Kiilaalu 24:25 - Mandinka Bible

²⁵ Bari kabiriŋ Pawulu diyaamuta tiliŋo niŋ faŋ mutoo la kuwo to, aniŋ kiitiyo meŋ be naa la, silaŋo naata duŋ Felis la, aduŋ a ye a jaabi ko, “Taa saayiŋ. Niŋ ŋa a ñaa soto, m be i kumandi la le kotenke.”

Kiilaalu 24:25 Referans Kwoze

Yohana 16:8

Aduŋ niŋ a naata, a be duniyaa la boyidaa yitandi la le, meŋ be dendiŋ junuboo, tiliŋo niŋ kiitiyo la kuwolu to.

1 Pita 3:15

bari ali Kiristu* horoma ali sondomoolu kono ko Maariyo. Ali si tu pareeriŋ waati-wo-waati ka jaabiroo dii moo-wo-moo la, meŋ ye ali ñininkaa jikoo la kuwo la, ali ye meŋ soto ali sondomoo kono.

2 Pita 1:6

Ali faŋ mutoo kafu londoo ma, ali ye wakiiloo kafu faŋ mutoo ma. Ali Alla mutoo kafu wakiiloo ma,

Kalatiyankoolu 5:23

sooneeyaa aniŋ faŋ mutoo. Luwaa te keriŋ, meŋ balanta ñiŋ kuwolu la.

Kiilaalu 10:42

A ye ǹ yaamari le ka moolu kawandi, aniŋ ka seedeyaa dii ko, ate le mu wo kiliŋo ti, Alla ye meŋ tomboŋ ka a ke kendoolu niŋ furewolu kiitindilaa ti.

1 Yohana 3:7

N na dindiŋolu, moo-wo-moo kana ali neenee. Moo meŋ ka kuu tilindiŋo ke, wo tilinta le, ko Kiristu tilinta ñaameŋ.

Yankuba 2:19

I laata le ko, Alla mu kiliŋ ne ti. I nimbaara! Hani seetaani jawoolu fanaa laata wo la le, aduŋ ì ka sila le fo ì ka jarajara.

Hiburunkoolu 9:27

Tooñaa le mu, moo-wo-moo ñanta faa la siiñaa kiliŋ ne, wo koolaa kiitiyo si naa.

Hiburunkoolu 4:1

Saayiŋ, Alla ye laahidoo meŋ dii ko, m̀ be duŋ na a la dahaa kono le, wo ka tu bambandiŋ ne. Wo to, ali ŋà ǹ hakiloo tu kendeke fo moo-wo-moo ali kono kana foo wo dahaa la.

Hiburunkoolu 3:13

Wo noo to, ali si ñoo wakiilindi luŋ-wo-luŋ, fo junuboo la neeneeroo kana siloo soto ka moo-wo-moo sondomoo jandi. Ali kana i dahaa wo la bii, waraŋ siniŋ saama, baawo luŋolu bee be kumandi la bii luŋo le la.

Kalatiyankoolu 3:22

Bari Kitaabu Senuŋo ye ñiŋ bankee le ko, duniyaa bee be junuboo semboo le koto, fo kiisoo meŋ laahidita si naa moolu ye, mennu laata Yeesu Kiristu la.

2 Korintinkoolu 5:10

Kaatu m̀ bee be loo la Kiristu* la kiitiisiiraŋo ñaatiliŋo la le, fo moo-wo-moo si a la joo soto a balajaatoo la baara kuwolu to, fo a betemaa, waraŋ a jawumaa.

1 Yohana 3:10

Ka Ibiliisa diŋolu niŋ Alla diŋolu bondi ñoo to, ŋa wo loŋ ka bo niŋ ñiŋ ne la ko, moo meŋ buka kuu tilindiŋo ke, aniŋ a maŋ a baadiŋo* kanu, wo maarii maŋ ke Alla diŋo ti.

