Jabuuroolu 11:5 - Mandinka Bible

⁵ Yaawe ka moo tilindiŋolu niŋ moo kuruŋolu bee le kotobo. A ye fitinantuŋolu koŋ jawuke le.

Jabuuroolu 11:5 Referans Kwoze

Yankuba 1:12

Barakoo be moo le ye, meŋ ka wakiili kotoboroo la, kaatu wo koolaa a maarii be baluwo kañeerinaafoo soto la le, Alla ye meŋ laahidi moolu ye, mennu ye a kanu.

1 Pita 4:12

N kanuntewolu, ali kana jaakali toora koleŋo la, meŋ be ali kotobo kaŋ ko dimbaa. A kana ke feŋ ti ali fee, meŋ maneeta.

1 Pita 1:7

Ka bo niŋ wo kotoboroo le la, ali la lannoo la foroyaa be je la ko, a nafaa warata ka tambi sanoo la, meŋ na foroyaa fanaa ka loŋ niŋ dimbaa la. Wo to le, ali la kuwo be ke la tenturoo, jayiroo, aniŋ horomoo sababoo ti, Yeesu Kiristu be muru la naŋ waatoo meŋ na.

Jabuuroolu 26:2

Hee Yaawe, n kotobo, i ye n kisikisi. N sondomoo kono kusonsoŋ, aniŋ n na miiroolu,

Jabuuroolu 7:9

Moo kuruŋolu la kuruŋyaa daŋ, i ye moo tilindiŋolu londi ka bambaŋ. Ite Alla tilinta le, i ka moo-wo-moo la miiroo niŋ a la hame kuwolu koroosi le.

1 Musa 22:1

Ñiŋ kuwolu boriŋo a la, Alla naata Iburayima kotobo. A ko a ye ko, “Iburayima!” Iburayima ko a ye ko, “M fele jaŋ.”

Jabuuroolu 21:8

I buloo be laa la i jawoolu bee kaŋ ne. I bulu sembemaa be laa la moolu kaŋ ne mennu ye i koŋ.

Jakariya 11:8

Kari kiliŋ kono, ŋa kantarilaa saba bayi. M pasita saajiyolu la kuwo la, ì fanaa ye n koŋ.

Yeremiya 12:8

M faŋo la tomboŋ moolu keta n ye le komeŋ jatoo sutoo kono, ì ye ì kaŋo bula ka bumbuŋ n kaŋ. Wo kamma la ŋa ì koŋ ne.

Jabuuroolu 139:1

Yaawe*, i ye n kusonsoŋ ne, aduŋ i ye n loŋ ne.

Jabuuroolu 17:3

Hani niŋ i ye n sondomoo kono kusonsoŋ, i ye n kisikisi suutoo la, i ye n kotobo, i te kuu kuruŋo tara la n kono. Ŋa tawoo taa le ko n daa te kuma jawu fo la.

Jabuuroolu 10:3

Moo kuruŋo ka kibiri a lafinna kuwolu kaŋ ne. A ka a ñoŋ moo hadumeriŋo jayi le, a ka Yaawe sooki.

Malaki 3:3

A be sii la le ko kodiforo tunkannaa, a ye Lewi koomalankoolu seneyandi, a ye ì tenteŋ ko sanoo niŋ kodiforoo ka ke ñaameŋ. Wo le to ì be naa ke noo la piriisoolu* ti, ka sadaalu* bo Yaawe ye tiliŋo kono.

Jakariya 13:9

Talaadaa sabanjaŋo, m be wolu seneyandi la dimbaa le la, ko ì ka kodiforoo seneyandi ñaameŋ. M be ì kotobo la le, ko ì ka sanoo kotobo ñaameŋ. Ì be n too kumandi la le, aduŋ m be n danku la ì ma le. N si a fo ko, ‘Ì mu n na moolu le ti.’ Ì fanaa si a fo ko, ‘Yaawe le mu ǹ na Alla ti.’ ”

Jabuuroolu 5:6

I ka faniyaa folaalu kasaara le, aduŋ moofaalaa niŋ neeneerilaa, ite Yaawe ye wolu haraamu le.

Yeremiya 20:12

Hee Yaawe Alihawaa Maariyo*, i ka moo tilindiŋolu kotobo le, i ka sondomoo niŋ hakiloo kono je le. N jerindi julujoo la i be meŋ ke la ì la, kaatu ŋa n na kuwo tu ite le bulu.