Jabuuroolu 148:1 - Mandinka Bible

¹ Ali Yaawe* jayi. Ali Yaawe jayi ka bo Arijana kono santo. Alitolu mennu be alihawaa kono, ali a jayi.

Jabuuroolu 148:1 Referans Kwoze

Jabuuroolu 89:5

Yaawe, Arijana bee ka i jayi i la kaawakuwolu kaŋ ne. I la malaayika kafoo le ka i la tiliŋo laa suukuwo ti.

Jabuuroolu 69:34

Saŋ fatoolu niŋ bankoo, ali Alla jayi. Fankaasoo aniŋ niilamaa feŋolu mennu bee be a kono, ye a jayi.

Yesaya 49:13

Saŋ fatoolu, ali sari santo seewoo kamma, bankoo ye kontaani, konkoolu ye wutu suukuwo ti, kaatu Yaawe ye a la moolu jusoo ñabu le, aduŋ a be balafaa soto la a la moo bataariŋolu ye le.

Jabuuroolu 146:1

Ali Yaawe* jayi. Nte be Yaawe jayi la n niyo le la.

Matiyu 21:9

Aduŋ kafoo mennu be a ñaato, aniŋ mennu be a nooma, wolu be sari kaŋ santo ko, “Hosanna be Dawuda Dinkewo ye. Tenturoo niŋ jayiroo be ate le ye, meŋ ka naa Maariyo too la. Hosanna, fo saŋo santo.”

Jabuuroolu 103:22

Yaawe la daafeŋolu bee si a jayi daa-wo-daa, a la mansabaayaa kono. Nte niyo be Yaawe jayi la le.