Kawandilaa 6:10 - Mandinka Bible

¹⁰ Feŋ-wo-feŋ be sotoriŋ, too le diita a la, aduŋ hadamadiŋo mu meŋ ti, wo be londiŋ ne. Meŋ semboo warata i ti, i niŋ wo buka ñoo saba noo.

Kawandilaa 6:10 Referans Kwoze

Yuuba 9:32

Alla maŋ ke hadamadiŋo ti, komeŋ nte be ñaameŋ teŋ. Nte te loo noo la m faŋ ye, n niŋ a ye taa kiitiyo la.

Yuuba 40:2

“I niŋ nte Alla Tallaa le be ñoo saba la baŋ? I lafita n soosoo la le baŋ? Wo to n jaabi.”

Yeremiya 49:19

“Ko niŋ jatoo bota naŋ ñunkoo kono, Yoridani sutoo kono, ka naa boyinkaŋo la, Edomu beeyaŋ daañini dulaalu to, m be a moolu bayi la a bankoo kaŋ wo le ñaama, kataba kiliŋ. Ŋa moo-wo-moo tomboŋ, wo le be a mara la. Jumaa le niŋ nte si tembe noo, ka i loo m fee? Ñaatonka jumaa le si loo noo n ñaato?

Kawandilaa 3:15

Feŋ-wo-feŋ be keriŋ bii, a nene tarata keriŋ ne nuŋ. Aduŋ feŋ-wo-feŋ be naa ke la, a nene ka ke le. Meŋ tambita, Alla le ka lañini a la kewo la kotenke.

Yuuba 33:13

Muŋ ne ye a tinna i ye Alla tuumi, kaatu a maŋ i la ñininkaaroolu jaabi?

Jabuuroolu 39:6

Hadamadiŋo buka mee baluuriŋ, a be le ko niiniyo, a la matimatoo mu kenseŋ ne ti. Moo ka naafuloo kafu ñoo ma le, bari a buka a loŋ meŋ taa be ke la a ti.

Jabuuroolu 103:15

Hadamadiŋo la baluwo ka munta le ko ñaamoo. A ka soroŋ ne komeŋ wulakono firoo,

1 Musa 3:9

Bari Yaawe Alla ye Adama kumandi le, a ko a ye ko, “I be mintoo le?”

1 Korintinkoolu 10:22

Fo ǹ lafita Maariyo kiiliyandi la le baŋ? Fo ntolu le bambanta ate ti baŋ?

Kuma Kotoomaalu 21:30

Ñaameŋ te jee, fahaamuru te jee, aduŋ feere te jee meŋ si taamandi noo Yaawe kaŋ.

Kawandilaa 6:11

Daa be siyaa la doroŋ, a kuma kenseŋo be siyaa la, a ye muŋ nafaa le soto moo ye?