Jabuuroolu 6:2 - Mandinka Bible

² Yaawe, n kendeyandi, kaatu n kuloolu be n dimiŋ kaŋ ne. Balafaa n ye Yaawe, kaatu n kitiita le.

Jabuuroolu 6:2 Referans Kwoze

Hoseya 6:1

Moolu ko, “Ali naa, ŋà muru Yaawe* kaŋ, ate le ye ǹ dimindi, a be ǹ jaara la le. Ate le ye m̀ barama, a be ǹ kendeyandi la le.

Jabuuroolu 31:10

Kaatu n na baluwo keta niitooroo le ti, aniŋ sikisikoo doroŋ, m baluu saŋolu bee la. N na ŋayiboo ye a tinna le n semboo banta. N kuloolu faŋo korita le.

Jabuuroolu 30:2

Yaawe n na Alla, n kumboota i ye le ka m maakoyi, aduŋ i ye n kendeyandi le.

Yeremiya 17:14

Hee Yaawe, n kendeyandi, n si kendeyaa keseŋ, n kiisa, n si kiisa burayi, kaatu ite le mu n na jayitaa ti.

Jabuuroolu 51:8

I ye n toñonka ñaa-wo-ñaa, m murundi seewoo niŋ jusulaa kono, ŋa seewoo.

5 Musa 32:39

Fo ali maŋ ñiŋ je ko, nte le mu Alla ti, Alla koteŋ te keriŋ nte koolaa? Nte le ka moo faa, nte le ka moo balundi, nte le ka moo barama, nte le ka moo kendeyandi. Baayiñaa te nte la keroo la.

Jabuuroolu 38:7

M baloo kono ka kandi le ko dimbaa. Kendeyaa te n jaatoo kono.

Jabuuroolu 38:3

I la kamfaa ye a tinna le, n jaatoo maŋ sahayaa. Kendeyaa te n kuloolu faŋo kono n na junuboolu kamma la.

Jabuuroolu 32:3

Kabiriŋ n tarata deyiriŋ m faŋ ma, n kuloolu baabaata le, ka bo niŋ n na ŋuntaŋo la, tiloo bee,

1 Musa 20:17

Ñiŋ kuwo la kewo Saara la, Iburayima la musoo, Yaawe* ye musoolu bee wuluuñaŋolu soroŋ, mennu be Abimeleki la dulaa to. Wo le to Iburayima naata duwaa Abimeleki ye. Bituŋ Alla ye a kendeyandi. A ye a la musoo fanaa kendeyandi, aniŋ a la joŋ sunkutoolu, fo ì si naa diŋolu soto noo kotenke.

Matiyu 4:24

A la kuwo kibaaroo janjanta Siriya tundoo bee kaŋ. Bituŋ moolu naata ka kuurantoolu bee samba a ye naŋ, mennu ye saasaa siifaa jamaa soto waraŋ dimoo, ì niŋ seetaanitoolu, wayitoolu aniŋ namatoolu, aduŋ a ye ì kendeyandi le.

Jabuuroolu 22:14

M fankoo suusuuta le komeŋ niŋ jiyo bonta bankoo to. N kuloolu bee bota ì cokoolu daa le, n jusoo keta n kono komeŋ niŋ kaañoo yelunta.

Yuuba 5:18

Ate le ka dimoo ke, a ye a jaara. Ate le ka baramoo ke, a ye a kendeyandi.

4 Musa 12:13

Bituŋ Musa woosiita Yaawe ye ko, “Hee Alla, dukaree a kendeyandi.”

2 Musa 15:26

A ko, “Niŋ ali ye ali hakiloo tu nte Yaawe ali la Alla la ñiŋ kumoo to, kuwo meŋ tilinta, ali ye wo ke n ñaa koto, aniŋ ali ye n na yaamaroolu muta, ka n na luwaalu bee ke a ñaama, n te hani kuuraŋ kiliŋ ne naati la ali kaŋ ko ŋa meŋ ke Misirankoolu la. Kaatu nte le mu Yaawe ti, meŋ ka ali jaara.”

Yuuba 19:21

Ali balafaa soto n ye, n teeroolu, ali balafaa soto n ye, kaatu Alla faŋo buloo le laata n kaŋ.

Jabuuroolu 38:2

I ye n soo i la kalabeñoolu la le, aduŋ i buloo laata n kaŋ ne.

Yeremiya 10:24

Yaawe, n kuluu, bari i si a ke i la tiliŋo kaŋ, i kana a ke i la kamfaa kaŋ, i kana taa n labaŋ.