2 Timoti 4:1

M be i yaamari la bambandinke Alla niŋ Kiristu* Yeesu ñaatiliŋo la, meŋ be kendoolu niŋ furewolu kiitindi la, niŋ a fintita naŋ, a niŋ a la mansabaayaa:

2 Korintinkoolu 6:2

kaatu Alla ye ñiŋ ne fo ko: “Biriŋ n na hiinoo waatoo siita, ŋa i danku le. Biriŋ kiisoo luŋo siita, ŋa i maakoyi le.” Ali a juubee, saayiŋ ne mu hiinoo waatoo ti, aduŋ saayiŋ ne mu kiisoo luŋo ti!

1 Korintinkoolu 4:5

Wo to, ali kana kiitiyo laa moo-wo-moo kaŋ, janniŋ waatoo be sii la. Ali Maariyo la naa batu, aduŋ a be feŋolu fintindi la maloo kono le, mennu be maaboriŋ diboo kono. Ate le be miiroolu waañaari la, mennu be hadamadiŋolu sondomoolu kono. Bituŋ moo-wo-moo be jayiroo soto la Alla bulu le, a ñanta meŋ soto la.

Kiilaalu 24:15

Aduŋ n jikita Alla la le ko ñiŋ kewolu faŋolu sonta a la ñaameŋ ko, saayaakoolaa wulindiroo be soto la moo tilindiŋolu niŋ moo tilimbaloolu bee ye le.

Kiilaalu 17:32

Kabiriŋ ì ye saayaakoolaa wulindiroo la kuwo moyi, doolu ye a ñaawali. Bari doolu ko, “M̀ be i lamoyi la le kotenke ñiŋ kuwo to.”

Kiilaalu 17:2

Pawulu dunta jee to ko a dalita ka a ke ñaameŋ. A niŋ Yahuudoolu tarata kacaa la Alla la kumoo la fo lookuŋ saba.

Kiilaalu 2:37

Kabiriŋ moolu ye ñiŋ moyi, ì niyo toorata baake. Bituŋ ì ko Pita niŋ kiilaa* doolu ye ko, “M̀ baadiŋolu, ǹ ñanta muŋ ne ke la saayiŋ?”

Hiburunkoolu 6:2

Aduŋ m̀ maŋ suula ka wo yaamaroolu seyinkaŋ, mennu be dendiŋ batiseeroolu* la, bulu laa baadiŋolu* kaŋ duwaa kono, saayaakoolaa wulindiroo, aniŋ badaa-badaa kiitiyo la kuwo.

Hakayi 1:2

Yaawe Alihawaa Maariyo* ye ñiŋ ne fo ko, “Ñiŋ moolu ka ñiŋ ne fo ko, waatoo maŋ sii foloo, Yaawe Batudulaa Buŋo* ñanta ka seyinkaŋ loo meŋ na.”

Habakuki 3:16

Kabiriŋ ŋa ñiŋ moyi, n kija le bota. N daaturoolu ka fadi ñoo la, maakaŋo ñiŋ kamma la. M baloo bee le lamfuta, n siŋolu faata n koto. Bari hani wo, m be muñariŋ ne ka luŋo batu, luŋo meŋ, maasiiboo be boyi la moolu kaŋ, mennu ñapita ǹ kaŋ.

Amosi 6:12

Fo suwoo ka bori noo bere kutukatoolu kaŋ ne baŋ? Fo moo niŋ ninsi senelaalu si senoo ke noo jee baŋ? Ali ye tooñaa yelemandi faniyaa baa ti, ali ye tiliŋo la kuwo kuniyandi tak.

Amosi 5:24

Janniŋ ali be wo ke la, ali tooñaa feenendi ko baajiyo, ali ye tiliŋo londi ko boloŋo meŋ jiyo te jaa la.

Hoseya 10:12

Ali ali la bankulaa sene, ali ye tiliŋo fii jee, kanu bambaloo be faliŋ na ali ye le. Waatoo siita le ka nte Yaawe ñini, fo n si naa ka tiliŋo jindi ali kaŋ ko sanjoo.

Hoseya 10:4

Mansoolu ka kuma kenseŋo doroŋ ne fo, ì ka i kali laahidoo kaŋ kensenke, ì niŋ banku koteŋolu ka kambeŋolu siti. Tilimbaliyaa ka wuli kiitiidulaa to, ko ñaamoo ka wuli kunkoo kono ñaameŋ.

