Kawandilaa 12:7 - Mandinka Bible

⁷ bankumunkoo be muru la bankoo kaŋ, a bota meŋ bala, niyo be muru la Alla kaŋ, meŋ ye a dii.

Kawandilaa 12:7 Referans Kwoze

Daniyeli 12:2

Moo jamaa, mennu faata nuŋ, ì ye ì baadee, be wuli la le, ì ye baluu kotenke. Doolu be badaa-badaa baluwo le soto la, aduŋ doolu be tara la maloo niŋ halakoo le kono fo abadaa.

Jabuuroolu 146:4

Niŋ a niyo bota, a ka muru le ka ke bankumunkoo ti. Wo luŋo faŋo le mu a hame kuwolu ka tiñaa.

Jakariya 12:1

Yaawe* la kumoo fele, a ye meŋ lankenemayandi Banisirayila la kuwo to. Yaawe meŋ ye saŋ fatoolu wanka, a ye bankoo daa, a ye niyo duŋ hadamadiŋo la, a ye ñiŋ ne fo ko:

1 Musa 3:19

I be kali la tara la le foloo, janniŋ i be feŋ soto la ka a domo, fo janniŋ i be seyi la ka ke bankoo ti kotenke, i daata meŋ na. I daata bankumunkoo le la, aduŋ i be labaŋ na ke la bankumunkoo le ti.”

1 Musa 2:7

Bituŋ Yaawe Alla naata bankumunkoo doo taa, a ye Adama daa a la. A ye baluwo niijii foñoo fee a nuŋ huwolu kono. Bituŋ Adama ye a dati ka baluu.

Yesaya 57:16

Wo to, n te tu la moo tuumi la fo abadaa, sako ka tu kamfaa la. Niŋ wo nte, hadamadiŋo te semboo soto la kotenke ka baluu, m faŋo ye moolu mennu daa, ì si faa.

4 Musa 16:22

Bituŋ Musa niŋ Haaruna sujudita a ye, ì ko a ye ko, “Hee Alla, ite le mu Daamansoo ti meŋ ka niyo dii hadamadiŋo la. Niŋ moo kiliŋ ye junube kuwo ke, fo i be moo bee le jarabi la a la baŋ?”

Jabuuroolu 90:3

I la yaamaroo kaŋ hadamadiŋolu ka muru le ka ke bankumunkoo ti. I ka ì yelemandi wo le ti, ì bota meŋ bala.

Yuuba 20:11

Ì balajaatoolu mennu tarata kereyaariŋ, bee labaŋo be naa ke la bankoo le ti.

4 Musa 27:16

“Ite Yaawe Alla, meŋ ka niyo dii hadamadiŋolu la, m be duwaa la, i ye moo tomboŋ meŋ be ñiŋ moolu ñaatonkayaa la.

Hiburunkoolu 12:23

Ali naata moo senuŋolu la kafoo kono, mennu toolu be safeeriŋ Arijana kono ko, dinkee folooyaa neemoo mu itolu le taa ti. Ali naata Alla le kaŋ, meŋ mu moolu bee kiitindilaa ti, aniŋ moo tilindiŋolu kaŋ, mennu timmandita.

Hiburunkoolu 12:9

Ŋà faalu soto ñiŋ duniyaa kono le. Ì ka ǹ kuluu, aduŋ ǹ ka ì horoma le. Wo to, m̀ Faamaa la kuwo duŋ, ŋà meŋ soto Arijana kono? Ka soŋ ate ma, wo le kummaayaata ka tambi ǹ na duniyaa alifaalu bee la, fo ǹ si baluu tooñaa soto noo.

Yeremiya 38:16

Bari Mansa Sedekiya kalita n ye kulloo kono le ko, “A be koyiriŋ ñaameŋ ko Yaawe be baluuriŋ ne, meŋ ye niyo dii m̀ bee la, a be koyiriŋ wo le ñaama ko n te i faa la, waraŋ ka i duŋ kewolu bulu, mennu be i niyo nooma.”

1 Musa 18:27

Iburayima ye Maariyo jaabi a ko a ye ko, “M fele jaŋ, n dankeneyaariŋo ka tenteŋ diyaamu la i ye. Nte mu bankumunku kenseŋo doroŋ ne ti.

Yuuba 7:21

Muŋ ne ye a tinna i maŋ kafari ke n ye, i ye yamfa n na junube kuwolu la? A te mee la, m be tara la laariŋ kaburoo kono. I si n na kuu juubee, bari n te tara la keriŋ.

Luka 23:46

Bituŋ Yeesu sarita santo ko, “M Faamaa, ŋa n niyo duŋ i bulu.” Biriŋ a ye ñiŋ fo, a ye a la niijii labaŋo ke.

Kiilaalu 7:59

Kabiriŋ ì be Stifeni buŋ kaŋ, a duwaata ko, “M Maarii Yeesu, n niyo taa.”

Jabuuroolu 103:14

A ye a loŋ ne ǹ daata ñaameŋ, a ye a loŋ ne ko ntolu mu bankumunkoo le ti.

Jabuuroolu 104:29

Niŋ i ye i ñaa kaasi ì la, ì ka jikilateyi le. Niŋ i ye i la baluwo niijii foñoo taa, ì ka faa le, ì ye muru ka ke bankumunkoo ti.

Jabuuroolu 31:6

Ŋa moolu koŋ ne, mennu ka jalaŋ kenseŋolu batu, aduŋ n dankeneyaata Yaawe la le.