Jabuuroolu 48:1 - Mandinka Bible

¹ Yaawe* warata le! Jayiroo ñanta wara la a ye le famfaŋ, ntolu la Alla la saatewo kono, meŋ be looriŋ a la konko senuŋo* kaŋ.

Jabuuroolu 48:1 Referans Kwoze

Mika 4:1

Luŋ labaŋolu la, Yaawe* la Buŋo be konkoo meŋ kaŋ, wo le be tara la konkoolu bee ye santo la, a jamfoo si tambi konko koteŋolu la. Aduŋ moo jamaa le be jee waliŋ na.

Jakariya 8:3

Yaawe ye ñiŋ ne fo ko: M be muru la Siyoni Konkoo kaŋ ne, jee be kumandi la Yaawe Alihawaa Maariyo la konko senuŋo* le la. M be sabati la Yerusalaamu le, jee be kumandi la saatee tilindiŋo le la.

Jabuuroolu 96:4

Kaatu Yaawe warata le, aduŋ a ñanta tentu la le famfaŋ, ate le silaŋñaa ñanta wara la alloolu bee ti.

Jabuuroolu 46:4

Baa be jee le meŋ ka woyi, ka kontaanoo samba naŋ Alla la saatewo ye, daameŋ to mu Alla Mansa Tallaa faŋo taradulaa senuŋo ti.

Jabuuroolu 145:3

Yaawe* warata le, a ñanta jayi la le famfaŋ, a la waroo tambita sumaŋo la le.

Lankenemoo 21:2

Wo to le ŋa saatee senuŋo je, meŋ mu Yerusalaamu kutoo ti. A be jii kaŋ ka bo Alla yaa, Arijana kono. A parendita ko maañoo, meŋ ñarandita a keemaa ye.

Jabuuroolu 87:3

Alla la saatewo, i lamoyi, kaatu a ye kuma ñiimaalu le fo i la kuwo to. S

Lankenemoo 19:5

Bituŋ kumakaŋo bota mansasiiraŋo to, meŋ ko: “Ali ŋà ǹ na Alla jayi, alitolu bee mennu mu a la dookuulaalu ti, alitolu mennu ye a ñaasilaŋo soto, biriŋ moondiŋ fo moo baa.”

Matiyu 24:15

“Niŋ ali ye feŋ haraamuriŋo je meŋ be kasaaroo ke la dulaa senuŋ to, Annabilayi Daniyeli ye meŋ na kuwo safee nuŋ, karannaa si a fahaamu,

Jabuuroolu 99:9

Ali Yaawe jayi, ǹ na Alla, ka sujudi a ye a la konko senuŋo* to. Kaatu ǹ na Alla, Yaawe seneyaata le!

Jabuuroolu 87:1

Yaawe* ye a la saatewo loo le, a fondamaŋo mu a faŋo la konko senuŋo* le ti.

Jabuuroolu 86:10

kaatu ite warata le, aduŋ i ka kaawakuwolu le ke. Ite doroŋ ne mu Alla ti.

Jabuuroolu 78:68

Bari a ye Yahuuda lasiloo le tomboŋ, Siyoni* Konkoo to, a ye meŋ kanu.

Jabuuroolu 65:1

Hee Alla, jayiroo ñanta i ma Siyoni* saatewo kono le, aduŋ ǹ ñanta ǹ na laahidoolu timmandi la i ye le.

Jabuuroolu 47:8

Alla be siiriŋ a la mansasiiraŋ senuŋo kaŋ ne, ate le ye duniyaa bankoolu bee mara.

Jabuuroolu 46:1

Alla le mu ǹ na tankandirilaa ti, ǹ jikiraŋ semboo. Maakoyirilaa le mu, meŋ ka tu sabatiriŋ m̀ fee koleyaa kono.

Jabuuroolu 2:6

A ko, “Ŋa n na mansa londi Siyoni* le, n na konko senuŋo* kaŋ.”

Hiburunkoolu 12:22

Bari alitolu naata Siyoni* Konkoo le kaŋ, Alla baluuriŋo la saatewo to. Wo saatewo mu wo Yerusalaamu le ti, meŋ be Arijana kono, malaayika kontibaloolu be bendiŋ juuraloo la daameŋ.

Obadiya 1:17

“Bari Siyoni* Konkoo kaŋ, moolu be tara la jee le mennu kanata, aduŋ ñiŋ konkoo be ke la dulaa senuŋo le ti. Yaakuba koomalankoolu be ì fansuŋ bankoo soto la le kotenke.

Yeremiya 31:23

Yaawe Alihawaa Maariyo*, Banisirayila la Alla ye ñiŋ ne fo ko: “Niŋ ŋa Yahuuda bankoo niŋ a saatewolu moolu murundi ì la firiŋo kono, ì be kali ñiŋ kumoolu fo la le kotenke ko: ‘Allamaa Yaawe neema la konko senuŋo* ma, tiliŋo ka tara daameŋ.’

Yesaya 27:13

Wo luŋo la, saakotoŋ bina* baa le be fee la, ì ye moolu mennu samba Asiriya bankoo kaŋ, aniŋ ì ye mennu bayi ka taa Misira bankoo kaŋ, bee be naa la le ka Yaawe batu Yerusalaamu konko senuŋo* kaŋ.

Jabuuroolu 147:5

M̀ Maariyo warata le, a semboo warata le, a la ñaameŋo tambita sumaŋo la le.

Jabuuroolu 30:1

Hee Yaawe*, m be i tentu la le, kaatu i ye n kanandi le, aduŋ i maŋ soŋ n jawoolu ye jele n na.

Nehemiya 9:5

Bituŋ Lewi lasiloo moolu mennu keta Yesuwa ti, Kadimiyeli, Bani, Hasabuneya, Serebiya, Hodiya, Sebaniya, aniŋ Petahiya ko: “Ali wuli ka Yaawe, ali la Alla tentu, badaa-badaa Alla. Ali tentoo dii a too buuñaariŋo la, tenturoo niŋ jayiroo te a la waroo daŋo fo noo la ñaa-wo-ñaa.”

Jabuuroolu 42:1

N niyo be ñaaniriŋ ite Alla le la ko minaŋo ka ñaani woyoo la ñaameŋ.