Jabuuroolu 102:18 - Mandinka Bible

¹⁸ Nte le ye a fo ko, “Ali ñiŋ kuwo safee jamaani naalaalu ye, ñiŋ kamma la moolu mennu maŋ wuluu foloo, si Yaawe jayi ko:

Jabuuroolu 102:18 Referans Kwoze

Roomankoolu 15:4

Feŋ-wo-feŋ meŋ safeeta koomanto, wo safeeta le ka ke ǹ ye yaamaroo ti, fo ǹ si jikoo soto ka bo niŋ muñoo niŋ wakiilindiroo la, Kitaabu Senuŋolu ye mennu dii ǹ na.

Yesaya 43:21

m faŋo ŋa n na moolu mennu daa, fo ì si n jayi ka a janjandi taariŋ.

2 Pita 1:15

M be n na katoo bee ke la le ka a je ko, ali hakiloo si tu ñiŋ kuwolu kaŋ, hani n na saayaa koolaa.

1 Korintinkoolu 10:11

Ñiŋ kuwolu keta itolu la le ka ke dandalaaroo ti, bari ì safeeta le ka ke ǹ ye yaamaroo ti, duniyaa labaŋo la waatoo be looriŋ mennu kaŋ.

Efesusinkoolu 2:10

Ntolu mu Alla la dookuwo le ti, a ye mennu daa ka bo niŋ Kiristu Yeesu la, ka baara betoolu ke, a ye mennu parendi nuŋ, fo ǹ si taama ì la.

Yohana 20:31

Bari ñinnu safeeta le, fo ali si laa ko, Yeesu le mu Alimasiihu* ti, Alla Dinkewo*, aniŋ fo niŋ ali laata, ali si baluwo soto a too la.

Daniyeli 9:2

A la mansayaa sanji foloo la, ŋa a koroosi kitaaboolu kono le ko, Yerusalaamu be sanji taŋ woorowula le ke la tumbundiŋ. Wo be looriŋ Yaawe* la kumoo le kaŋ, a ye meŋ dii Annabilayi Yeremiya la.

Yesaya 43:7

Moo-wo-moo ye m muta a la Alla ti, be muru la naŋ ne, ŋa meŋ daa aniŋ ka muluŋo ke a la, ka n na kallankeeyaa* yitandi.”

Jabuuroolu 71:18

Hee Alla, hani n kotooriŋo la, n kuntiñoo koyita ñaa-wo-ñaa, kana i bo n to, fo niŋ ŋa i la waroo niŋ i la semboo seyinkaŋ jamaani naalaalu ye.

Jabuuroolu 48:13

Ali a tata sansaŋolu koroosi kendeke. Ali a tata buŋolu la kuwo kisikisi, ñiŋ kamma ali si a fo noo jamaani naalaalu ye ko:

2 Musa 17:14

Wo to le Yaawe ko Musa ye ko, “Ñiŋ kañeeroo la kuwo safee kitaaboo kono fo moolu hakiloo si bula a la. A fo Yosuwa ye ko, m be Amalekinkoolu kasaara la le, fo moo te a loŋ na ko, ì nene be keriŋ ne.”

Jabuuroolu 69:34

Saŋ fatoolu niŋ bankoo, ali Alla jayi. Fankaasoo aniŋ niilamaa feŋolu mennu bee be a kono, ye a jayi.