Hoseya 7:5

Ì la mansa la juurali luŋo la, wayinoo* ye maralilaalu siira. Mansa niŋ ñaawalilaalu keta kiliŋ ti.

Daniyeli 12:2

Moo jamaa, mennu faata nuŋ, ì ye ì baadee, be wuli la le, ì ye baluu kotenke. Doolu be badaa-badaa baluwo le soto la, aduŋ doolu be tara la maloo niŋ halakoo le kono fo abadaa.

Daniyeli 4:27

Wo to Mansa, yaamaroo muta, m be meŋ dii la i la. Fata junube kewo ma, i kali taama tiliŋo la. “I la tilimbaliyaa bula, i ye balafaa moolu ye, mennu be mantooroo kono. A si ke noo i la firiŋo ye tenteŋ.”

Esekiyeli 45:9

Maarii Yaawe ye ñiŋ ne fo ko: “Alitolu Banisirayila mansoolu, ali kana n na moolu nakari. Kaatu ali la tilimbaliyaa niŋ fitinoo landatambita le. Ali i foño n na moolu toorandoo la, ali ye a dati ka tiliŋo niŋ tooñaa taamandi. Ali i foño ka n na moolu bondi ì la suwolu kono.” Maarii Yaawe le ye a fo.

Yeremiya 23:29

“Nte la kumoo ka munta le ko dimbaa, aduŋ a ka munta le fanaa ko maritoo, meŋ ka bere baa busa ka a janjaŋ.” Yaawe le ye a fo.

Yesaya 61:8

Yaawe ko: “Nte ye kiitii tilindiŋo le kanu, ŋa suuñaaroo niŋ junube kuwo koŋ ne. M be n na moolu joo la niŋ tiliŋo siloo le la, n niŋ ì ye badaa-badaa kambeŋo siti.

Yesaya 55:6

Ali Yaawe ñini, janniŋ a ñiniŋ waatoo be ali daŋ na, ali a kumandi, a be sutiyaariŋ ali la tuma meŋ.

Yesaya 41:21

Yaawe, Yaakuba la Mansa ko bantala bankoolu* ye ko, “Ali si ali la kuwolu laa n ñaa koto, ali ye ali la daliiloolu naati.

Yesaya 32:11

Alitolu musu dahaariŋolu, ali jarajara, ali maamaŋ alitolu dimmusoolu mennu be siikuuriŋ. Ali ali la duŋ feŋolu wura, ali ye booto funtoo siti ali tewo la faanoo ti, ka ali la niikuyaa yitandi.

Yesaya 16:5

Wo to, mansasiiraŋo be loo la kanu bambaloo le kaŋ, moo ye sii a kaŋ ka tooñaa taamandi. A be ke la Dawuda koomalankoo le ti, maralilaa meŋ ka kiitiyo kuntu a ñaama, aniŋ ka tariyaa ka tiliŋo kuwo sabatindi.

Yesaya 1:21

A juubee, saatewo meŋ be tilindiŋ nuŋ, naata ke ko cakoo. A nene keta saatewo le ti, meŋ ka a je ko luwaa ka taama a ñaama. Tiliŋo tarata faariŋ a kono le nuŋ, bari saayiŋ moofaalaalu le be sabatiriŋ jee.

Hiburunkoolu 12:21

Tooñaa, wo jewo keta silaŋ kuu baa le ti, fo Musa naata a fo a kuwo to ko, “Nte silata baake le, fo n ka jarajara.”

Roomankoolu 14:12

Wo to, ntolu meŋ-wo-meŋ ne be m̀ faŋolu kontibo la Alla ñaatiliŋo la.

Roomankoolu 12:1

Wo to baadiŋolu*, Alla la balafaa kamma la, ŋa ali yaamari, fo ali si ali baloolu dii Alla la ko sadaa* baluuriŋolu, mennu seneyaata, aniŋ mennu ka Alla seewondi. Ñiŋ ne mu baturi tooñaa ti.

