Kawandilaa 9:1 - Mandinka Bible

¹ Ŋa m miira ñiŋ bee la le, n naata kisikisiroo ke kuwo bee la. Biriŋ ŋa kisikisiroo ke, ŋa ñiŋ ne je: Moo tilindiŋolu niŋ moo ñaamendiŋolu, ì niŋ ì la baara kuwolu bee be Alla le bulu. Hadamadiŋ ne buka a loŋ meŋ be naa a kaŋ ñaato, fo a be ke la kanu kuu le ti, waraŋ koŋ kuu.

Kawandilaa 9:1 Referans Kwoze

5 Musa 33:3

Tooñaa-tooñaa, Yaawe ye a la moolu kanu le, a la moo senuŋolu bee be a buloo le kono, ì be siiriŋ a siŋolu koto, ka yaamaroo soto a bulu.

1 Pita 1:5

Ali be a soto la le, baawo Alla la semboo ka ali tankandi lannoo kono wo kiisoo le ye, meŋ be lankenema la luŋ labaŋolu kono.

Kawandilaa 8:14

Kuu nafantaŋo doo le fanaa be jee meŋ ka ke ñiŋ duniyaa kono: Moo tilindiŋolu ñanta meŋ soto la, moo kuruŋolu ka wo le soto, meŋ ñanta laa la moo kuruŋolu kaŋ, wo ye laa moo tilindiŋolu kaŋ. N ko, ñiŋ fanaa maŋ ke feŋ ti.

Yuuba 12:10

Niilamaa feŋo bee siyo be ate le bulu, aduŋ hadamadiŋo bee fanaa niyo be ate le bulu.

2 Timoti 1:12

Wo daliiloo kamma la, n ka toora ñiŋ kuwolu la. Bari n te malu la muk, kaatu ŋa ate loŋ ne, n laata meŋ na, aduŋ n dankeneyaata le ko, a ye meŋ karafa m ma, a be a kanta la le fo a naa luŋo la.

Yesaya 26:12

Hee Yaawe, kayiroo naati ǹ ye, kaatu ŋà feŋ-wo-feŋ ke noo, ite le ye a ke ǹ ye.

Kuma Kotoomaalu 16:3

I be feŋ-wo-feŋ to, i si i la kuwo tu Yaawe bulu, i la natoolu bee be timma la le.

Jabuuroolu 31:5

Ŋa n niyo karafa i ma. Yaawe, i ye m bondi le, ite meŋ mu Alla ti, tooñaatiyo.

1 Samuweli 2:9

A be a la moo kendoolu kanta la ì la siloolu kaŋ ne, bari moo jawoolu be tara la deyiriŋ diboo le kono. Moo faŋo semboo buka a samba ñaato.

Kawandilaa 10:14

toolewo daakumoo le ka siyaa. Moo buka saama loŋ noo. Jumaa le si a fo noo, ate faariŋ koolaa, meŋ be naa ke la?

Kawandilaa 8:16

Ŋa n hakiloo tu baake le, ka ñaameŋo la kuwo loŋ, aniŋ kuwolu mennu ka ke ñiŋ duniyaa kono, moolu ka siinoobaliyaa mennu la.

Kawandilaa 7:25

Ŋa n hakiloo tu le, ka kuwolu karaŋ, ka kisikisiroo ke, aniŋ ka ñinindiroo ke ñaameŋo la kuwo la, aniŋ kuwolu daliiloo. N naata a loŋ ko, kuruŋyaa mu hakili dooyaa le ti, aduŋ tooleeyaa mu sondome kuuraŋo le ti.

Kawandilaa 7:15

N na ñiŋ baluu nafantaŋo kono, ŋa moo tilindiŋo je le, a maŋ siimaayaa a la tiliŋo kaŋ. Ŋa moo kuruŋo fanaa je, a siimaayaata a la kuruŋyaa kaŋ. Ŋa ñiŋ kuu fuloo bee je n ñaa la le.

Kawandilaa 1:17

Bituŋ n naata bula siloo nooma, ka a loŋ meŋ faŋo mu ñaameŋo ti, tooleeyaa aniŋ fuuriŋyaa. Bari n naata a je le ko, ñiŋ fanaa ka munta le ko foño bayindoo.

Jabuuroolu 73:3

kaatu n kiiliyaata faŋ wara moolu la kuwo le la, biriŋ ŋa a je kuwo bee be sooneeyaariŋ moo kuruŋolu ye.

Jabuuroolu 10:14

Bari ite Alla ka jeroo ke le de, ka moo bataariŋolu la kuwo hakilitu, aniŋ niitoorariŋolu, ñiŋ kamma la i si i buloo duŋ ì la kuwo to ka ì maakoyi. Moolu mennu te ì faŋ maakoyi noo la ka ì faŋolu karafa ite le ma. Ite le mu aliyatiimoolu maakoyilaa ti.

Yuuba 5:8

Niŋ nte mu ite ti, m be m faŋ seyi la Alla ma le, ŋa n na kuwo laa a ñaa koto.

Jabuuroolu 119:109

N ka tara pareeriŋ ne waati-wo-waati, ka n niyo laa. M maŋ ñina i la yaamaroo la.

Kawandilaa 9:6

Ì la wo ñoo kanoo, ì la ñoo koŋo, ì la ñoo haasidiyaa, a fele a bee yeemanta. Itolu te nafaa-wo-nafaa le soto la kuwolu to kotenke, mennu be ke la ñiŋ duniyaa tiloo koto.

Yeremiya 43:6

Wo le mu kewolu niŋ musoolu ti, aniŋ dindiŋolu, mansa dimmusoolu, ka taa moo-wo-moo, kelediŋ kantarilaalu la kuntiyo Nebusaradani ye meŋ karafa Kedaliya ma. Nte Yeremiya, aniŋ Baruku, Neriya dinkewo fanaa tarata ì kono le.

Yuuba 27:12

Ali bee ye ñiŋ je le, wo to saayiŋ muŋ ne ye ali duŋ ñiŋ kuma kenseŋ foo to?

Kawandilaa 8:7

Moo le buka saama kuwo loŋ noo. Wo to jumaa le si a fo noo a ye, meŋ be naa?