Jabuuroolu 118:13 - Mandinka Bible

¹³ A kandita n kaŋ baake le, fo domandiŋ n si tu, bari Yaawe ye m maakoyi le.

Jabuuroolu 118:13 Referans Kwoze

Jabuuroolu 140:4

Hee Yaawe, n kanta moo kuruŋolu la karoo la. N tanka fitina moolu ma, mennu ka feeroo siti ka m boyindi.

Jabuuroolu 86:17

Yaawe, i la konotodiyaa taamanseeroo yitandi n na, fo mennu ye n koŋ ì si malu, niŋ ì ye wo je, i la m maakoyoo niŋ n jusulandoo kamma la.

Mika 7:8

Jawoolu, ali kana kontaani ka ǹ je bataa kono. M̀ boyita ñaa-wo-ñaa piram, m̀ be wuli la le kotenke. M̀ be diboo kono ñaa-wo-ñaa, Yaawe le be ke la ǹ ye maloo ti.

1 Samuweli 25:29

Moo-wo-moo ye i bayindi, aduŋ a lafita i faa la, Yaawe i la Alla be i tanka la le, ko hadamadiŋo ka feŋ betoo kanta ñaameŋ. Yaawe la karoo la, i jawoolu la baluwo te nafaa soto la, aduŋ ì be ke la le ko beroolu, ì ka mennu fayi kampuraŋo la.

Hiburunkoolu 2:14

Baawo ñiŋ diŋolu ye balajaatoo niŋ yeloo soto le, Yeesu faŋo naata ke hadamadiŋo ti ko itolu. Wo keta le, fo ka bo niŋ a la saayaa la, a si Ibiliisa kasaara noo, saayaa semboo be meŋ bulu.

1 Samuweli 20:3

Bari Dawuda kalita le, aduŋ a ko, “I faamaa ye a loŋ koyike le ko, i ye n kanu baake le. A ko a faŋo ye le ko, Yonatani te ñiŋ loŋ na. Niŋ wo nte, a niyo be toora la le. Bari a be koyiriŋ ñaameŋ ko Yaawe* be baluuriŋ ne aniŋ ite faŋo, simfaa kiliŋ, wo le be n niŋ saayaa teema.”

Jabuuroolu 129:2

Ì ye ntolu toorandi baake le, biriŋ m̀ foloodulaa, hani wo ì maŋ i kutu ǹ na de.