Jabuuroolu 118:6 - Mandinka Bible

⁶ N te sila la, bayiri Yaawe be m fee le, hadamadiŋolu si muŋ ne noo m ma?

Jabuuroolu 118:6 Referans Kwoze

Hiburunkoolu 13:6

Wo kamma la, ǹ si ñiŋ fo noo dankeneyaa kono le ko: “Maariyo le mu n na maakoyirilaa ti, n te sila la. Hadamadiŋolu si muŋ ne ke noo m ma?”

Roomankoolu 8:31

Saayiŋ, ǹ si muŋ ne fo ñiŋ kuwo to? Niŋ Alla be ntolu fee, jumaa le be balaŋ noo la ntolu ma?

Jabuuroolu 56:4

N laata Alla le la, aduŋ n te sila la, n ka a jayi a la kumoo kaŋ ne. Hadamadiŋo si muŋ ne noo nte ma?

Jabuuroolu 56:9

Niŋ ŋa i kumandi tumoo meŋ na, n jawoolu be muru la ì koo la le. Ŋa ñiŋ loŋ ne ko, Alla be m fee le.

Yeremiya 20:11

Bari ite Yaawe be loo la n ye le ko kelejawaroo meŋ silaŋñaa warata. Wo to n toorandilaalu be boyi la le, ì te i kutu la n na. Ì be malu la baake le, kaatu ì te kututeyi la. Ì la maloo be tu la le fo abadaa, a te ke la ñina kuu ti.

Yesaya 51:12

Yaawe ko: “Nte, nte faŋo le ka ali sabarindi. Wo to muŋ ne ye a tinna, ali ka sila hadamadiŋo la, saayaa be meŋ kunna, hadamadiŋo meŋ maŋ ke feŋ ti fo ñaamoo?

Jabuuroolu 23:4

Hani niŋ m be taama kaŋ wulumbaŋ dibiŋ baa kono, n te sila la kuu jawu la, kaatu i be m fee le. I la kantarilaŋ pudoŋo niŋ i la taamaraŋ dokoo, wolu le ka n jusulandi.

Jabuuroolu 46:11

Yaawe Alihawaa Maariyo be ntolu fee le. M̀ mumu Yaakuba la Alla le mu ǹ ye tankadulaa ti. S

Jabuuroolu 146:5

Seewoo be moo le ye meŋ ye Yaakuba la Alla muta a la maakoyirilaa ti, meŋ ye a jikoo loo Yaawe kaŋ, a la Alla.

Jabuuroolu 46:1

Alla le mu ǹ na tankandirilaa ti, ǹ jikiraŋ semboo. Maakoyirilaa le mu, meŋ ka tu sabatiriŋ m̀ fee koleyaa kono.

1 Samuweli 17:11

Kabiriŋ Sawulu niŋ Banisirayilankoolu bee ye ñiŋ kumoolu moyi, ì bee kijoo farata, aduŋ ì silata baake le.

1 Samuweli 17:37

Yaawe* meŋ ye n tankandi jatoolu niŋ daafeŋ saŋarariŋolu ŋooriŋolu la, ate le be m bondi la ñiŋ Filisitinkoo buloo kono.” Wo to le Sawulu ko Dawuda ye ko, “Taa, Allamaa Yaawe ye tara i fee.”

Jabuuroolu 56:5

N jawoolu ka tu m fokumoo yelemandi la le, ka n lañini. Ì ka tu kuu jawoo doroŋ ne siti la n kamma.

Jabuuroolu 56:10

N laata Alla la le, aduŋ n te sila la, n ka Yaawe* jayi a la kumoo kaŋ ne, n ka a jayi a la kumakaŋo kaŋ ne, hadamadiŋo si muŋ ne noo nte ma?

Jabuuroolu 56:12

Hee Alla, m be n na laahidoolu timmandi la i ye le, m be sadaalu* bondi la le ka i tentu,

Jabuuroolu 94:16

Jumaa le ka loo nte ye moo kuruŋolu kamma? Jumaa le ka loo m fee kuu jawu kelaalu kamma?

Jabuuroolu 112:8

A sondomoo ka tenkuŋ ne, aduŋ a buka sila, fo luŋo meŋ na a be a jawoolu la boyoo je la.