Kawandilaa 9:16 - Mandinka Bible

¹⁶ Nte de, ŋa ñiŋ ne fo ko, “Ñaameŋo le ye fisa sembe waroo ti.” Hani wo, ñiŋ kee fuwaaroo la ñaameŋo naata ke jutunna feŋo le ti, moolu maŋ a la kumoolu muta feŋ ti.

Kawandilaa 9:16 Referans Kwoze

Kawandilaa 7:19

Ñaameŋo ka semboo meŋ dii hakilimaa la, wo le ka tambi kantii taŋ na saatewo kono.

Kuma Kotoomaalu 24:5

Moo ñaamendiŋo ye sembe baa le soto, aduŋ londitiyo semboo ka lafaa le.

Kuma Kotoomaalu 21:22

Moo ñaamendiŋo ka jarintewolu la saatewo boyinkaŋ ne, aduŋ ì be jikiriŋ ì la tatoo meŋ na, a ka a janjaŋ ne.

Kawandilaa 9:18

Ñaameŋo le ye fisa ka tambi kelejooraŋolu la. Junubelaa, hani a kiliŋ, a ka kuu bete jamaa le tiñaa.

Kuma Kotoomaalu 10:15

Fankamaalu la naafuloo le mu ì la tatoo ti, fuwaaroolu la fuwaareyaa le ka ì kasaara.

Kuma Kotoomaalu 8:14

Dandalaari kendoo niŋ sondome kuniŋo mu n taa le ti, ŋa fahaamuroo niŋ semboo soto le.

Kawandilaa 7:12

Ñaameŋo mu tankaraŋo le ti, ko kodoo mu tankaraŋo ti ñaameŋ. A kummaayaata le ka a loŋ ko, ñaameŋo, meŋ ye a soto, a ka wo maarii niyo le tanka.

Kawandilaa 10:10

Niŋ teeraŋo daa kuyaata, i maŋ a daa diyaa, a dookundoo ka sembe boyi baa le ñininkaa, bari ñaameŋo, wo le ka tinewo naati.