Roomankoolu 2:16

Ñiŋ be lankenema la kiitiiluŋo le la, Alla be moolu la kulloo kuwolu kiitindi la ka bo niŋ Kiristu* Yeesu la, ko kibaari betoo ye a yitandi ñaameŋ nte ka meŋ kawandi.

Kiilaalu 26:28

Wo to le Mansa Akiripa ko Pawulu ye ko, “Fo i ye a miira le, i be nte sondi noo la tariyaake wo le ñaama ka n ke Kiristu* noomalankoo ti?”

Kiilaalu 17:13

Biriŋ Yahuudoolu mennu be Tesalonika ye a kalamuta ko, Pawulu be Alla la kumoo kawandi kaŋ Bereya fanaa le, ì kono doolu taata jee. Ì ye moolu sukusuku fo wolu wulita Pawulu niŋ Silas kamma.

Kiilaalu 9:6

Wuli saayiŋ, i ye duŋ saatewo kono. A be fo la i ye jee le, i ñanta meŋ ke la.”

Matiyu 22:5

“Bari ì maŋ a danku, ì taata ì la haajoolu la. Doolu taata ì la kunkoolu to, doolu taata ì la fiiridulaalu to.

Daniyeli 5:30

Wo suutoo faŋo le mu, ì ye Babiloni mansakewo Belisasa faa.

Yeremiya 22:3

Nte Yaawe ye ñiŋ ne fo ko: Ali tooñaa niŋ tiliŋo taamandi. Ali moo-wo-moo bondi a toorandilaa bulu, ì ye meŋ nakari. Ali kana tumarankewolu toora waraŋ ka ì fitina, ka taa aliyatiimoolu, aniŋ furuyaamusoolu. Ali kana moolu yeloo boŋ ñiŋ bankoo kaŋ, mennu maŋ kuu ke.

Yesaya 66:2

A ko: “M faŋo buloo le ye ñiŋ feŋolu bee daa, ì naata soto. “Ŋa ñiŋ maarii le sikandi santo, moo meŋ ye a fammajii, a tuubita a la junuboolu la, aniŋ n na kumoolu ka silaŋo dundi meŋ na.

Yesaya 1:18

Yaawe ko, “Ali naa saayiŋ, ŋà kuwo fo ñoo kaŋ. Ali la junuboolu finta le ko kemboo, bari ì be koyi la le ko perekaanoo. Hani a ye a tara ì be findiŋ ne nir, ì be koyi la le ko kotondi buunaa.

Kawandilaa 12:14

Baara-wo-baara, Alla be a bee landi la, kiitii kenoo to le, hani mennu tarata nukuŋo to, a kende to baŋ, waraŋ a jawumaa to.

Kawandilaa 11:9

Ite keendiŋo, i faŋ seewondi, i la fondinkeeyaa waatoo la. I hakiloo kali i samba niiseewoo kuwo kaŋ, i la fondinkeeyaa tiloolu la. Bula i niidiyaa nooma, aniŋ i ñaabo feŋolu. Bari i si ñiŋ loŋ ko, Alla be i kontibo la kuwolu bee le la, i ye mennu ke.

Kawandilaa 5:8

Niŋ i ye a je tundoo kaŋ, ì be fentaŋolu toorandi kaŋ, tiliŋo niŋ tooñaa taata, kana jaakali a kuwo la. Kaatu kantiyolu le ka ñoo kuburu. Aduŋ ì la ñaatonka baalu le ka ì tanka.

Kuma Kotoomaalu 16:12

Mansoolu tanoo le ñanta ke la kuu jawu kewo ti, kaatu mansakundaa buka bambaŋ noo tiliŋo kooma.

Jabuuroolu 119:120

I ñaasilaŋo ye a tinna le m fatewo ka jarajara, i la kiitiiteyoolu le ye n sila. Ayin

Jabuuroolu 99:1

Yaawe* mu Mansa le ti, a la kuwo si duniyaa moolu jarajara. A be mansa siiriŋ kerubu malaayikoolu* teema, bankoo si jarajara.

