Kawandilaa 6:7 - Mandinka Bible

⁷ Hadamadiŋo la kata kuwo bee ka tara a konoo le ye, bari hani wo, a buka wasa noo.

Kawandilaa 6:7 Referans Kwoze

Yohana 6:27

Ali kana bataa domoroo kunna, meŋ waatindiŋ doroŋ, a ye baŋ. Bari ali bataa domoroo kunna, meŋ te baŋ na, bari a ka badaa-badaa baluwo dii. Moo Dinkewo* be wo le dii la ali la, kaatu Alla a Faamaa faŋo ye a tomboŋ wo le kamma.”

Kuma Kotoomaalu 16:26

Lebereesoo konoo le ka a duŋ sembe la dookuwo to, konkoo le ka a duŋ a la.

Matiyu 6:25

“Wo kamma la m be a fo la ali ye, ali kana jaakali ali la baluuñaa to, ali be meŋ domo la waraŋ ali be meŋ miŋ na. Aduŋ ali kana jaakali ali baloo la kuwo to, ali be meŋ duŋ na ali bala. Fo baluwo le maŋ kummaayaa domoroo ti baŋ, aniŋ fo baloo le maŋ kummaayaa feetoofatoo ti baŋ?

Luka 12:19

Bituŋ ŋa a fo n niyo ye ko, “I dahaa, i ye siimaŋ jamaa le soto saayiŋ ka ì maabo fo sanji jamaa. Domoroo niŋ miŋo ke seewoo kono.” ’

Kawandilaa 6:3

Moo si diŋ keme soto noo, a ye siimaayaa. Bari a siyo si jamfa ñaa-wo-ñaa, niŋ a maŋ niiseewoo soto a la sotofeŋolu to, waraŋ a faata, a maŋ baadee, nte ko deenaani siibaloo le ye fisa a ti.

Kawandilaa 5:10

Kodilandii baa, kodoo nene te a sii la muk, aduŋ feŋ landii baa, a nene buka sotoo ke fo a ye sii. Ñiŋ fanaa maŋ ke feŋ ti.

Kawandilaa 6:8

Moo ñaamendiŋo be toolewo ñaato muŋ ne la? Fuwaaroo la maakuu moo kaŋ, a ye muŋ nafaa le soto a ye?

Kawandilaa 1:8

Kuu-wo-kuu, bataa le mu, moo te meŋ daŋo fo noo la. Ñaa buka jeroo ke fo a ye kaañaŋ, tuloo buka moyiroo ke fo a ye kaañaŋ.

Kawandilaa 5:9

Bari bankoo munafaŋo, wo be moo bee le ye. Mansakewo nafaa mu ñiŋ ne ti ka senekunkoolu tankandi.