Kawandilaa 1:9 - Mandinka Bible

⁹ Meŋ tarata keriŋ nuŋ, wo le ka ke kotenke. Meŋ dalita ke la, wo le be ke la kotenke. Feŋ ne maŋ kutayaa ñiŋ duniyaa tiloo koto.

Kawandilaa 1:9 Referans Kwoze

Kawandilaa 3:15

Feŋ-wo-feŋ be keriŋ bii, a nene tarata keriŋ ne nuŋ. Aduŋ feŋ-wo-feŋ be naa ke la, a nene ka ke le. Meŋ tambita, Alla le ka lañini a la kewo la kotenke.

Kawandilaa 6:10

Feŋ-wo-feŋ be sotoriŋ, too le diita a la, aduŋ hadamadiŋo mu meŋ ti, wo be londiŋ ne. Meŋ semboo warata i ti, i niŋ wo buka ñoo saba noo.

Kawandilaa 2:12

N naata m faŋ ñininkaa ko, “Mansakewo meŋ be naa, a be muŋ ne ke noo la, mansa doolu maŋ meŋ ke?” Bituŋ n naata ñaameŋo, tooleeyaa niŋ fuuriŋyaa misaali.

Lankenemoo 21:1

Bituŋ ŋa saŋ kutoo niŋ banku kutoo je, kaatu saŋ foloo niŋ banku foloo yeemanta le, aduŋ fankaasi maŋ tara sotoriŋ.

Kawandilaa 7:10

Kana a fo ko, “Muŋ ne ye a tinna nunto kuwolu beteyaata saayiŋ ti?” Ñiŋ ñininkaari siifaa, wo maŋ ke ñaameŋo ti.

Yeremiya 31:22

Ite Dimmusuriŋ fisiriwallee, janniŋ muŋ tuma le i be tara la jenkeŋ-jenkeŋ na? Nte Yaawe be kuu kutoo le daa la duniyaa: Musoo le be muru la a keemaa kamma.”

2 Pita 2:1

Bari faniyaa annabiyomoolu naata wuli moolu kono le nuŋ, wo ñaa kiliŋo la faniyaa karandirilaalu be tara la ali fanaa kono le. Ì be faniyaa karandiroolu kullootoo naati la ali kono le, mennu ka tiñaaroo saabu. Aduŋ ì be paree la le hani ka balaŋ Kuntiyo ma, meŋ ye ì kumakaa a faŋo ye. Ka bo wo siloo la, ì ye kasaaroo le boyi ì faŋolu kaŋ.

Yesaya 43:19

Ali a juubee, m be kuu kutoo le ke kaŋ. A be keriŋ ne saayiŋ, fo ali maŋ a je baŋ? M be siloo parendi kaŋ keñewuloo* kono le, ŋa woyoolu ke ali ye dulaa jaariŋolu to.

Lankenemoo 21:5

Aduŋ ate meŋ be siiriŋ mansasiiraŋo kaŋ, a ko, “A fele, ŋa kuwolu bee kutayandi le.” Bituŋ a ko n ye ko, “Ñiŋ safee, kaatu ñiŋ kumoolu tooñaayaata le, ì jarita le ka laa ì la.”

Kawandilaa 1:10

Fo feŋ ne be keriŋ baŋ, moo si meŋ na kuwo fo noo ko, “Ñiŋ feŋo wo de, ate mu kutamaa le ti?” Wo feŋo, a tarata keriŋ ne biriŋ, janniŋ ntolu faŋo ka soto.