋ.

Hiburunkoolu 9:15

Kiristu keta kambeŋ kutoo kanjurilaa le ti moolu ye, mennu kumandita ka badaa-badaa keetaa soto, fo ì si ñiŋ baluwo soto, meŋ laahidita nuŋ. A la saayaa keta kumakaaraŋo le ti moolu ye, mennu ye junuboo ke kambeŋ foloo koto.

Efesusinkoolu 5:14

aduŋ feŋ-wo-feŋ meŋ jeta maloo kono, wo fanaa keta maloo le ti. Wo kamma la, a fota le ko: “Ite siinoolaa, kuniŋ i ye wuli saayaa kono, aduŋ Kiristu be a la maloo mala la i kaŋ ne.”

Efesusinkoolu 1:14

wo mu sankayaaraŋo le ti fo waatoo meŋ, m̀ be ǹ na keetaa soto la, meŋ mu kiisoo ti Alla la moolu ye, fo a la semboo niŋ waroo si jayi.

Efesusinkoolu 1:7

Ko bo niŋ Kiristu yeloo le la, ǹ kumakaata. Ŋà junube kafaroo niŋ yamfoo soto, Alla la hiinoo la waroo kaŋ.

Kalatiyankoolu 3:2

M batu, ŋa ali ñininkaa kuu kiliŋ na: Fo ali ye Noora Kuliŋo soto niŋ Luwaa yaamarimutoo le la baŋ, waraŋ fo ali ye a soto le, kaatu ali laata kumoo le la, ali ye meŋ moyi?

Kalatiyankoolu 2:20

Wo to n niŋ Kiristu pempenta yiribantambiloo bala le. A maŋ ke ko, nte faŋo le be baluuriŋ, bari Kiristu le be baluuriŋ n kono. M be baluwo meŋ to saayiŋ, wo baluwo be looriŋ lannoo le kaŋ ŋa meŋ soto Alla Dinkewo* la, meŋ ye n kanu, aniŋ a ye a niyo laa n ye.

1 Korintinkoolu 1:2

be Alla la kafoo moolu kontoŋ na, mennu be Korinti saatewo kono. M̀ be ali kontoŋ na, Alla ye mennu seneyandi ka bo niŋ Kiristu Yeesu la, a ye ali kumandi ka ke moo senuŋolu ti fo a si ali kafu moolu ma, mennu ka m̀ Maarii Yeesu Kiristu too kumandi daa-wo-daa baturoo kono ko ǹ ka a kumandi ñaameŋ.

Roomankoolu 8:17

Niŋ m̀ mu a diŋolu ti, wo to m̀ mu a keetaalaalu fanaa le ti. M̀ mu Alla keetaalaalu le ti, aniŋ Kiristu keetaañoolu: Niŋ a ye a tara, ǹ toorata a fee, m̀ be tara la a fee le fanaa kallankeeyaa* kono.

Kiilaalu 26:23

Wo le mu ñiŋ ti ko, Alimasiihu* ñanta toora la le, aduŋ ate le be ke la foloo ti ka wuli saayaa kono. Wo kamma la, a be maloo la kuwo kankulaa la Yahuudoolu ye le, aniŋ moo koteŋolu.”

Kiilaalu 10:43

Annabiyomoolu bee ye seedeyaa ke ate le la kuwo to ko, moo-wo-moo meŋ laata a la, a be junube yamfoo soto la le ka bo niŋ a too la.”

Kiilaalu 3:19

Wo kamma la, ali tuubi, ali ye muru Alla kaŋ, fo ali la junuboolu si tuutuu,

Yohana 9:39

Wo to le Yeesu ko, “Nte naata ñiŋ duniyaa kono kiitiyo le la, fo moolu mennu maŋ jeroo ke, ì si jeroo ke, aduŋ moolu mennu ye jeroo ke, ì si finki.”

Yohana 4:14

Bari moo meŋ ye i miŋ jiyo la, m be meŋ dii la a la, mindoo nene te wo maarii muta la kotenke. Jiyo, m be meŋ dii la a la, wo be ke la woyoo le ti a kono, meŋ ka woyi ka badaa-badaa baluwo dii.”

Yohana 4:10

Wo to le Yeesu ye a jaabi ko, “Niŋ i ye Alla la sooroo loŋ, aniŋ meŋ ka a fo i ye ko, ‘N so jiyo la, ŋa m miŋ,’ tennuŋ i be a daani la le, aduŋ a be jiyo dii la i la le, meŋ ka baluwo dii.”

Yesaya 32:3

Wo to, moolu mennu ñaalu ye jeroo ke, ñaalu te biti la kotenke, aduŋ moolu mennu tuloolu ka moyiroo ke, si i lamoyi.

Matiyu 4:10

Bituŋ Yeesu ko a ye ko, “Taa jana, Seetaanoo*! A be safeeriŋ ne ko: ‘Ali si sujudi Maariyo ali la Alla ye, aniŋ ali si ate doroŋ batu.’ ”

Kiilaalu 26:19

“Wo kamma la, Mansa Akiripa, m maŋ balaŋ jeroo la, meŋ naata n kaŋ ka bo Arijana.

Efesusinkoolu 5:11

Ali kana ali daa bula diboo la baara nafantaŋolu kono, bari ali si wolu waañaari.

Efesusinkoolu 6:12

Kaatu m̀ maŋ tara hadamadiŋolu kele kaŋ, bari kantiyolu, sembetiyolu aniŋ maralilaalu, mennu be marariŋ ñiŋ duniyaa diboo ma. Ǹ jawoolu mu seetaani jawoolu le ti, mennu be dinkiraalu to saŋ fatoolu kono taariŋ.