Kawandilaa 2:26 - Mandinka Bible

²⁶ Moo meŋ ye Alla kontaanindi, a ka ñaameŋo dii wo le la, londoo, aniŋ niiseewoo. Bari junubelaa, a ka bataa le laa wo kaŋ, ka tara naafuloo kafu kaŋ ñoo ma ka a maabo moo ye, meŋ ka Alla kontaanindi. Ñiŋ fanaa maŋ ke feŋ ti, a ka munta le ko foño bayindoo.

Kawandilaa 2:26 Referans Kwoze

Kuma Kotoomaalu 13:22

Moo kendoo ka keetaafeŋo tu a diŋolu ye le hani a mamariŋolu fanaa ka a soto le, bari junubelaa la naafuloo ka tara maaboriŋ moo tilindiŋo le ye.

Kuma Kotoomaalu 28:8

Moo meŋ ka a la naafuloo siyandi niŋ lankaŋ tambiriŋo la, a la naafuloo be duŋ na moo le bulu, meŋ be hiinoo soto la fuwaaroolu ye.

Yohana 16:24

Hani saayiŋ ali maŋ kuu-wo-kuu le daani nte too la. Ali a daani, aduŋ ali be a soto la le, fo ali la seewoo si timma.

Yankuba 3:17

Bari ñaameŋo meŋ bota Alla yaa, foloo-foloo a seneyaata le. Ate ñaameŋo mu kayiroo le ti, mooyaa aniŋ ŋaniya betoo. A be faariŋ balafaa le la, a ka kebaara betoolu diŋ, aduŋ faasaaroo niŋ bunaafayiyaa te jee.

Luka 1:6

Ì bee tilinta Alla ñaa koto le, ì ye Maariyo la luwaalu niŋ yaamaroolu bee le muta a ñaama.

Yuuba 32:8

Bari meŋ ye hakiloo dii hadamadiŋo la, ka fahaamuroo ke, aniŋ meŋ ye niyo dii a la, wo mu Alla Tallaa le ti.

1 Musa 7:1

Bituŋ Yaawe* ko Nuha ye ko, “I niŋ i la dimbaayaa ye taa duŋ kuluŋo kono. Kaatu nte ye a je le ko, ite dammaa le keta moo tilindiŋo ti nte ñaatiliŋo la ñiŋ jamaanoo bee kono.

Kawandilaa 1:14

Ŋa a je le kuwolu mennu bee ka ke ñiŋ duniyaa tiloo koto. Ñiŋ bee maŋ ke feŋ ti, a ka munta le ko foño bayindoo.

Yuuba 38:36

Jumaa le ye ñaameŋo dii sondomoo la, waraŋ ka fahaamuroo dii hakiloo la?

Jabuuroolu 39:6

Hadamadiŋo buka mee baluuriŋ, a be le ko niiniyo, a la matimatoo mu kenseŋ ne ti. Moo ka naafuloo kafu ñoo ma le, bari a buka a loŋ meŋ taa be ke la a ti.

Jabuuroolu 51:6

Ite ye konotoseneyaa niŋ tooñaa le kanu, wo kamma la n karandi, ka ñaameŋo ke n sondomoo kono.

Kuma Kotoomaalu 2:6

Kaatu Yaawe le ka moo so ñaameŋo la, londoo niŋ fahaamuroo bee ka bo ate le bulu.

Kawandilaa 1:13

N ka ñaameŋo le taa ka n hakiloo taamandi, ka ñinindiroo ke, ka kisikisiroo ke kuwolu bee la, mennu ka ke ñiŋ duniyaa kono. Alla le ye duni koleŋo laa hadamadiŋo kaŋ, ka tara a faŋ batandi la doroŋ.

Kawandilaa 2:25

Kaatu ate koolaa, jumaa le si domoroo soto noo a faŋ ye, waraŋ niiseewoo?

Kawandilaa 3:10

Ŋa a je le, Alla ye dunoo meŋ laa hadamadiŋo kaŋ, a ka tara a faŋ batandi la a la.