Jabuuroolu 102:2 - Mandinka Bible

² Kana i ñaa kaasi n na, n na mantooroo waatoo la. I lamoyi n na, i ye tariyaa ka n jaabi, niŋ ŋa i kumandi.

Jabuuroolu 102:2 Referans Kwoze

Jabuuroolu 69:17

Nte mu i la dookuulaa le ti, kana i faŋ maabo m ma. Nte be mantoora baa le kono, n jaabi katabake.

Yesaya 8:17

Yaawe ye a ñaa kaasi Yaakuba koomalankoolu la le. Bari m be a batu la le. M be n jikoo sembe la a la le.

Jabuuroolu 27:9

Kana i ñaa kaasi n na. Kana kamfaa, i ye nte i la dookuulaa bayi. Ite le mu m maakoyilaa ti. Hee Alla, n tankandilaa, kana m bula, aduŋ i kana i koo dii n na.

Jabuuroolu 104:29

Niŋ i ye i ñaa kaasi ì la, ì ka jikilateyi le. Niŋ i ye i la baluwo niijii foñoo taa, ì ka faa le, ì ye muru ka ke bankumunkoo ti.

Jabuuroolu 70:1

Hee Alla, n tankandi. Yaawe*, naa katabake ka m maakoyi.

1 Korintinkoolu 10:13

Alitolu maŋ marisa kuwo soto, meŋ maŋ dali ke la hadamadiŋo la. Alla tilinta le, aduŋ a te soŋ na ali ye marisa ka tambi, ali te meŋ muña noo la. Bari niŋ ali marisata, a be kana siloo dii la ali la le, fo ali si a muña noo.

Jabuuroolu 143:7

Hee Yaawe, n jaabi katabake, n jikilateyita le. Kana i ñaa faa m ma, niŋ wo nte n si taa laakira.

Jabuuroolu 71:2

N tankandi i la tiliŋo kaŋ, i ye n kanandi. I tuloo loo n na, i ye n kiisa.

Yesaya 43:2

Niŋ ali be teyi la niŋ baa la, m be tara la ali fee le. Niŋ ali be tambi la niŋ baa diinondiŋo la, jiyo te ali kunuŋ na. Niŋ ali taamata dimbaa kono, ali te jani la. Niŋ ali dunta mantooroo kono, a te ali dewuŋ na.

Jabuuroolu 40:13

Dukaree Yaawe, n tankandi. Yaawe, naa katabake ka m maakoyi.

Jabuuroolu 31:2

I tuloo tu n to, i ye m bondi katabake. Ke n ye semberaŋ beroo ti, aniŋ tata bambandiŋo, ka n tankandi.

Jabuuroolu 22:19

Hee Yaawe, kana jamfa n na. Ite le mu m fankoo ti, naa katabake i ye m maakoyi.

Jabuuroolu 13:1

Hee Yaawe*, janniŋ muŋ tuma? Fo i be ñina la nte la le fo fawu? Janniŋ muŋ tuma le i be i ñaa faa la nte ma?

Yuuba 34:29

Niŋ Alla maŋ kuu ke a noo to, jumaa le be a tuumi noo la a la? Niŋ a ye a faŋ maabo, jumaa le be a je noo la, fo moo kuŋ kiliŋ, waraŋ fo jamaa?

Yuuba 7:21

Muŋ ne ye a tinna i maŋ kafari ke n ye, i ye yamfa n na junube kuwolu la? A te mee la, m be tara la laariŋ kaburoo kono. I si n na kuu juubee, bari n te tara la keriŋ.

Yesaya 65:24

Janniŋ ì ka kumandiroo ke, m be n danku la le. Niŋ ì be diyaamu kaŋ n ye ì la suula kuwolu la, m be ì la duwaa jaabi la le.

2 Musa 2:23

Waati jaŋ koolaa, Misira mansa faata. Banisirayilankoolu woosiita ì la joŋyaa la, aduŋ ì kumboota. Ì ye maakoyiroo daani ì la joŋyaa kuwo kamma la Alla bulu.

2 Musa 2:24

Alla ye ì la woosiyo moyi le, aduŋ a hakiloo bulata a niŋ Iburayima, Isiyaaka aniŋ Yaakuba la kambeŋo la.

Jabuuroolu 17:1

Hee Yaawe*, i lamoyi n na kumboo la, i ye kiitiyo teyi n ye. I tuloo loo n na duwaa la, neeneeri kuma te n daa.