Jakariya 8:4 - Mandinka Bible

⁴ Yaawe Alihawaa Maariyo ye ñiŋ ne fo ko: Keebaariŋolu niŋ musu keebaariŋolu be sii la Yerusalaamu mbeedoolu kaŋ ne kotenke, ì moo-wo-moo niŋ a la taamaraŋ dokoo, ì la keebaayaa kaŋ.

Jakariya 8:4 Referans Kwoze

Hiburunkoolu 12:22

Bari alitolu naata Siyoni* Konkoo le kaŋ, Alla baluuriŋo la saatewo to. Wo saatewo mu wo Yerusalaamu le ti, meŋ be Arijana kono, malaayika kontibaloolu be bendiŋ juuraloo la daameŋ.

Yuuba 42:17

Bituŋ Yuuba beleta, wo tumoo a kotoota baake.

Yuuba 5:26

I be faa la i kotooriŋo le la, komeŋ siimaŋ muroo ka kati siimaŋ kaloo bala ñaameŋ, niŋ a moo waatoo siita.

1 Samuweli 2:31

Waatoo ka naa le, m be i semboo talaa la aniŋ i koomalankoolu semboo, i si a je, keebaa kotoo te tara la i koomalankoolu kono,

1 Samuweli 2:32

aduŋ ali be bataa je la n na dulaa to le. A si ke ñaa-wo-ñaa beteyaa be ke la Banisirayila ye le, i koomalankoolu kono kee kotoo te tara la jee.

Yeremiya 31:13

Wo tumoo le mu sunkutoolu be seewoo la, ì niŋ doŋo, ka taa fondinkewolu niŋ keebaalu kafuriŋo. M be ì la kumboo yelemandi la seewoo le ti. M be ì jusoo ñabu la le, ŋa jusulaa seyi ì ye niikuyaa noo to.

Yeremiya 31:24

Yahuuda bankoo niŋ a saatewolu moolu bee si tara siiriŋ ñoo kaŋ, ka taa senelaalu niŋ kantarilaalu mennu niŋ ì la beeyaŋolu ka tara yaayi la.

Jakariya 2:4

A ko a ye ko, “Bori, i ye a fo wo fondinkewo ye ko, Yerusalaamu saatewo be faa la moo la le tep, aniŋ beeyaŋo, fo labaŋo la a te jari la ka a tata.”