Jabuuroolu 101:3 - Mandinka Bible

³ N te soŋ na n ñaa ye tara kuu jawu kewo kaŋ. Ŋa moo badaliriŋolu kekuwolu koŋ ne, n te soŋ na wo la muk.

Jabuuroolu 101:3 Referans Kwoze

Jabuuroolu 119:37

N ñaa bondi looriŋ kuu kenseŋolu kaŋ, i ye n niyo tanka ka bo niŋ i la kumoo la.

Yuuba 31:1

Ŋa ñiŋ laahidoo taa n ñaa la karoo la le ko, n te sunkutu juubee la ka hame a la.

Kuma Kotoomaalu 6:25

Kana a la ñiiñaa muta i sondomoo kono, aduŋ a la ñaakese koyoo kana i bondi i noo to.

Matiyu 5:28

Bari saayiŋ m be a fo la ali ye, moo-wo-moo meŋ ye musoo juubee, a hameta ka a laañooyaa, wo maarii ye jeenoo ke le a sondomoo kono fokabaŋ.

Jabuuroolu 40:4

Seewoo be moo le ye meŋ jikita Yaawe la, meŋ buka jiki faŋ wara moolu la, waraŋ ka kafu moolu ma mennu ye feŋ kenseŋolu muta Alla ti.

2 Musa 20:17

Ali kana ali ñaa loo moo doo la buŋo kaŋ, a la musoo, a la jommusoolu, a la jonkewolu, a la ninsoolu, a la faloolu, waraŋ feŋ-wo-feŋ mu a taa ti.

5 Musa 15:9

Ali si ali hakiloo tu ñiŋ miira jawoo nene kana duŋ ali sondomoo kono ka a fo ko, sanji woorowulanjaŋo sutiyaata naŋ ne, saŋo meŋ ali ñanta yamfa la juloo la, wo ye a tinna ali ye balaŋ ka ali baadiŋ Banisirayilankoo donto. Niŋ wo maarii kumboota Yaawe ye, Yaawe be a muta la ali ye junuboo le ti.

2 Pita 2:21

A be fisiyaa la ì ye le, niŋ a ye a tara, ì nene maŋ ñiŋ sila tilindiŋo loŋ nuŋ muumeeke. Kaatu saayiŋ a keta le ko, ì la ñiŋ siloo londiŋ koolaa, ì naata ì koo dii yaamari senuŋolu la, ì ye mennu soto fokabaŋ.

Kalatiyankoolu 4:9

Bari saayiŋ, ali naata Alla loŋ ne, waraŋ ko a ñanta fo la ñaameŋ, Alla ye ali loŋ ne. Wo to, muŋ ne ye a tinna ali ka muru kuwolu kaŋ, mennu maŋ semboo soto, ì mu jikiraŋ nafantaŋo le ti. Fo ali lafita ka tara ì la joŋyaa kono kotenke baŋ?

Roomankoolu 12:9

Ali la kanoo si ke tooñaa ti. Ali kuu jawoo koŋ, ali ye kuu betoo muta kendeke.

Yeremiya 22:17

“Bari ite ñaa niŋ i sondomoo be looriŋ i fansuŋ nafaa doroŋ ne kaŋ, i ka moolu faa mennu maŋ kuu ke, ka keresubaŋ moolu fee, ka ì toorandi.”

Kawandilaa 6:9

Ka i ñaa loo feŋo kaŋ meŋ be i fee, wo le fisiyaata ka tara bori kaŋ, hame kuwo nooma doroŋ. Ñiŋ fanaa maŋ ke feŋ ti, a ka munta le ko foño bayindoo.

Yosuwa 23:6

Bari ali si ali hakiloo tu kendeke ka kumoolu nooma mennu be safeeriŋ Musa la Luwaa* Kitaaboo kono. Ali kana jenke luwaa ñiŋ ye kara la hani domandiŋ, fo bulubaa la, waraŋ maraa la.

Hiburunkoolu 10:39

Bari m̀ maŋ ke wo moolu ti, mennu ka badali, ì ye kasaara. Wo noo to, m̀ mu lannamoolu le ti, mennu be tanka la ka duŋ badaa-badaa baluwo kono.

Jabuuroolu 119:113

Ŋa moolu koŋ ne, mennu ka hakili fula soto i la kuwo to, bari ŋa i la karandiroo kanu le.

Jabuuroolu 78:41

Ì ye a kotobo le, ì ye a seyinkaŋ-seyinkaŋ, ka Banisirayila la Senuŋ Baa kamfandi.

Jabuuroolu 14:3

Ì bee le badalita, ì bee le kaañanta tiñaa la. Kiliŋ te jee meŋ ka kuu kendoo ke, hani kiliŋ.

