Kiilaalu 23:16 - Mandinka Bible

¹⁶ Bari Pawulu baarindiŋo ye ì la feere jawoo moyi le. A taata kelediŋolu la koridaa to, a naata siloo soto ka duŋ jee. Bituŋ a ye ñiŋ kuwo fo Pawulu ye.

Kiilaalu 23:16 Referans Kwoze

Kiilaalu 23:10

Bituŋ ñoosaboo naata wara baake fo kelediŋ kuntii baa silata ko, ì be Pawulu fara la ñoo teema le. Wo to le a ye kelediŋolu yaamari ka Pawulu diyaakuyaa bondi ì kono ka a samba kelediŋolu la koridaa to.

1 Korintinkoolu 3:19

Kaatu ñiŋ duniyaa la ñaameŋo mu tooleeyaa le ti Alla ñaa koto ko a be safeeriŋ ñaameŋ: “Ate le ka moo ñaamendiŋo muta ì faŋolu la ñaameŋ kuwolu kono.”

Kiilaalu 23:32

Wo saamoo, kelediŋolu mennu niŋ suwoolu mu, ì tententa ka Pawulu dandaŋ. Kelediŋolu mennu taata siŋo la, wolu muruta ì la kelediŋ koridaa to.

Kiilaalu 21:34

Bari kafoo moo doolu be wuuri kaŋ kuu kiliŋ ne la, doolu be wuuri kaŋ kuu doo la, fo kelediŋ kuntii baa maŋ tooñaa loŋ noo wuuroo kamma la. Bituŋ a ye yaamaroo dii ko, ì si Pawulu samba kelediŋolu la koridaa to.

Niikuyaa Suukuwolu 3:37

Niŋ a maŋ ke Maariyo la keroo ti, jumaa le si kumakaŋo dii, a ye ke?

Kuma Kotoomaalu 21:30

Ñaameŋ te jee, fahaamuru te jee, aduŋ feere te jee meŋ si taamandi noo Yaawe kaŋ.

Yuuba 5:13

Ate le ka moo ñaamendiŋo muta ì faŋolu la ñaameŋ kuwolu kono. A ye neeneerilaalu la neeneeri yaamaroolu daŋ.

2 Samuweli 17:17

Yonatani niŋ Ahimaasi be sabatiriŋ Eni-Rokeli le, meŋ be Yerusalaamu daala, kaatu ì maŋ lafi, ì ye ì je, ì ka duŋ jee. Dookuulaa sunkutoo le ñanta taa la kibaaroo futandi la ì ma, aduŋ itolu le ñanta taa la a fo la Mansa Dawuda ye.

Kiilaalu 21:37

Janniŋ ì be Pawulu dundi la kelediŋolu la koridaa kono, a ko kelediŋ kuntii baa ye ko, “Fo n si feŋ fo noo i ye baŋ?” Bituŋ kelediŋ kuntii baa ko a ye ko, “I ye Jirisi kaŋo moyi le baŋ?

Kiilaalu 23:17

Wo to le Pawulu ye kelediŋ kuntiyo doo kumandi, a ko a ye ko, “Ñiŋ fondinkewo samba kelediŋ kuntii baa yaa. A ye feŋ ne soto ka a fo a ye.”

Kiilaalu 24:23

Bituŋ a ye kelediŋ kuntiyo yaamari ka Pawulu kanta bunjawoo kono, bari ì si kuwolu sooneeyandi a ye, aduŋ ì kana a teeroolu bali ka a la suuloolu topatoo.

Kuma Kotoomaalu 24:15

Kana dende ka suuñaaroo ke moo tilindiŋo yaa, waraŋ ka taa a sabatidulaa boyinkaŋ.