Kawandilaa 1:15 - Mandinka Bible

¹⁵ Meŋ jenketa, wo buka tilindi noo, aduŋ feŋ sotobaloo, wo buka bula noo kontiri kono.

Kawandilaa 1:15 Referans Kwoze

Yesaya 40:4

Wulumbaŋolu bee ye saareŋ, konko baalu niŋ konkoriŋolu bee ye jii, dulaa tembebaloo ye tembe, kene ñankariŋo ye seneyaa.

Kawandilaa 3:14

Ŋa a loŋ ne ko, Alla ye kuu-wo-kuu ke, wo le be tu la fo fawu. Feŋ te lafaa noo la a kaŋ, sako feŋ si talaa a bala. Alla ye ñiŋ ke le, i si a je moolu si a kuliyaa.

Matiyu 6:27

“Jumaa le be ali kono, meŋ si hani waati kiliŋ kafu noo a faŋo siyo kaŋ ka bo niŋ jaakaloo la?

Niikuyaa Suukuwolu 3:37

Niŋ a maŋ ke Maariyo la keroo ti, jumaa le si kumakaŋo dii, a ye ke?

Yuuba 34:29

Niŋ Alla maŋ kuu ke a noo to, jumaa le be a tuumi noo la a la? Niŋ a ye a faŋ maabo, jumaa le be a je noo la, fo moo kuŋ kiliŋ, waraŋ fo jamaa?

Yuuba 11:6

A ye ñaameŋo kulloolu lankenemayandi i ye, kaawakuu baalu, hadamadiŋo buka mennu fahaamu noo. I be a loŋ na wo le to ko, Alla ye ñiŋ jaraboo meŋ laa i kaŋ, wo mu domandiŋo le ti, niŋ i ye a niŋ baara kuwo laa, i ye meŋ ke.

Daniyeli 4:35

Duniyaa moolu bee buka muluŋ a ñaa koto feŋ ti. A la lafoo mu meŋ ti, a ka wo le ke malaayikoolu kono santo, aniŋ hadamadiŋolu kono duuma. Moo te a la keroo baayi noo la, waraŋ ka a ñininkaa a kekuwo la.

Kawandilaa 7:25

Ŋa n hakiloo tu le, ka kuwolu karaŋ, ka kisikisiroo ke, aniŋ ka ñinindiroo ke ñaameŋo la kuwo la, aniŋ kuwolu daliiloo. N naata a loŋ ko, kuruŋyaa mu hakili dooyaa le ti, aduŋ tooleeyaa mu sondome kuuraŋo le ti.

Yeremiya 13:23

Fo Kusinkoo* si a balafatoo yelemandi noo baŋ, waraŋ soloo ye a baloo tompoolu yelemandi noo? Niŋ wo keta, wo to ite si kuu kendoo ke noo, ite meŋ dalita kuu kuruŋ kewo la.