Jakariya 14:19 - Mandinka Bible

¹⁹ Ñiŋ be ke la yankankatoo le ti, meŋ be laa la Misira niŋ banku koteŋolu kaŋ, mennu maŋ taa Jembereŋ Juuraloo kidimandi.

Jakariya 14:19 Referans Kwoze

Yohana 3:19

Aduŋ ñiŋ ne mu kiitiyo ti ko, maloo naata duniyaa kono le, bari moolu ye diboo le kanu ka tambi maloo la, kaatu ì la kebaaroolu jawuyaata le.

Jakariya 14:18

Niŋ Misirankoolu maŋ taa ñiŋ juuraloo to, wo to ì fanaa te sanji soto la. Yaawe be ì mantoora la le, ko a ye bankoolu mantoora ñaameŋ, mennu maŋ maabee juuraloo to.

Jakariya 14:20

Wo luŋo la, ñiŋ ne be tara la safeeriŋ suwoolu la talaŋo bala: “A kerekereta Yaawe le ye.” Aduŋ kaleeroolu mennu be Yaawe Batudulaa Buŋo* to be seneyaa la le ko booloolu mennu ka tara sadaajanidulaa* ñaatiliŋo la.

3 Musa 23:34

ka a fo Banisirayilankoolu ye ko: Ñiŋ kari woorowulanjaŋo tili taŋ niŋ luulunjaŋo luŋo la le, Jembereŋ Juuraloo* be dati la, a ye taa fo tili woorowula. A mu juuraloo le ti nte Yaawe ye.

Yesaya 66:23

A ko; “Kari Kuta-wo-Kari Kuta* aniŋ Loobula Luŋ-wo-Loobula Luŋ, hadamadiŋolu bee be naa sujudi la n ñaatiliŋo la le.