Jabuuroolu 112:3 - Mandinka Bible

³ Fankoo niŋ naafuloo be tara la a la dimbaayaalu ye le, aduŋ a la tiliŋo te ke la ñina kuu ti fo abadaa.

Jabuuroolu 112:3 Referans Kwoze

Kuma Kotoomaalu 15:6

Moo tilindiŋo la buŋo ka tara faariŋ naafuloo le la, bari moo jawoo sotofeŋo le ka mantooroo naati a ye.

Kuma Kotoomaalu 3:16

Siimaayaa be a bulubaa buloo kono, naafuloo niŋ buuñaa be a maraa buloo kono.

Matiyu 6:33

Ali Alla la mansabaayaa ñini foloo, aniŋ a la tiliŋo, bituŋ ali si naa ñiŋ feŋolu bee fanaa soto.

Yesaya 33:6

Ate le be ke la ali la waatoo fondamaŋ bambandiŋo ti, kiisoo, ñaameŋo aniŋ londoo diilaa. Yaawe ñaasilaŋo, wo le mu ali la naafuloo ti.

Jabuuroolu 112:9

A ka niiroo ke baake le, ka a dii fentaŋolu la. A la tiliŋo te ke la ñina kuu ti fo abadaa. A semboo be wara la le, aduŋ moolu be a horoma la le.

2 Korintinkoolu 6:10

Ì ka m̀ muta moo sunuriŋolu ti, bari ǹ na seewoo buka baŋ, waraŋ ko fuwaaroolu, bari ǹ ka moo jamaa ke fankamaa ti, waraŋ ko fentaŋolu, bari feŋolu bee mu ntolu le taa ti.

Jabuuroolu 111:10

Yaawe ñaasilaŋo le mu londoo kuŋo ti. Wo ka fahaamuroo dii moolu bee le la, mennu ka a la yaamaroolu muta. A be tu la jayi la le fo abadaa.

Jabuuroolu 111:3

A la keroolu be faariŋ horomoo le la, aniŋ mansayaa semboo, aduŋ a la tiliŋo be tu la le fo abadaa.

Yesaya 51:8

Kaatu tumboo le be ì tiñaa la ko duŋ feŋo, baabaa ye ì tiñaa ko bayoo. Bari n na tiliŋo be tu la le fo abadaa, n na kiisoo ye tara jamaanoolu muumee bee ye.”

Yesaya 32:17

Tiliŋo be naa ke la kayiroo le ti, aduŋ tiliŋo fanaa be naa tenkuŋo le naati la aniŋ lannoo fo abadaa.

Yuuba 5:24

I si ñiŋ dankeneyaa soto ko, i la dimbaayaa be tara la kayiroo le kono. Niŋ i ye i la beeyaŋolu yaatee, feŋ te dasa la kooma.

Jabuuroolu 34:10

Hani jatoolu ka foo le, aduŋ ì ka konko, bari moolu mennu jikita Yaawe la, feŋ kende buka ì dasa.

Jabuuroolu 34:11

N diŋ kusaŋolu, ali naa, ali ye i lamoyi n na, ŋa ali karandi Yaawe ñaasilaŋo la.

Kuma Kotoomaalu 21:20

Moo ñaamendiŋo ka a la naafuloo muta kuu le, bari toolewo, wo ka a taa bee kasaara le kataba kiliŋ.