Jabuuroolu 70:4 - Mandinka Bible

⁴ Allamaa moolu mennu bee ka i ñiniŋ, ì ye seewoo aniŋ ì ye jusulaa. Moolu mennu be ñaaniriŋ kiisoo la i bulu, Allamaa ì ye tu la a fo la ko, “Alla warata le.”

Jabuuroolu 70:4 Referans Kwoze

Niikuyaa Suukuwolu 3:25

Yaawe beteyaata moo le fee meŋ ye i tuuku a la, aniŋ nii-wo-nii meŋ ka a ñini.

Jabuuroolu 40:16

Allamaa moolu mennu bee ka i ñiniŋ, ì ye seewoo aniŋ ì ye jusulaa. Moolu mennu be ñaaniriŋ kiisoo la i bulu, Allamaa ì ye tu la a fo la ko, “Yaawe warata le.”

Jabuuroolu 35:27

Allamaa mennu ye boloo ŋaniya n ye, wolu ye wuuri seewoo niŋ jusulaa kono, ì ye tara a fo la ko, “Yaawe warata le, ate meŋ ka kontaani nte la kayiroo la, a la dookuulaa.”

Yesaya 61:10

Yaawe la kuwo seewoo tambita n kunna le, n niyo laata n na Alla la karoo la le. Kaatu a ye kiisoo dendikamaa le duŋ n na, a ye tiliŋo warambamaa duŋ n na, ko maañootiyo ka i paree ñaameŋ, aniŋ ko maañoo ka a faŋo ñiiñandi a la ñaroolu la ñaameŋ.

Jabuuroolu 97:12

Ali seewoo Yaawe la kuwo to, moo tilindiŋolu, ali ye a tentu niŋ a too senuŋo la!

Yohana 16:20

Tooñaa-tooñaa, m be a fo la ali ye, ali be kumboo la le, ali ye woosii, bari duniyaa be seewoo la le. Ali niyo be kuyaa la le, bari ali la niikuyaa be yelema la ali ye seewoo le ti.

Jabuuroolu 5:11

Moolu mennu bee be bamburiŋ i kooma, si suukuwo laa fo fawu, kontaanoo kamma la, aduŋ i si i la tankoo wanka moolu kaŋ, mennu ye i kanu, fo ì si seewoo i la kuwo to.