Jabuuroolu 24:2 - Mandinka Bible

² A ye a loo bankoo kono ñaapuuloolu le kaŋ, aduŋ a ye a fondamaŋolu laa fankaasoolu teroo le to.

Jabuuroolu 24:2 Referans Kwoze

Yeremiya 5:22

Muŋ ne ye a tinna ali buka sila n na? Muŋ ne ye a tinna ali buka jarajara n ñaatiliŋo la?” Yaawe le ye a fo. “Ŋa keñoo ke naanewo ti fankaasoo ye le, badaa-badaa kuntuntewo, a te tambi noo la meŋ na muk. Hani jii baliŋolu si busa, ì te kuu noo la, hani ì si bumbuŋ, ì te a salaŋ noo la.

Jabuuroolu 136:6

Ate le ye bankoo feenee jiyo kaŋ, a la kanu bambaloo be tu la le fo abadaa.

Jabuuroolu 96:10

Ali a kankulaa duniyaa moolu kono ko, “Yaawe mu Mansa le ti. A ye duniyaa londi le a bambanta, a te wutu la a noo to. A be moolu kiitindi la tiliŋo niŋ tooñaa le la.”

Yuuba 38:4

I be miŋ, kabiriŋ m be duniyaa daa la? A fo n ye, niŋ i ye fahaamuru ke a kuwo la.

Jabuuroolu 33:6

Yaawe ye saŋ fatoolu daa a la kumoo le la, tiloo, karoo, aniŋ looloolu daata a la kumakaŋo le la.

1 Musa 8:22

Janniŋ duniyaa be baŋ na, fiiroo waatoo be soto la le, aduŋ katiroo waatoo fanaa be soto la le. Kandoo niŋ sumayaa, wolu be tara la keriŋ ne doroŋ, samaa niŋ tili kandoo, aniŋ suutoo niŋ tiloo.”

Jabuuroolu 95:4

Yaawe le marata duniyaa duumoo daŋo bee ma, konkoolu santo daŋo bee fanaa be ate le bulu.

Jabuuroolu 93:1

Yaawe* le mu Mansa ti, a ye semboo niŋ waroo duŋ ne ko mansa dendikoo. A ye duniyaa londi le a bambanta kat, a te wutu la a noo to muk.

Jabuuroolu 89:12

Ite le ye feŋo bee daa ka bo duniyaa tonkoŋ ka taa tonkoŋ. Jayiroo ka bo i ye Tabori niŋ Herimoni* konkoolu to le, a bee niŋ seewoo.