Jabuuroolu 9:9 - Mandinka Bible

⁹ Yaawe le mu moo toorariŋolu tuukuraŋo ti, a mu ì ye tankadulaa le ti mantooroo waatoo la.

Jabuuroolu 9:9 Referans Kwoze

Kuma Kotoomaalu 18:10

Yaawe* too mu tata bambandiŋo le ti, moo tilindiŋolu ka bori jee le, aduŋ ì ka tanka le.

Nahumu 1:7

Yaawe beteyaata le, tankandirilaa, maasiiba waatoo la. A ka moolu le kanta mennu ka ì jikoo loo ate doroŋ kaŋ.

Jabuuroolu 32:7

I mu n ye maabodulaa le ti. I be n tankandi la mantooroo ma le, aduŋ suukuulaa le be tara la m fee karoo bee la, i la n tankandoo kaŋ. S

Jabuuroolu 46:1

Alla le mu ǹ na tankandirilaa ti, ǹ jikiraŋ semboo. Maakoyirilaa le mu, meŋ ka tu sabatiriŋ m̀ fee koleyaa kono.

Jabuuroolu 62:8

Moolu, ali dankeneyaa Alla la waati-wo-waati. Ali ali kono kuwo bee fo a ye, kaatu ate le mu ǹ tuukuraŋo ti. S

Jabuuroolu 37:39

Moo tilindiŋolu la tankoo ka bo Yaawe le bulu. Ate le mu ì la semberaŋo ti, mantooroo waatoo la.

Jabuuroolu 18:2

Yaawe le mu n na semberaŋ bere baa ti, n na tankaraŋ tatoo, aniŋ m bondilaa. N na Alla le mu n ye semberaŋ beroo ti, n ka n dende meŋ na. Ate le mu n na koteeroo* ti, n na kiisandirilaa sembemaa baa, aniŋ n tuukuraŋo.

Luka 13:34

“Ite Yerusalaamu, hee, ite Yerusalaamu! I la moolu ye annabiyomoolu faa le, aniŋ ì ye kiilaalu buŋ beroolu la ka ì faa. Siiñaa jelu le n lafita i la dindiŋolu kafu la ñoo ma m bala ko siisee dimbaa ka a diŋolu kafu ñoo ma a dampaŋo koto ñaameŋ, bari ali buka soŋ!

Yesaya 8:14

M be ke la ali ye tankadulaa le ti. Bari m be ke la Banisirayila niŋ Yahuuda ye beroo le ti, moolu ka taki meŋ na, bere baa meŋ ka moolu boyindi. Yerusalaamu la moolu wo, m be ke la wolu ye kutindiŋo niŋ wereŋo le ti.

Jabuuroolu 50:15

Ali n kumandi, niŋ mantooroo naata ali kaŋ, m be ali tankandi la le, aduŋ ali be n horoma la le.”

Jabuuroolu 46:7

Yaawe* Alihawaa Maariyo* be ntolu fee le. M̀ mumu Yaakuba la Alla le mu ǹ ye tankadulaa ti. S

Jabuuroolu 20:1

Allamaa Yaawe* ye i la duwaa jaabi mantooroo waatoo la. Allamaa Yaakuba la Alla ye i tankandi ka bo niŋ a too la.

5 Musa 33:27

Alla mu badaa-badaa Alla le ti, ate le mu ali la tankadulaa ti, a buloo be ali koto. A ye ali jawoolu bayi ali ñaato, a ko, ali ye ì kasaara.

Hiburunkoolu 6:18

A ye wo ke le, fo ǹ si sabarindi baa soto ka bo ñiŋ kuu fuloo la, laahidoo niŋ kaloo, mennu buka yelema. Alla la ñiŋ kumoo te ke la noo faniyaa ti. Wo kamma la ntolu mennu naata tankadulaa soto ate fee, ǹ si wakiiloo soto ka wo jikoo muta m̀ bulu fuloo la, a ye meŋ landi ǹ ñaatiliŋo la.

Yesaya 32:2

Ì meŋ-wo-meŋ be ke la moolu ye le ko taradulaa, ka ì tankandi foñoo la, aniŋ ka maabodulaa soto, niŋ burufatoo naata. Ì be ke la le ko boloŋo, meŋ ka woyi keñewuloo* kono, aniŋ bere konkoo niiniyo kene kenseŋo kono.

Jabuuroolu 108:12

Dukaree, m̀ maakoyi ǹ jawoolu to, kaatu hadamadiŋo la maakoyiroo mu kenseŋ ne ti.

Jabuuroolu 142:4

Ŋa m bulubaa karoo la juubee le ka koroosiroo ke, bari moo maŋ n kalamuta. Tankadulaa te n ye, moo maŋ n hati.

Jabuuroolu 48:3

Alla be Siyoni Tatoo kono le. A ye a faŋ yitandi le ko, ate le mu ì ye tankoo ti.

1 Taarika 16:33

Wulakono yiroolu be wuuri la le, seewoo kamma la, ka suukuwo laa Yaawe ye, kaatu a be naa le, ka duniyaa kiitindi.

Jabuuroolu 7:9

Moo kuruŋolu la kuruŋyaa daŋ, i ye moo tilindiŋolu londi ka bambaŋ. Ite Alla tilinta le, i ka moo-wo-moo la miiroo niŋ a la hame kuwolu koroosi le.

Jabuuroolu 67:5

Maarii Alla, duniyaa moolu bee si i tentu, moolu bee si i jayi.

Jabuuroolu 96:10

Ali a kankulaa duniyaa moolu kono ko, “Yaawe mu Mansa le ti. A ye duniyaa londi le a bambanta, a te wutu la a noo to. A be moolu kiitindi la tiliŋo niŋ tooñaa le la.”

Jabuuroolu 98:9

ì ye suukuwo laa Yaawe ñaatiliŋo la. A ka naa duniyaa kiitindi le, a be duniyaa moolu kiitindi la tiliŋo niŋ tooñaa le la.