2 Musa 32:8

Ŋa ì yaamari ka siloo meŋ nooma, ì ye a bula le. Ì ye sani ninsituuraa le dadaa ka bo niŋ sani yelundiŋo la, ì ka sujudi wo le ye, ì ka sadaalu bondi a ye. Ì ka a fo le ko, ñiŋ ne mu itolu la alla ti, meŋ ye ì ñaatonkayaa ka ì fintindi naŋ Misira bankoo kaŋ.”

Mika 2:2

Niŋ ì hameta kunku meŋ na, ì ka wo buusi a maarii bulu le. Niŋ ì lafita buŋo meŋ na, ì ka a taa le. Ì ka kewolu niŋ ì la dimbaayaalu toorandi, ì ka ì sotofeŋolu foriseetoo taa.

Yesaya 33:15

Moo meŋ kekuwolu tilinta, aniŋ a fokumoolu ka ke tooñaa ti, meŋ buka sotoo ke tapaleeyaa kono, meŋ buka dukoo muta, meŋ ka a tuloo kaasi feeroolu la ka moo faa, aniŋ ka a ñaa kaasi kuu kuruŋ kewo la,

Yesaya 30:11

Ali bo tooñaa siloo kaŋ, ali jenke wo siloo ye, aduŋ ali si i foño ka Banisirayila la Senuŋ Baa la kumoo fo ǹ ye.”

Jabuuroolu 39:1

N ko m faŋ ye ko, “M be n hakilitu la n kekuwolu to le, ŋa n neŋo muta, a kana n duŋ junube kuwo to. M be n daa mara la niŋ karafewo le la, niŋ moo kuruŋolu be n daala.”

Jabuuroolu 125:5

Bari moolu mennu ka taa ì fansuŋ sila jenkeriŋolu la, i si wolu niŋ moo kuruŋolu kasaara ñoo la. Kayiroo ye tara Banisirayila fee.

Jabuuroolu 97:10

Yaawe ye moolu le kanu mennu ye kuu jawoo koŋ, a ka a la moolu niyo kanta le, a ka ì tankandi moo jawoolu bulu.

Jabuuroolu 78:57

bari ì ye ì koo dii a la le ka badali ko ì mumuñolu. Ì jenketa le komeŋ worotoo.

Jabuuroolu 36:3

A daakumoolu mu kuruŋyaa niŋ neeneeroo le ti. A ye a koo dii ñiŋ na le ka ñaameŋ kuwo ke, aniŋ kuu kendoo.

1 Samuweli 15:11

“Nte nimisata le, ka Sawulu ke mansa ti. A ye a koo dii n na le, aduŋ a maŋ n na yaamaroolu muta.” Samuweli kamfaata, aduŋ suutoo muumee kono a tuta Yaawe daani la Sawulu la kuwo la le.

5 Musa 13:17

Ali kana feŋ kiliŋ taa meŋ ñanta kasaara la, ka a maabo ali faŋolu ye. Niŋ ali ye ì kasaara, Yaawe jusoo si sumayaa noo le, a ye balafaa yitandi ali la, aniŋ hiinoo, a ye ali yaatewo siyandi, ko a kalita ali mumuñolu ye ñaameŋ.

1 Yohana 2:19

Ì bota ǹ na kafoo le kono, bari ì niŋ m̀ maŋ ke kiliŋ ti. Kaatu niŋ ì niŋ m̀ mu kiliŋ ti, wo to ì be tu la m̀ fee le. Bari ì bota ǹ kono le fo a si koyi ko, ì niŋ m̀ maŋ ke kiliŋ ti.

Jabuuroolu 41:9

Hani n teeri kendoo, n laata meŋ na, n niŋ a ka deŋ n na domoroo la, a yelemata n jawoo ti le.

Jabuuroolu 139:22

Ŋa ì koŋ jawuke le, ŋa ì muta le ko n jawoolu.

Kuma Kotoomaalu 6:12

Moo nafantaŋo niŋ moo kuruŋo, ì ka tu yaayi la le ka faniyaa fo,

Kuma Kotoomaalu 6:13

ì ka ì ñaalu kati moolu ye le, ì ka taamanseeroo ke niŋ ì siŋolu la, aniŋ ka ì bulukondiŋolu tiliŋ moolu la.

Kuma Kotoomaalu 8:13

Yaawe* ñaasilaŋo le mu kuu jawu koŋo ti. Ŋa faŋ waroo niŋ horomantaŋyaa koŋ ne, aduŋ jawuyaa niŋ faniyaa foo mu n tanoo le ti.

Jakariya 8:17

Ali kana i miira ñiŋ na faŋ, ka kuu jawoo ke ñoo la. Ka i kali faniyaa kaŋ, wo kana ke ali daajikoo ti. Ŋa ñiŋ bee le koŋ. Nte Yaawe le ye a fo.