Jabuuroolu 72:2

Allamaa a ye kiitiyo taamandi tiliŋo la i la moolu teema, aniŋ ka tooñaa taamandi fentaŋolu ye, i la moolu kono.

Jabuuroolu 45:7

I ye tiliŋo kanu le, i ye kuruŋyaa koŋ. Wo le ye a tinna i la Alla ye i toloo seewoo kono ka tambi i ñoŋolu la.

Jabuuroolu 11:7

Yaawe tilinta le, aduŋ a ye kuu tilindiŋo le kanu. Moo tilindiŋolu le be tara la ate fee.

Yuuba 29:14

Tooñaa dendikamaa le ka tara dundiŋ n na, aniŋ tiliŋo warambamaa niŋ a naafamaa.

Esira 10:9

Bituŋ Yahuuda niŋ Benjamini kewolu bee benta Yerusalaamu saatewo to, tili saba wucoo kono. A keta kari konontonjaŋo tili muwaŋo le la. Moolu bee siita luwo le to, Alla Batudulaa Buŋo ñaatiliŋo la. Ì tarata jarajara kaŋ ne, kuwo ñiŋ kamma la, aniŋ sanji baa meŋ fanaa be ke kaŋ.

Esira 10:3

Saayiŋ ǹ ñanta kambeŋo le siti la ǹ na Alla ñaatiliŋo la, ka ǹ na ñiŋ musoolu bee bula, ì niŋ ì diŋolu ye taa. M̀ be ñiŋ ke la ka bo niŋ ite, m maarii la kaŋo le kaŋ, aniŋ moolu la kaŋo kaŋ mennu silata ǹ na Alla la yaamaroolu la. Alla la Luwaa ye meŋ fo, m̀ be wo le ke la.

2 Mansoolu 22:19

Bayiri biriŋ i ye kumakaŋolu moyi meŋ fota ñiŋ dulaa ma, aniŋ a moolu ko, ì be ke la tumbuŋo le ti, aniŋ dulaa dankariŋo, a ye i sondomoo maa le, aduŋ i ye i fammajii nte Yaawe ñaa koto. I ye i la dendikoo faŋo fara niikuyaa kamma la, i kumboota. Wo kamma la ŋa n tuloo tu i la duwaa to le. Nte Yaawe le ye a fo.

1 Mansoolu 21:27

Kabiriŋ Ahabu ye ñiŋ kumoolu moyi, duŋ feŋolu mennu be dundiŋ a la, a ye ì fara, aduŋ a ye booto funtoolu duŋ ka suŋ. A niŋ booto funtoolu le ka i laa. A ka tara taa kaŋ a niikuyaatoo.

2 Samuweli 23:3

Banisirayilankoolu la Alla diyaamuta, Banisirayila semberaŋ bere baa ko n ye le ko, “Niŋ moo ye moolu mara tiliŋo kono, niŋ a ye maraloo ke Alla ñaasilaŋo kono,

1 Samuweli 12:7

Saayiŋ ali loo jaŋ, ŋa a koyindi ali la Yaawe ñaatiliŋo la, aniŋ ka ali hakiloo bulandi, Yaawe ye kuu kendoolu mennu ke ali niŋ ali la alifaa foloolu ye.

Kiilaalu 24:26

Wo waatoolu kono, a jikita fanaa ko, Pawulu be a duku la kodoo la le fo a si a bula. Wo kamma la, a ka tu a kumandi la le, ì ka kacaa.

Yeremiya 36:16

Kabiriŋ ì ye kumoolu bee moyi, ì ye ì ñaa tiliŋ ñoo la silaŋo kono. Ì ko Baruku ye ko, “Fo ǹ si ñiŋ kumoolu bee dantee mansa ye doroŋ.”

Titus 1:8

bari a ñanta ke la moo le ti, meŋ ka luntaŋolu jiyaa, aniŋ meŋ ye kuu betoolu kanu. A ñanta ke la hakilimaa le ti, meŋ tilinta, a seneyaata, aniŋ a ka a faŋ muta noo.