Jabuuroolu 102:15 - Mandinka Bible

¹⁵ Bantala banku* moolu be Yaawe too kuliyaa la le, aduŋ duniyaa mansoolu bee be a kuliyaa la a la kallankeeyaa* kaŋ ne.

Jabuuroolu 102:15 Referans Kwoze

1 Mansoolu 8:43

i si i lamoyi a la ka bo Arijana kono, i taradulaa. Luntaŋo ñiŋ ye kuu-wo-kuu daani i si a ke. Niŋ wo keta duniyaa moolu bee si i too loŋ. Ì si sila i la, komeŋ i la moolu Banisirayilankoolu, aniŋ fanaa ì si a loŋ ko, ŋa ñiŋ buŋo meŋ loo i too le be a kunna.

Jabuuroolu 138:4

Hee Yaawe, duniyaa mansoolu bee be i jayi la le, niŋ ì ye i la kumoolu moyi.

Jabuuroolu 86:9

Maariyo, ite le ye duniyaa moolu bee daa. Ì be naa le, ì ye sujudi i ye, aduŋ ì be i too horoma la le,

Lankenemoo 11:15

Bituŋ malaayika woorowulanjaŋo ye a la footaŋo fee, aduŋ kumakaŋ baalu be Arijana kono, ì be a fo la ko, “Duniyaa mansayaa bee naata ke m̀ Maariyo niŋ a la Alimasiihu* la mansayaa le ti, aduŋ a si maraloo ke fo abadaa!”

Jabuuroolu 72:11

Mansoolu bee si ñoyi a koto, aduŋ duniyaa bankoolu bee si dookuwo ke a ye.

Lankenemoo 21:24

Ka bo niŋ saatewo la maloo le la, nasiyoŋolu be taama la maloo kono, aduŋ duniyaa mansoolu be ì la fankoo niŋ ñiiñaa naati la a kono le.

Yesaya 55:5

Tooñaa-tooñaa, i be bankoolu le kumandi la, i maŋ mennu loŋ, aduŋ bankoolu mennu maŋ i loŋ, wolu niŋ tariyaa le be naa i kaŋ. Nte Yaawe i la Alla, Banisirayila la Senuŋ Baa la kuwo le be a saabu la, kaatu ŋa i fandi niŋ horomoo le la.”

Nehemiya 1:4

Kabiriŋ ŋa ñiŋ kumoolu moyi, n siita duuma ka kumboo. A ye tili dantaŋ sii le m be woosii la. N sunta, n duwaata ka Arijana Maarii daani.

Nehemiya 2:3

N ko mansa ye ko, “Allamaa i mee la! Muŋ ne ye a tinna n ñaa te kuyaa la, baawo m mumuñolu be laariŋ saatewo meŋ to, jee be tumbundiŋ ne, aduŋ a dundaŋ daalu bee kasaarata niŋ dimbaa le la?”

Nehemiya 2:17

Bituŋ n naata a fo ì ye ko, “Ali ye a je le m̀ be mantooroo meŋ kono. Yerusalaamu fele a tumbummaa le be laariŋ, aduŋ a dundaŋ daalu janita dimbaa le la. Wo to ali naa ŋà saatewo tata sansaŋo seyinkaŋ loo, fo ǹ si bo maloo kono.”